嘉諾撒聖家(九龍塘) 家長入來傾下計啦

沙律

ningningpig, 其實膳頌膳禱可以放在學校, 我女上年係測驗/考試先帶番屋企.  另外, 圍裙同濕紙巾都可以放在學校, 逄星期五先帶番屋企洗.

乜課外活動今日開始上嗱?  我女既藝術體操應該下星期先開始, 除非我又攪錯  

小免媽媽, 我女讀二年班呀, 佢話得閒約你個女去飲茶喎  

傻妹

ningningpig,
多謝你!

沙律,
我女都係藝術體操,不過佢話噚日老師叫左佢去基礎體操,帶佢地去一次,下星期知係邊度上堂.佢放學問我, 佢係基礎體操定係藝術體操. 我話藝術體操先岩,佢就訓唔著,走黎話老師叫左佢去基礎體操.我話唔緊要啦,基礎體操個list應該無你名既. 佢又話有喎.搞到佢個心囉囉'亂', 最後,我俾張通告佢, 叫佢返學同老師講佢係參加藝術體操,佢先訓得著.
佢原本叫我幫佢寫手冊,但係我話唔寫啦,等佢自己試下解決;再唔得我先寫啦.唔知佢搞唔搞得掂呢   

ningningpig

傻妹,
      好似基礎體操同藝術體操都好困擾下,我想阿女都應該幾confused.

沙律,
    謝謝資料提供,ningning 每日"mug"都拎番屋企(好在無拎埋個盤)昨天數學要做A簿.B簿同WS嗎?手冊有寫,但網上又無,B簿又無,問多兩問又話自己寫多,結果我要佢用紙做埋,做多好過做少,其實是否假期功課呢?否則數學會否一天內做兩本簿同WS呢?如果不是趁老細行開上網問下,我睇仲死多兩成!

achan97,

    我星期六去了旺角度身做校服,老闆話依家都可以加單,但過兩日就不可以加單了,要有得派校服時有貨才可以買現成的,不知北角那兒是否都是這樣?

achan97 寫道:
ningningpig>>>你去旺角度就話無所謂,我若去度要去到北角呀!水咁遠!    我去得度不如索性係果樹買埋吧囉...........[quote]
ningningpig 寫道:
頭先我打電話給校服商,佢叫我今個星期去鋪頭度再度身,之後會同其他order一齊送到學校喎!真係俾個女激死!我想媽咪直接再問校服商好些

[/quote]

沙律

傻妹, 乜攪到咁複雜?  唔緊要啦, 下個星期會清楚架嘞, 其實基礎同藝術都唔會分別好大, 反而基礎體操可以出去比賽, 都幾好呀!

ningningpig, 我都答你唔到呀, 因阿女尋日直情冇帶手冊番屋企, 我都係rely on 網上資料, 如果有B簿要做, 佢實行要欠交功課...  

不過近排我都估計唔到功課量, 因為好以上咗2年班就多咗好多咁, 好似上星期四有9樣功課, 樣樣都要星期五交.  有個家長話我知佢女個班上星期五有11樣功課  

傻妹

ningningpig,

點解兩樣體操困擾？你意思係咪唔知兩樣既分別，覺得亂？
我都叫亞女唔好拎個 lunch bag/饍頌饍禱返屋企. 每日只攞餐具返黎.而果幾本牙牙語/禱文手冊就要日日帶.我都覺得好重呀......其實你地覺得有無可能同學校反影牙牙語及禱文手冊都留係學校呢？每日只係早會時用，其實放入個箱度俾佢地早會前去欏咪得囉．大家講個信字啦，你用我果本，我用你果本咁，用完放返入箱度，又唔會有機會畫花既．

傻妹

沙律，

乜只係基礎體操有得出去比賽咩？其他無ga? 其實都無乜入圍機會,不過想知多d. thank you

綽盈媽咪

claire's
視光師check到佢只係25度左右,所以唔洗戴眼鏡.

claire's 寫道:
綽盈媽咪,

咁你個囡需唔需要戴眼鏡?因阿囡都有少散光, 需要戴眼鏡以防加深

yilamm

claire's

Mandarin course係逢星期三下午多元化時段上的，你囡囡返校之後會去

yilamm

傻妹

預祝你囡囡10/6生日快樂

yilamm

聽你地噤講有d驚，都係同囡囡check

ningningpig

唔係,表達得唔清楚添!係參加左一樣,派左另一樣又轉番,攪到女女都幾亂呀.

我想來想去,都唔知可以唔帶什麼,原來食飯"架生"可以放係學校,禁都好D!另外,會唔會因為早會要祈禱,所以祈禱書派來派去會麻煩,所以才要日日帶住呢?

傻妹 寫道:
ningningpig,

點解兩樣體操困擾？你意思係咪唔知兩樣既分別，覺得亂？
我都叫亞女唔好拎個 lunch bag/饍頌饍禱返屋企. 每日只攞餐具返黎.而果幾本牙牙語/禱文手冊就要日日帶.我都覺得好重呀......其實你地覺得有無可能同學校反影牙牙語及禱文手冊都留係學校呢？每日只係早會時用，其實放入個箱度俾佢地早會前去欏咪得囉．大家講個信字啦，你用我果本，我用你果本咁，用完放返入箱度，又唔會有機會畫花既．

傻妹

yilamm, 多謝你!

ningningpig,

派會好多人手,我所諗係學生係早會前去欏.即係一份份咁欏,每次大家用完都入返個袋度,第二朝又成袋欏黎用.我覺得重可以訓練大家愛護(公物)及有手尾添.
或者有人諗到會唔會有人唔記得放返入箱,但係如果人人用完都去放返入箱,自己唔郁都提醒到自己要放返入箱掛. 校方亦可以安排d箱放係樓梯口,上課室前放底.
做法有好多種,不過要校方先知個難處及可行性.因為我始終睇得唔全面既.不過唔bring up呢個問題,就機會都無喎.

ningningpig

係咪好似係教堂D聖經一樣,自己用完自己放?

傻妹

yes,就係咁.


另外,請問"常識科進展性評估PO,3 " 即係咩?   

Keiko

傻妹

"生日快樂"
Happy Birthday to your daughter !!

From:Keiko & Family

綽盈媽咪

各位
第五屆家長教師會2006年週年大會,你地出唔出席呀!

綽盈媽咪

yilamm
你要同囡囡排期check眼, 去邊樹check?  同上一次只係帶囡囡去播導醫院check, 我覺得check得都ok, 只係$80.-大元.

yilamm

綽盈媽咪

我會出席10/14下午2:30，可以放工后去，你地呢?

朋友話去poly驗眼，mug播道可以check，駛唔駛book時間，mug野形式?請告之，謝謝!

綽盈媽咪 寫道:
各位
第五屆家長教師會2006年週年大會,你地出唔出席呀!

傻妹

Keiko, 多謝晒.

原來我女今日同keiko一齊去廁所呀,佢終於都去左第一次廁所喇!      佢重話去完廁所,一二年級既朋友仔一齊玩跳飛機添.

綽盈媽咪,
我打算出席家長會週年大會.

achan97

ningningpig>>>囡囡早兩日都係將本食飯祈禱書放左係學校,今日無情情拎返黎,問佢點解,佢話因為佢夜晚食飯都要用喎,真係比佢吹BB!!!!   

不過我唸佢地返全日真係幾虛耗精力,囡囡訓左喇,仲要係一分鐘唔駛經已熟睡.......   

ningningpig 寫道:
傻妹,

預祝你囡囡生日快樂!學業進步,身體健康!
生日兼中秋,咪可以玩得好盡興囉!正!!!!

    

終於全日上課了,我發覺阿女個書包都幾重,除了筆袋常用文具當天用的書簿作業以外,又有祈禱書兩本,再多本午餐祈禱書(唔記得個名,膳?膳?)再加上有圍裙,乾濕紙巾,食物盒,水壺,放晒入書包,我也覺得幾重,今天上興趣班,再帶多個小提琴,見佢都人仔細細,行得好論盡,有什麼可以不帶的呢????點樣可以拎少d