仁立紀念小學家長區 (2)

黃巴士

原帖由 劉健明 於 09-9-10 20:15 發表


我的囝囝很不開心 ,
希望他快點升中 , 離開這校...

是否有與校方商討你囝囝的不開心?
如預讀英中同是這樣辛苦的. 除非是沒要求的學校.

somimi

hello ,

請問有冇 P.2 longman express CDs 或e-books唔要丫,
可以出售嗎?

請pm我, 謝.

黃巴士

原帖由 劉健明 於 09-9-10 19:02 發表


補課的真正目的是為了提升學校 TSA 成績 , 以免成績較遜的小朋友會拖低學校未來的派位成績。補課時段 , 同學們是做購買得來的 TSA 補充或 TSA MOCK PAPER , 不停操練解答 TSA 問題 。實際上 , 這些成績與補課者本 ...

你是家長嗎???

cookie

記得我嗎? 我有啊,俾您啦...

原帖由 somimi 於 09-9-10 22:41 發表
hello ,

請問有冇 P.2 longman express CDs 或e-books唔要丫,
可以出售嗎?

請pm我, 謝.

cookie

我想問下有冇人有 longman express P4 既e-book??

原帖由 cookie 於 09-9-11 10:31 發表
記得我嗎? 我有啊,俾您啦...

somimi

原帖由 cookie 於 09-9-11 10:31 發表
記得我嗎? 我有啊,俾您啦...

cookie,

HI ~~
你好, 有印象有印象 !! 但你系唔系有個細女都讀p.2 ?? 我烏sir sir, 希望冇記錯, 笑c人 ^^
請收pm, 謝.
(希望你收到pm, 因bk問題, 好多時都出唔到街 )

[ 本帖最後由 somimi 於 09-9-11 17:17 編輯 ]

somimi

cookie,

我個帳號可能有問題
除pm外, 發表...等都好多時出唔到街
或者麻煩你pm我
麻煩晒.

plee

我大仔也讀P6，我也認識不少其他小學生及家長；說真的，我不認為仁紀特別谷學生，功課和學習內容量也沒比其他大部份津校多。

  我很認同讀書是培養學習興趣及求學精神，不是為了應付考試升學。我有些親友在英國讀小學，一星期只得一兩篇工作紙，沒有考試，卻有濃厚的閱讀及學習興趣。如果我有能力，也想讓小朋友到外國或讀國際學校。

  但現實是我們在香港的津貼學校升學；我覺得是整個教育制度問題，我們以前是自己的成績自己受；但現在的升中制度很有問題，考試成績好，還要看運氣(隨機No);自己級的派位banding數目不是看自己級的表現，是根據師兄姊的成績！在這個遊戲規則下，學校為自己學生爭取好一些的成績，多取一些band 1位，是無可厚非的。

   對一位負責及有能力的家長來說，就算沒補課也一樣指導子女溫習，但無可否認仁紀的家長程度有些參差，對沒能力的家庭，補課相信是不少的幫助。

  分享兩事件:我細女(現P2)的幼稚園同學被派往荃灣一以活動教學著名的小學，但在P1下學期開始時，被老師暗示她跟不上希望她轉校(P1!)。另一朋友兒子在同區唸一同是出名活動型小學(P3)，考八十多分老師致電家長要他們加倍努力。但我次子(現P3)成績低下，老師從無給我們壓力，反而留意到他其他方面的優點。我也問過大仔，他沒覺補課很辛苦。

    我三個小朋友給我的經驗是個別差異很不同，在同一階段大仔及細女1小時輕鬆完成的功課溫習，次子卻要3小時吃力完成，但我也欣賞他其他方面的才能。(我只分享自己小朋友的情況，無其他意思。)

   我很明白六年級小朋友及家長的壓力，但相信這是全港性問題；我也希望他快些渡過這艱辛的一年，一起努力吧！

[ 本帖最後由 plee 於 09-9-13 01:57 編輯 ]

劉健明

收到消息 , 校內又多一個小朋友中左 H1N1......

劉健明

原帖由 黃巴士 於 09-9-10 20:19 發表


是否有與校方商討你囝囝的不開心?
如預讀英中同是這樣辛苦的. 除非是沒要求的學校.

有...
我之前試過填唔同意的 , 但係班主任打來俾我 , 叫我再諗清楚改番填參加 , 一來佢話係上頭指示規定學生要補的 , 唔可以唔參加 (硬性) , 二來亦話係上司俾壓力叫佢打電話來說服我...

班主任佢話我囝囝唔補係自己蝕底 , 又話如果全級只有佢唔參加 , 上頭會話佢....
最後 , 我唔想佢難做 , 又唔想囝困蝕底 (個個有補 , 得佢冇補) , 終於改番填同意參加....

囝囝成績係 BAND 1 組別 , 入 BAND 1 應該冇問題...
但小朋友應該有開心童年 , 要俾壓力都中學先俾啦...
咁細個就有咁大讀書壓力/包袱 , 幾時先讀到大學畢業。 唔係講笑 , 囝囝現在O既返學放學回家時間(補課完再補習/學O野) , 仲慘過出來社會做O野O既大人.........

黃巴士

原帖由 劉健明 於 09-9-13 11:09 發表


有...
我之前試過填唔同意的 , 但係班主任打來俾我 , 叫我再諗清楚改番填參加 , 一來佢話係上頭指示規定學生要補的 , 唔可以唔參加 (硬性) , 二來亦話係上司俾壓力叫佢打電話來說服我...

班主任佢話我囝囝唔補係 ...

"補課完再補課/學嘢" - 為何補課完後又再補課/學嘢? 是同日的嗎??? 學嘢是學術抑或是活動??
可否SHARE吓??

黃巴士

原帖由 劉健明 於 09-9-13 10:52 發表
收到消息 , 校內又多一個小朋友中左 H1N1......

天氣悶熱. 大家都要小心,小心!!

唉!! 囝囝最近都有些咳&鼻塞!!!

csy_ma

各位家長：

好耐冇見！因為耐到唔記得咗個密碼，試咗幾次後就放棄，好彩今日撞啱

黃巴士：多謝您成日俾新訊息俾我地，反叛期既家長處理手法就好正，多謝多謝

曲奇：我終於發現自己隻p4碟既行蹤，應會響周六到手，您搵到未？仲要唔要另外果隻CD？

csy_ma

好多謝Plee既分享

您總係響最關鍵既時間出現，安慰一下已成驚弓之鳥既家長

我有以下的補充：

關於功課量：呢個係基於每位老師既個人風格。我記得以前我囡讀一二年級時，同級既E班好少功課，但班整體成績又好，我都不知幾羡慕 不過，聞說亦有不少E班家長大為不滿，甚至要蘊釀寫集體投訴信，向校方反映意見云云。

所以谷唔谷，點谷法先合乎多數家長要求？呢樣野真係見仁見智

[ 本帖最後由 csy_ma 於 09-9-14 20:53 編輯 ]

劉健明

今日張通告好似唔準確
以我所知,1年級同6年級都各有1人中左H1N1

csy_ma

正如荃灣一間出名唔谷既學校（小一上學期考試不計成績）剛離休既校長所言：
響香港呢個教育制度底下，有邊間學校敢唔做野？

有，國際學校，小部分直資。有朋友響要靠升學率招徠既私小，功課仲多個阿囡最高峰時，逾十門，俾錢唯一既好處既係有較嚴既留級制度，讀唔到唔會監硬升班，如此罷了。

至於以上所述既出名唔谷學校，有朋友既小朋友剛升小三，開始有怨言：數學功課每日有三門，單工作紙也有底面兩頁，另有作業等等，搞到佢小一二既功課同生活規律都亂咗云云。

不過，亦有家長好唔鍾意果間學校，理由係：功課太少，程度太淺，可能係咁，學校亦要因應家長壓力要變？

而另一間荃灣行教改行得幾前既學校，有朋友有兄弟倆就讀，都話細佬多功課過阿哥幾多，呢個係整體社會需求既問題。而且，果間學校不嬲教淺考深，請家長課後自行同小朋友做野，成績差既，由校長個別接見，不客氣地督促家長好好管教其子女，略有下逐客令之意，這已是頗公開的秘密。

[ 本帖最後由 csy_ma 於 09-9-14 20:57 編輯 ]

csy_ma

不過，都好多謝劉健明君提出既角度。某程度，我都同意補課唔係必要，不過，對於整靚個TSA成績黎講，應該係幾有效既，所以仁紀先咁行。

荃灣果兩間以少壓力為賣點既學校，都同樣冇補課。但聽朋友既投訴，似乎係將補課既野改為家課形式進行，到底邊個方法對小朋友好D或有效D，就幾見仁見智。

但想提返各位既係：我記得自己係小一家長時，有高年級家長響BK呻過補課好慘，與仁紀當初搬新校時既理念同承諾不符，之後，Plee都有講過佢次子既例子，指仁紀不是向分數看。

跟著的那學年，校方就作出上課時間的調動，提早了十五分鐘上課，壓縮每課時間，把放學時間提早為兩點半。就算加上一節補課，下課時間亦為三點四十五分，較其他學校大概晚了十五至三十分鐘。這個，不知大家有沒印象？

說實話，我不大喜歡操卷的補課，這不符教學理念。不過，在細看TSA的題目後，我認同TSA考卷的新形式其實有助學生消化和吸收已有知識，還有，TSA還考聆聽和說話，老師為此在課堂上多鼓勵學生有組織地發言（不只回答yes or no的短句和提問），較以前的悶死人考卷考得全面和進步了，因此操卷也未必毫無得益。

老實講，仁紀身為標榜成績優異既仁立既兄弟學校，從來冇資格唔理成績，只求教育理想，呢區既家長唔會期待仁紀係咁既，而向來既校風亦非如是。我所講既打算集體投訴功課少既家長，佢地既子女成績都唔錯，且很緊張小朋友既學業，那些正是大部分既仁紀家長寫照。

學校係一個小社會，個人都幾難逆風，所以劉偉明君所提出既，放在臻美（現改名為福建附屬）果欄可能易生共鳴d

[ 本帖最後由 csy_ma 於 09-9-14 21:24 編輯 ]

劉健明

原帖由 csy_ma 於 09-9-14 20:52 發表
正如荃灣一間出名唔谷既學校（小一上學期考試不計成績）剛離休既校長所言：
響香港呢個教育制度底下，有邊間學校敢唔做野？

有，國際學校，小部分直資。有朋友響要靠升學率招徠既私小，功課仲多個阿囡最高峰時，逾十門，俾錢唯一既好處 ...

其實不會只是國際/直資才唔做O野的。

就我從朋友口中得知 , 不少其他地區的津校名小學(區內受歡迎程度同仁立/仁紀不遑多讓)亦無須補課 , 或時間較仁紀短。騰出時間讓學生在課後發展其他才能 , 參與不同課外活動 。而這些學校的派位成績 , 校譽 , 學生水平, 一樣 KEEP 得好好 , 完全沒有降 GRADE 。

唔知我有冇錯 ? 仁立每週好似只補課一天。如果真係咁 , 為何仁紀要比他們多補一天 ? 是不是仁紀的學生比仁立差 , 所以才要如此惡補成績 ?

最初選報仁紀而唔選仁立 , 就是覺得仁紀校方是較著重學生全面發展 , 不會像另一所以學生成績為主(聽過其他家長講 , 如在仁立讀書成績唔好 , 老師不會多花時間理會他們) 。 但是 , 現在仁紀在追趕成績的操練上 , 卻比仁立更厲害。美其名拔尖補底 , 實際是操練學生 , 以免學生拖累學校在全港 TSA 成績 , 影響日後派位。

算啦 , 講來都無用 , 同學有補而囝囝唔參加 , 實係佢蝕底  , 所以又係簽左同意。

csy_ma

另想補充一點既係：

仁紀既好處，可能係響不能不重成績既大趨勢下，老師不會只係向分數看。我囡除咗英文之外，其他科都唔係好好，有時連八字都唔到，不過，睇返成績表上既各科老師評語，就好似佢學得唔錯咁，有讚少彈。

所以，我囡縱然係分數唔高，但唔會自卑，亦唔會丟失對學習既興趣（雖然都唔鍾意做功課，有次響＂堅毅冊"仲話雖然鍾意閱讀，但唔鍾意返學），而且，我響小一非常艱難既適應期後，就不斷游說佢轉校（較近家居的功課少學校），佢都唔睬我，睇得出佢好鍾意間學校同老師，似乎，學得辛苦同學得愉快，兩者未必成必然矛盾？？

[ 本帖最後由 csy_ma 於 09-9-14 21:47 編輯 ]

劉健明

原帖由 csy_ma 於 09-9-14 21:43 發表
另想補充一點既係：

仁紀既好處，可能係響不能不重成績既大趨勢下，老師不會只係向分數看。我囡除咗英文之外，其他科都唔係好好，有時連八字都唔到，不過，睇返成績表上既各科老師評語，就好似佢學得唔錯咁，有讚少彈。

所以，我囡縱然 ...

呢樣我想補充 , 因為我聽教小學的朋友講過 , 除非真係壞到絕頂 , 唔係校長都會俾壓力老師 , 叫佢地只寫好處唔寫壞處 , 原因係學生成績表要升中見人 , 所以有讚少彈未必係好事。

我聽囝囝講過 , 佢讀左咁多年 , 同級從來冇人記過缺點。就算犯咩大事 , 校方每次都係息事寧人。所以佢話隔離班 D 同學唔怕老師的 , 因為犯咩事都好 , 最多都係鬧兩句 , 見完家長就一定冇事。我估：可能係因為校方怕記左係成績表 , 家長會投訴同去學校找麻煩 , 所以都係係咁意就算。不過咁樣係咪真係為學生好 , 見仁見智。