本帖最後由 jeoy126 於 12-12-13 16:20 編輯
不好意思，又是很長一段時間沒有上來更新。要睇住女女成長的每一步，的確是件耗時耗力的事情。要下很多功夫。
之前剛去了囡囡中學的家長茶聚會，發現我是唯一一個對班裡和學校情況了如指掌的家長，其他家長爲了掌握子女情況紛紛問我拿電話。子女長大了，就不受家長管控，唯有家長自己放時間落去，同子女做知心好友，才能達到你想達到的目的。
好了言歸正傳。今次講下如何學好英文。
語言環境絕對是最重要的環節。以我咁多年的上門經驗，家裡有菲傭的學生，英文程度一定都會比較好，特別是聽力和口語，都會比家裡冇菲傭的學生來得出色。如果冇語言環境，但你又想仔女英文水平比其他小朋友更好，英文補習就必不可少，有能力，當然請發音標準的外國人教最好；冇能力也不要緊，本地老師雖然發音不夠標準，但也不是最重要的，畢竟仔女長大不是去做英文節目主持人，平時聽多英文節目，有心去改善發音，就一定能做到；冇能力請私人補習也不要緊，最起碼要去出邊的專業英文補習班學習。注意，我講的是專門的英文補習班，并非做功課的普通補習班。一定要選擇有壓力、miss比較嚴厲的補習社！但很奇怪的是，我認識的多數家長，都是不喜歡子女在一個有壓力的補習社學習，他們都希望小朋友在一個輕鬆的環境下有個好開心的心情去學到知識。當然運氣好的，的確是會有良性循環的情況，小朋友學得開心，又真的學到入咗腦。但可以說，這樣的例子極少，又想馬兒好又想馬兒不吃草的事情，是不大可能會發生的。就算你花巨額補習費，去鬼佬上堂的補習班，小朋友上堂好開心，又真喺進步咗，你就覺得有成效，但如果從經濟同時間的角度，同樣多的時間和金錢放在另一個模式中，可能你小朋友是突飛猛進的飛躍。更何況，畀小朋友學識面對壓力和困難，也是必要，如果下下都要就住佢的情緒，你小朋友就會變得對壓力和困難冇任何抵抗力，更容易產生負面情緒，對他的成長和學業都冇任何好處。我女女就去了一間有大量功課、有嚴格獎懲制度的補習社，一開始佢好大壓力，覺得太辛苦唔想讀，我喺正面引導她要學會堅強、學會承受，既然人地可以做到可以承受，有咩理由你唔得呢?人生最大的勝利就系戰勝自己的恐懼心，就是這樣，過左辛苦嘅頭兩個月，佢終於都適應咗，再不會覺得辛苦可怕，而且英文成績明顯提升，恐懼心不攻自破，佢對英文課有了信心，學起上來都更認真，咁就進入咗良心循環，由最初的英文寫作不合格到一年後英文寫作名列前茅。所以，一定要教導小朋友正面克服困難，面對壓力，不但是鼓勵，引導小朋友有良好的學習心態才是最重要！
我之前講過，中文靠閱讀，數學靠操練，這兩樣學科去唔去補習都冇所謂，特別是數學，好多家長懶管，就丟小朋友去補習社補數，其實補習社無非都是丟些練習畀小朋友操，即喺，你用咗比買練習多幾十倍嘅錢，送佢去某一個地方做練習咁解。補習社導師喺唔會嗮時間在某人身上為佢詳細解答，即使有需要幫忙都是好匆忙草草了事。但英文補習就唔同，佢喺一門語言，涉及的面太廣，自學所得到的知識有局限性，未必搞得定，有導師以講課的形式來授課，再通過佈置功課形式來強化，小朋友可以學到課本以外的更多內容，對佢掌握這門語言有莫大幫助。 如果你覺得小朋友暫時唔需要補習，但又有提升的空間，那麼我之前所講的“英文靠背”就會起到最關鍵性的作用。 首先從詞彙量開始，切忌，詞彙是基本！詞彙量多咗，無論是聽寫讀說，都不再會成為障礙。 今日時間不夠，要出門了，晚上回家繼續講完英文靠背的關鍵。不好意思。
| 
發表於 12-12-13 10:40
