英華小學家長

Retoto

Hi! JP ! 我仔仔都係4B, 今年 Maths & English 都會係新老師 , 而班主任 Miss Leung 以前是二年級班主任 , 有冇人認識她?   

JP

kinhong 寫道:
各位:

(好烏龍，入2次資料都去錯地方，希望今次可以入到來同大家傾計，唔好意思。)
小兒升入5A，班主任是舊年4C班主任鄭老師，今年教中文，請問有無家長認識鄭老師，英文科Miss Sezto，舊年下學期教4B數之謝老師教數學。有家長已知乒乓球及足球之活動時間，請問知吾知籃球(校隊)呢?今年返學時間太早了，請問多吾多家長反對，有無平反機會呢?   

kinhong,

Miss Sezto係前英文科panel teacher，而家升左做課程發展主任,佢教5A English     
舊年下學期教4B數之謝老師係咪數學科panel teacher丫?
返放學時間應該已拍左板無平反機會喇！但小息次數

kinhong

JP:
鄺副教中文頂呱呱，小朋友最鍾意上佢堂，因為佢鍾意講故事多過教書，不過他真係好有心機。唔好意思又擺烏龍，我講5A數學科謝老師係舊年教4A班才真，舊年是新老師。
我唔知佢係吾係panel teacher喎 :idea:  

8Gu

各位好：
由於過２天我們一家会行旅行，所以２７日的家長会不能去了。
亦因為這様，班主任透露少々消息。
①上課的時間提早的事情，不会因為我們的反対而改変。
②課堂之間的小息，改為２堂1休。
③好像又走了幾位基全老師，所以又有新老師介紹。
唔知幾時至換完血？
図書館的陳老師走了，(伝聞)副校＆江主任…？(唔知真定假）     
如mama有其他消息，請説説好ma?

SandyKL

Elsalee,

你好 ，我仔叫Duncan，同佢中文名讀音好相似，佢二年級係2B，舊年三年級係3E，唔知我地囝囝有冇同過班呢?如有，可能會識得都唔定。

Aileen,

4C係顏Sir做班主任，今年好似教佢地班中文，佢係我大仔三年級班主任，唔錯架，小朋友聽男老師話多d。

JP,

弊在佢教二仔功課時好惡，晚晚都好大聲鬧仔，好驚佢爆血管，佢又唔肯請補習老師，因為佢相信除佢之外，冇人會好似佢咁好心機去教一個茅塞未開既小朋友，佢咁諗，我有秀才遇著兵既感覺。

我冇去見班主任，上星期我老公去咋，佢拎假去見佢班主任，我都冇問到佢詳情，而且邊個老師教邊科，佢完全冇問。

我星期六要番工，12點收工，仲約左二仔個班主任12點15分見面，我老公會依時去見住先，我係對面海趕過去，所以趕唔到茶聚。

Retoto,



8Gu,

係呀，今年黎左好多新老師，一來有基全老師走左，二來因為往時五年班及六年班得一班，依家五年班多左班數，所以學校要招聘多d老師番黎教。

mayc

JP:
嘩!11:00練波,熱起上嚟都幾係喎!
我仲諗緊會唔會繼續踢校隊.
這個暑假matthew在YMCA學籃球,我覺得他們教得好好!好專業,而且每次阿sir都會用幾分鐘同佢地講下人生道理,團隊精神,matthew打得好開心.

Easy媽咪

mayc
妳講ymca藍球咁好...有d心思思呀...因為我仔一向對足球冇嘜興趣...只有藍球有興趣咋...所以都好想比佢學下...ymca係咪8歲開始架? 唔知學校二年級有冇得學呢? 妳話ymca個教練會講下人生道理又幾好咁喎!   

sandykl
我仔跟開一位英文補習老師幾好架...係菲律賓人...住在佐敦..我見有架綠色小巴"6"號..係正佢樓下...好似去黃埔架! $140一個鐘...如果妳有興趣call我...等我比個電話妳...佢掂架...教小朋友有一手!   

CSK
喂...喂...好掛住妳呀...妳點呀((((((   
課外活動想個仔學咩呀...大個仔喎...升三年級...我仔高左好多呀...都唔知學校有咩比小二學?
我仔一向講野咁鬼大聲...希望佢升二年級好d啦...我希望佢今年操行拿個"A"比我睇下就好喇!   

JP
妳d仔話咁快就大哂咁制喇...妳就好啦!
琴日圍棋老師比左本書..系上次比賽d結果加相黎架...係咪妳仔冇參加呀...因為見唔到妳2個囝囝相呀? 我見到琴會Jason咋!    完左暑假唔學圍棋住喇...有時間就上去捉下棋...等到聖誕假期再學啦!

ambrose

Anyone can advise the time of coming parent meeting on Sat?  :

BTW, I will hire a private tutor from Sep 2005. Although I can teach my boy, I think it'd better to be taught by "non-family" member. Just try!    Sometimes, I became angry if my boy cannot understand what I talked so it will damage our relationship. I'd better to play with him rather than teaching.

pig

8Gu,

What do you mean?  

"(伝聞)副校＆江主任…？(唔知真定假）"

Retoto

Hi ! SandyKL ! 我仔仔叫 Kelvin , or 叫 ToTo, 佢上年和今年都是和 Duncan 一班的 !! 得閒互通消息！OK ?!

csk

Easy媽咪

YMCA籃球我都想阿仔參加，不過，真是抽不到時間。今個暑期他去學Phonics和英文班。英文班他很喜歡，Phonics幾有用，兩樣暑假後會繼續。其他學樂器、游水、普通話、童軍照舊，學校如有水墨畫也會參加，暑假的非洲鼓他亦喜歡，上一堂阿Sir仲教唱非洲歌，叫他唱原來已還番給阿Sir 如果非洲鼓或敲擊有班，我也會讓他參加，訓練下節奏和拍子。三年班中文要作文，也擔心他倒吊也無滴墨水 :-阿Charles都好乖，喜歡說話是優點，証明溝通能力無問題  

SandyKL

Easy媽咪,

咁果個補習老師，係教小朋友英文邊方面?我想搵老師可以教到佢生字、comphrension同埋簡單既文法，唔想淨係學對話。等我得閒同我老公講下先，佢一聽我話要搵其他人幫細佬補習，佢就好勞氣，要搵個機會慢慢同佢傾，如果佢肯，我再同你聯絡，唔該哂你先。

Retoto,

好呀! 真係要通吓消息，因為我兩個仔唔多鍾意講學校d野俾我知，問都唔講，自細佢地就係咁，有時我要係老師處先知道佢地係學校既情況，所以真係要通下消息。

各位:

唔知你地小朋友黎緊開學要幾點鐘出門口番學呢?我收到校車封信，早上侯車時間係6點50分，太早勒 ，夏天還可，冬天點算? [img align=right]http://smileys.smileycentral.com/cat/36/36_1_6.gif[/img]

我地果度仲唔係頭站，以前學年架車黎到已有其他同學仔係度啦，真係洗唔洗咁早，唔知其他小學係唔係都咁早既呢?

manam

SandyKL

很高興能加入這個英華forum, 我都是剛從我同事得知有這個bk website.

我這兩天剛好放假(我是working mum) , 一口氣將這個英華forum由頭到尾睇一遍, 發現原來有咁多家長參與這個forum.

今年, 我個仔同妳個細仔同班, 都是2E. 上星期, 我約見了班主任: 陳sir, 以前他都是英華仔, 教常識科, 亦負責課外活動和(體育)校隊. 其他(若無記錯)如音樂科是宗老師, 數學科是顏sir, 中文科是梁浩莊老師, 英文科是鄭老師(上年是教三,四年級英文的), 普通話是一名新老師(好像話有十幾年教學經驗).

今年英文科是鄭老師, 我個仔有少少失望, 因上年是Miss Ho
教, 請問妳知唔知這個鄭老師的教學如何呢?

KBmama

sandykl,
你想揾既英文班我兩個仔剛讀緊, 我都揾左好耐至揾到, 係人地介紹架, 你有興趣可以call 我. 係教grammar, tenses, ....etc. 唔係淨係學對話.
我仔要6:40a.m. 上車呀!   

SandyKL

Manam,

你好。下，你由頭到尾睇一次，咁咪好辛苦?!我都係在職媽媽，好忙。

因為我仔要補考，所以遲左編佢入班，因為咁未見陳Sir，係電話度都話佢自己係新老師，顏Sir係我大仔小三既班主任，大仔話佢教數教得幾好，而梁浩莊老師亦有教我大仔電腦科，佢話佢教得幾好，希望佢教中文一樣咁好啦。英文科鄭老師就唔知，要去打聽下先。

Miss Ho教英文真係一流架，同佢傾偈，發覺佢教書好投入，成副心機放係小朋友身上，而佢對小朋友係亦師亦友，佢有方法令小朋友因唔想令佢失望而精進自己，今年我d仔冇幸俾佢教真係可惜。:cry:

KBmama,

唉，我求先又同我老公提起，佢又勞氣勒，佢話佢完全知道二仔情況，又係果句，要拎佢俾人補習冇得傾，唔肯讓步，如果有一朝一日佢肯，我會向你及Easy媽攞料，唔該哂呀!
  

6:40分真係好早，遲d冬天佢地仲要摸黑番學，真係要迫佢地早d瞓先得啦。     

KBmama

jp,

唔好意思呀, 而家至覆你, 我都係剛剛去完旅行返黎咋, brian去camp, 佢立即slim左一個碼呀!  
佢話冇啖好食, 果度係一個荒島, 佢去完返黎果晚一食完飯就話:唉!今餐可以食餐滿足lor!   

kinhong,
你好呀! 我仔都係讀5a, 以後大家要好好溝通lu   

csk,
你欠我既野慢慢先還la, 我會記住既

JP

KBmama,

Oic!旅行好玩嗎？
去camp冇啖好食---正常架！ : 等佢地挨下都好！
我地都要6:55am上校車！

ambrose:

Parents meeting will start from 2:00pm this Saturday.

Easy媽咪:

J & P有去圍棋比賽，不過拎唔到名次,因為高手雲集！

佢兩兄弟年齡係大個左,但思想仲好幼稚呢！ 我對住佢地好鬼勞氣。

csk,
嘩!Aaron成績好又能兼顧咁多課外活動!   
J & P相形懶散好多。

mayc,
Matthew唔like足球要退出校隊丫？

SandyKL,
你老公咁堅持&有耐性,咪等佢教二仔lor!一於同佢鬥"長命"! :     

winoma

Hello!
請問有冇住TKO, 讀英華小學, 咪要好早上校車, 其他區要6:40-6:55, 我地咪要6點鐘(校車經TKO嗎), 因英華都是我想阿囝讀的其中一間, 但老公反對, 因浪費了交通時間, 小朋友又辛苦.

Elsalee

hi winoma, 我仔尾站上車, 都要7:00呀, 平時7:00起身,衣家要6:15. 唉,個仔叫極都唔訓, 我又要番工, 放工10:00先番到家. 驚佢上堂打瞌睡 又集中唔到精神 點算...      希望佢生性啦   

YeeOnMama

winoma 寫道:
Hello!
請問有冇住TKO, 讀英華小學, 咪要好早上校車, 其他區要6:40-6:55, 我地咪要6點鐘(校車經TKO嗎), 因英華都是我想阿囝讀的其中一間, 但老公反對, 因浪費了交通時間, 小朋友又辛苦.

winoma,
we also live in TKO. the pick-up time of our route on 6:45am. the timing is about 45 mins. i will not deny that the travelling is harsh for a small child, so we plan to remove in the near future.