究竟小三TSA/BCA為咩?

shadeslayer

MASAYA 發表於 17-2-6 14:17
你究竟講TSA幫到學校定TSA幫到教育局呀？係學校借TSA去改善定教育局借TSA去改善呀？ ...

Both.

學校以TSA改善教學。

教局以TSA作為監察學生基本能力的其中一種工具。

judy

我做過多間 MNC, 大公司, 無一間 IA 會比意見如何改善。改善不了, 係部門主管/校長/教員要受罪, 不是顧客/學生。

呢樣係重點中嘅點中。

收到報告，不外有四種做法：

1. 會研究如何改善。
2. 做個樣俾人睇，如OT、開會、上天台唱一二三四五六七、多勞多得。教師也一樣，放假回校啦，開研討班啦等等。
3. 多啲聯係客户，可能儍儍地半夜三更打電話給客户，代表公司祝客户睡得好。教師可能會俾多啲功課學生，以為咁係為學生好。
4. 最後一種最不好，做出有損公司行為；教師如明知操練無用，仍俾大量切課俾學生，也可歸入此類。

judy

4. 最後一種最不好，做出有損公司行為；教師如明知操練無用，仍俾大量切課俾學生，也可歸入此類。

繼續.....

不幸，教師工會或教師的一些隊友，在報紙上、論壇上，眾口一詞：因為教師受壓，所以操練學生(字里行間，從没提高操練是為了學生好)，令學童受害。

judy

或有人質疑，點解"國際"學校家長或平時反對操練的家長，反而會支持TSA。反而平時操慣嘅家長，反對TSA。

係囉，世界就係咁奇怪！

judy

人板來啦：

http://www.edu-kingdom.com/forum ... ;page=1#pid44013580

" 4 時半回家後一直做功課至 7 時，晚飯後再做功課；直至她 9 時回家，女兒仍未做完功課，亦需要溫書至 10 時，整天沒時間玩的小朋友，總想與弟弟玩一會，玩半小時便睡覺；同樣是每天 5 至 6 份功課，因程度深了，更需要花時間做。
每星期也有兩次默書（中、英），間中有小測，她每天還要花 1 小時溫默書……升小三後，放完暑假完全沒有功課適應時間，直至9月底，我覺得支持不了，便向老師反映。學校每天放學前有 25 分鐘功課時間，然而不少班主任也會處理班務，實際作用不大。"

個家長每天還要花 1 小時溫默書……

咁鍾意操練嘅人，反而反對TSA(佢地嘅邏辑係TSA引致操練)。

judy

吃白米吃死的人, 反對種白米

judy

開在對面講場見到以下其文：

教育局執意全面復考小三TSA，改名BCA並聲稱移除操練誘因，惟操練之風並未減。家長聯盟指出，部份學校可能TSA功課不多，實際卻在課堂操練，嚴重影響學生基礎教育質素。家長聯盟昨在將軍澳寶琳擺設街站，向家長和市民解構真相，並繼續收集市民簽名爭取民意。部份家長指子女學校「冇操TSA功課，點解仍要取消TSA」；家長聯盟就此指出，有學校確實很少TSA功課，家長表面看不見操練，但許多學校悄悄將原用作教授基礎概念的課堂，轉為做TSA題型操練。


葵涌大窩口將擺街站


聯盟指家課形式操練TSA影響課後休息與家庭生活，課堂上操練TSA則浪費學生的學習啟蒙黃金時期。家長聯盟代表湯頌儀說，昨日街站的反應踴躍，不斷有街坊簽名支持取消TSA，單計將軍澳街站已經收集到400個簽名，也有小朋友反映操練「做到好攰」。



聯盟今天和星期四下午4時至7時，會分別在葵涌邨三、四期商場3樓平台，及大窩口港鐵站B出口天橋繼續收集簽名。由12月中開始，聯盟至今已經收集接近4,000名市民的簽名，稍後會轉交教育局反映民意。

wan_sosin

shadeslayer 發表於 17-2-6 15:33
點解唔掂?  拿撥款的時候就話自己係靈魂工程師, 又要尊重, 一有人指出學校某方面不足, 就立即話只係打分工 ...

某程度我都認同好多老師唔專業!事實香港教育有很多要改善的地方，其中一樣是要教出班好老師，呢樣野又係邊個負責?

MASAYA

wan_sosin 發表於 17-2-6 17:40
某程度我都認同好多老師唔專業!事實香港教育有很多要改善的地方，其中一樣是要教出班好老師，呢樣野又係邊 ...

從來都冇否定過學校同老師需要改善，係想講教育局否認自己有問題之嘛

Vanadium

有人唔知係咪商業奇才，總覺得評核係改善表現方法。

商業audit根本唔同TSA考試。

亦有人堅持TSA可改善教學，但總係講"可以"，但完全無實證、例子，我懷疑連教育局自己都搵唔到多例子。

TSA改唔改善到教學就真係唔知，但只要間學校有心，絕對可以改善成績。

強調: TSA可以改善TSA成績，但未必可以改善教學。

Vanadium

一間有心做多band 1學生學校，見TSA考得唔好，最直接方法就係操練，操練.....係99.99%可以改善TSA成績。

我想用學琴做比喻。 通常人學琴可能一星期一堂，每堂1小時，但若然要學生如三年之內考5級甚至8級，係咪淨可以靠改善個1小時教學方法就做到? 無可能，必然，要學生課餘時好勤力咁練琴，即操練。

更甚，就係因為要考試，平時操練只會練考試要考之樂譜及指法，淨彈或主要彈考試歌。短時間內練得夠投入認真，考試會評你"pass"甚至"distinction"。

然而，如此學琴，就算考到8級，真係見得太多好似唔識彈琴一樣，亦唔少根本對彈琴無興趣，一考完試就話賣琴唔再彈。

Vanadium

對於好多TSA成績好既街坊band 1小學，街坊必然會口中一句: 呢間學校操得好勁，幾辛苦，功課幾多幾深，較少聽既係....呢間學校少功課但教得好好。

對於好多TSA成績好既名校，實際就係收勁人，再加上資源多，如以我所知，大都係語文科，甚至數學科小組教學，10至15人一班，人已夠勁，仲要有資源玩小組小班，仲要有資源請更多、更勁之老師，想TSA唔爆分都難。

Vanadium

用簡單既考試去評核教學甚至學習表現，本身就係殺死教育其中一個元兇!

評核可以，但請全面、廣闊，TSA呢種紙筆考核，只會引致操練文化，除非大家真係完全唔care個考試，但若然大家完全唔care，考黎仲咩?

mcl203

原帖由 Vanadium 於 17-02-06 發表
一間有心做多band 1學生學校，見TSA考得唔好，最直接方法就係操練，操練.....係99.99%可以改善TSA成績。

...

見你講教琴，我又有經歷喎，話說最初教琴老師，臨考2級前2星期先放料，話有機肥佬，之前從無投訴，好，我信你(無TSA考核吖嗎)，岩岩合格。好，學琴不是求分數，繼續學，3級又係無投訴，考前老師仲放埋假添，好吖，肥埋。好，迫我地轉老師，教法轉左，從此知進度，丁埋。老師教法/態度無影响，果個ABRSM無作用, 唔係化?? ~~~

mcl203

Vanadium 發表於 17-2-6 18:54
對於好多TSA成績好既街坊band 1小學，街坊必然會口中一句: 呢間學校操得好勁，幾辛苦，功課幾多幾深，較少 ...

官津學校點實際就係收勁人，再加上資源 ???  講多D分享多D ~~~

Vanadium

回覆 mcl203 的帖子

對於唔識既家長，先要用考試去知個琴老師教得好唔好。

但對於識既人，一上堂就知睇得出個琴老師得唔得，又或自己小朋友係咪啱進度，完全唔使用個考試。

對於唔識既家長，以為學校要靠個TSA先知D老師教得好唔好，但相信對於識既人，就算個老師果班TSA考得好，都一樣會知個老師教得差，係....TSA考得好，一個可以係教得差。

我用學琴做比喻，有兩個重點: 1) 考試係要練習，唔可能單靠課堂; 2) 鬥快考級就要鬥操揀; 絕唔可能靠個課堂。 TSA鬥成績，鬥程度高，就係做出以上兩點效果。

mcl203

Vanadium 發表於 17-2-6 20:03
回覆 mcl203 的帖子

對於唔識既家長，先要用考試去知個琴老師教得好唔好。

堅過教琴老師...點解要揾過弱過自己既教 ??....原來...唔識果D...如我...理應唔好安排去學琴  ~~~

仲有...邊個分享左話要鬥快考級下學琴...越走越遠...有D喘氣....

Vanadium

回覆 mcl203 的帖子

官津學校? 呢D咪我所講既街坊小學。

一種係有勁人既官津校。點收? 地區會幫佢選擇。位處主要私人屋苑、無咩公屋既中產地區，無其他超級名校同在，自然就會收到好家庭背景學生，我隨時可舉一堆例子。 佢地唔太進取既話，係無咩操練都好容易學生被評為過半數band 1，因為家庭支援足夠。

第二種係公屋區街坊小學。點收勁學生? 收唔到，因隨機派位，但有半至大半班可透過叩門位選擇勁學生。隨機下正常有33% band 1，加上叩門、各年插班位加增至40-45% band 1，再加上努力催谷，會提升至50-60% band 1，呢D就係所謂街坊band 1小學。


最近見網上有人post一間深水埗區街坊band 1津小既功課，數量多到嚇死人，但比我入得呢D學校就預左。

shadeslayer

MASAYA 發表於 17-2-6 18:01
從來都冇否定過學校同老師需要改善，係想講教育局否認自己有問題之嘛

你無否認者, 妨間乜乜家長組織, 乜乜教脅, 從來無承認學校老師有問題, 他們認為全是TSA的錯。TSA被成功妖魔化, 一切教育問題之源。

教局唔認為有問題就唔會停一年研究, 調整, 再推出。但只要是和升學無關的評估, 「教育界」只會反對和要求取消。

似乎有共識的, 只有操練危害學生, 咁不如立法禁止, 皆大歡喜。

mcl203

Vanadium 發表於 17-2-6 20:13
回覆 mcl203 的帖子

官津學校? 呢D咪我所講既街坊小學。

終於俾你發現左靠近私人屋苑既學生...學術水平係天生會高D...明晒 ~~~