保良局譚歐陽少芳幼稚園=>家長請進

030316

係上年度定係今年度?
我係上年幫個仔註冊時問校務處職員,
不過考陳守仁都係要靠自己實力/運氣,
老師話有位小朋友好叻好乖,
但都考唔到陳守仁,
反而收左另一名學生.
所以,我諗都要睇面試表現.
至於視學報告,
真係麻麻地,
不過我對教育局人員所寫的有保留.
佢地鐘意活動教學,
但上小學(直資/私立)就要面試,而且教的東西頗深,好多活動教學幼園的學生難以適應小一生活.
至於教學報告中提到學校要改善的地方,
今年學校都有相應的解決策略,
如評體能活動時間不足,今年k1一星期便有3日P.E.,比以往多左一堂,而且每日都有體操時間,這已足夠.
至於學與教,要鼓勵學生多點發表意見,
我也希望學校能在此方面加強,讓學生多點發言,增強自信,如很多學校都會有SHOW AND TELL的時間  或  講故事,
而課堂上老師的教學方式,真係因人而異,
但聽個仔話,老師都有問佢地問題,
多唔多?真係唔清楚.
另,視學時係睇左幾多位老師先有咁樣的結論?
會唔會係以偏概全?
唔知有冇其他人可以補充?

原文章由 小伊 於 08-5-13 20:22 發表
邊個話有30-60個入陳守仁架? 我個仔全班連候補只得2名gum大把jar。 看看今年的視學報告先啦，麻麻地juwor。

[ 本文章最後由 030316 於 08-5-13 23:40 編輯 ]

小伊

看來你是頭一個小朋友讀幼稚園，未經小一洗禮。系度讀書，除非升上英文小學，否則大鑊！這里的英語水平還可以，中文則強差人意，上小一後除了英文科，科科皆以中文作教學語言，中文弱，等於整體成績慘不忍睹。我不是單單指小兒，其他畢業生亦然。已向鍾校長反映這事，她也直認不諱，只答應會設法改善。可是，現在下學期也快完了，情況還沒有顯著改善。

030316

你說得對,我真係頭一名小朋友入讀幼稚園,所以好多事都係盲摸摸
我有朋友的子女都先後係呢間幼園讀過,
大嗰個(05年畢業)同細嗰個(07年畢業)都入讀九龍塘某間私小,
但大嗰個功課完全自己攪掂,細嗰個的英文講同聽都冇問題,但認字同寫字(中英)都麻麻(註:該小學的程度也很深).佢都話唔知係咪同呢幾年外評有關,要調低程度遷就.  
有d幼稚園k1下學期都係連下線,唔寫字,有d幼稚園k1上學期己經要認詞語,評估時仲係無圖畫,要連線配詞語.即時是出名的根德或sc,有不少學生都要尋求外援(出外補習).而我覺得譚歐唔算深又唔淺,當初幫個仔揾學校,合心水的,得呢間k1-k3全部都有am班,而且又有英文語境,價錢又合理,省回來的錢就可以同佢讀吓興趣班或出外玩下.如果唔係,真係養一個小孩要4百萬!!!!!
以上呢d只係我的個人意見.
不過我都希望校長能聆聽家長聲音,提高中文程度,可以的話,最好加埋普通話.依家出面好多小學都轉用普通話了.

HKQQbaby

現K3A,我所知只有２個入到TSL (two Indian girls). 不過,不是個個會考TSL (因其無中學,且中學校網不是最好, 尤其女生升中學時,好中學選擇不多)

原文章由 小伊 於 08-5-13 20:22 發表
邊個話有30-60個入陳守仁架? 我個仔全班連候補只得2名gum大把jar。 看看今年的視學報告先啦，麻麻地juwor。

030316

今日個仔話老師拿住報紙同佢地講四川地震的事,
又話個度的小朋友好慘,
於是我又拿起報紙同佢講地震的事,
其中有一篇報導話一對夫婦為保護三歲的女兒而犠牺,
自己講完,有點眼淺,忍唔住
個仔見到我咁,
即刻話:媽咪,唔使驚,如果有大石閘住你,我會幫你頂住架!
聽完更 ,好感動.

三十年前的唐山大地震,今日的四川大地震,
當年學校要求每位學生都要看"唐山大地震"呢本書,
嗰時只係覺得成本書裏有好多數字,
印象深刻的是地震餘生者的訪問和經歷,
呢d情形今日歷史重演在四川人民上,
心裏覺得好難受,
而當年師長埋在我心裏的國情教育幼苗,
今日萌芽,
亦祈望兒子能記得今日的歷史事件,
記得血濃於水,施比受更有福的道理.

請大家莫再遲疑,踴躍捐款,幫助國內同胞!

elizatyy

原文章由 小伊 於 08-5-14 01:13 發表
看來你是頭一個小朋友讀幼稚園，未經小一洗禮。系度讀書，除非升上英文小學，否則大鑊！這里的英語水平還可以，中文則強差人意，上小一後除了英文科，科科皆以中文作教學語言，中文弱，等於整體成績慘不忍睹。我不是單單指小兒，其他畢業 ...

My friend also told me not to choose 保良局譚歐陽少芳紀念幼稚園  unless my kid will go to an 英文小學.  She has to send her K2 kid to learn Chinese after the school.  

小伊

問題系，提高中文課程，非華裔學生 I 曬救命，上堂跟唔到唔知老師講mud。加埋普通話? 講笑
o羊！廣東話都搞唔點，每日上課得o個3個鐘乍。
講得黎都放學lu！所以，唯有自己系外面補補距啦。

030316

我都覺得個仔學英文的興致較高，中文好似較難咁，唔知係咪同呢排個中文老師請長假有關．
講開又講，有時我覺得ｄ非華裔學生 好叻，咁都認得ｄ中文字．
大家齊齊加油呀！

原文章由 小伊 於 08-5-22 00:34 發表
問題系，提高中文課程，非華裔學生 I 曬救命，上堂跟唔到唔知老師講mud。加埋普通話? 講笑
o羊！廣東話都搞唔點，每日上課得o個3個鐘乍。
講得黎都放學lu！所以，唯有自己系外面補補距啦。 ...

thwong

請問保良局譚歐陽少芳有沒有幼兒園?

小伊

譚歐陽少芳是沒有幼兒園的。

WHJ

Don't agree with you..
保良局譚歐陽少芳紀念幼稚園既中文已經係吾差,  k1  已要寫中文字,  口, 土, 一, 二, 三, 大, 人等等,  這在很多幼稚園未有發生…

原文章由 elizatyy 於 08-5-21 22:46 發表


My friend also told me not to choose 保良局譚歐陽少芳紀念幼稚園  unless my kid will go to an 英文小學.  She has to send her K2 kid to learn Chinese after the school.  

030316

係我的立場來看,我也認為譚歐的中文應唔差,依家阿仔已寫 田, 早,木等字,有d幼園仲係只係連下線,想問係今年的中文程度加深左,定係本來已是這樣?

原文章由 WHJ 於 08-6-5 11:55 發表
Don't agree with you..
保良局譚歐陽少芳紀念幼稚園既中文已經係吾差,  k1  已要寫中文字,  口, 土, 一, 二, 三, 大, 人等等,  這在很多幼稚園未有發生…

elizatyy

Are the graduates usually admitted to DSS or government schools?

Daisy媽咪

My daughter graduated from TAM AU.  I did agree its Chinese standard could not catch up the local traditional primary school.  My daughter still has huge gap vs her schoolmates.  I have tried many way to improve her Chinese but helpless.  My son studies in another kinder and he can read some simple chinese story book and he knows to write "海, 山, 大, 花" etc as i didn't involve too much on his study.  Besides, he know "海灘" and can read some simple menu at 酒樓, like "豆腐花", 時菜. etc.
Lastly, the teacher who teaches Chinese in Tam Au are always young and new.  They didn't have good system to teach Chinese compare with English.
Anyway, you can pick your perference !

小伊

DSS、私校,官小及津貼也有,當然以官津為主。

小伊

大家所見略同，
小兒於06年底投考小一時，我已察覺到中文水平跟外面有距離，只是沒預見升小一後的嚴重問題。
到了小一第一次評估後才晴天霹靂！開頭懷疑是讀障，經專家評估後認定是過去三年基礎打得不好。經過這幾個月惡補，才初見成效。不過在暑假仍要努力，不可鬆懈。
我不是說譚歐陽不好，其實她有一個難得的英語環境讓小朋友學習英語，只是有得必有一失。
今年經過我們的努力反映意見，加上換了校長，這兩個月確實有了改善。但我仍然擔心非華語學生做成的中文教學障礙還是沒法解決，到了K2K3會更為明顯。

030316

小伊
請問你個仔係讀邊間小學?可否pm?
最後你係點樣幫佢補的
你係家係咪仲有個細b係度讀緊?

原文章由 小伊 於 08-6-15 00:54 發表
大家所見略同，
小兒於06年底投考小一時，我已察覺到中文水平跟外面有距離，只是沒預見升小一後的嚴重問題。
到了小一第一次評估後才晴天霹靂！開頭懷疑是讀障，經專家評估後認定是過去三年基礎打得不好。經過這幾個月惡補，才初 ...

Daisy媽咪

原文章由 030316 於 08-6-18 15:59 發表
小伊
請問你個仔係讀邊間小學?可否pm?
最後你係點樣幫佢補的
你係家係咪仲有個細b係度讀緊?

小依,
你個小朋友幾時畢業? 我個女用左三年都攪唔掂d中文, 而又讀中文小學, 所以中文, 數學, 常識都死哂!

係出邊搵centre教又冇乜有系統同質素, 自己又唔知點教, 因為中文真係好難教!

你有乜貼士比我呀 ? 你知嗎, 我個女個同學仔, 佢小一時係個妹 (佢當時k2) 同佢默中文書呀 !

030316

dasiy媽咪
你有冇試過公文中文,普通話教,
但要不斷重覆,
要睇小朋友受唔受
受得就幾好,
係一套頗有系統的中文教學,
(主要係自學能力)