津校和私校比較

mission

appleyuen 寫道:
hkchina2000
我覺得你好似"為拗贏而拗"
日日向呢到發表你的偉論都係冇答案架啦

讀緊直私校,緊係話官津校唔好架(唔通同自己倒米咩)
讀緊官津校,咪一樣話直私校唔好
讀緊國際學校,實話直私校,官津校兩樣都唔好架
呢D咪係香港人既特徵囉

  

simoomhot

讀緊直私校,緊係話官津校唔好架(唔通同自己倒米咩)
讀緊官津校,咪一樣話直私校唔好
讀緊國際學校,實話直私校,官津校兩樣都唔好架
呢D咪係香港人既特徵囉

非常同意你的講法! 我囝囝讀緊私校，成日比街坊話我 side 錢   

may22999

appleyuen 寫道:
hkchina2000
我覺得你好似"為拗贏而拗"
日日向呢到發表你的偉論都係冇答案架啦

讀緊直私校,緊係話官津校唔好架(唔通同自己倒米咩)
讀緊官津校,實話直私校唔好架
讀緊國際學校,咪一樣話直私校,官津校兩樣都唔好
呢D咪係香港人既特徵囉

    

大舊爸爸

十分讚成  

[quote]
Rosaline 寫道:
不能說私立或官津好, 應以個別學校比較.  私立, 官津, 直資都有好學校.  唔好學校官津因九年免費有存在必要, 私小唔好都已經做唔住執

彥彥媽咪

睇完唔同家長回應, 我又想分享吓我嘅睇法~~

1) 政府要官津收生按照"世襲" (1st round) 或抽獎形式, 剝削了學校/家長按照其能力 (學校嘅程度/仔女程度) 而去選擇合適嘅學生/學校, 等佢地可以真正做到"因材施教", 咁長遠而言, 學生質素就會由以往某d學校多 band 1 生 (so 被稱 Band 1 學校), 而變成無 band 可言, 因為學校應會乜 band 都有機會收到...這正是政府想"溝淡"一d傳統名校只收 band 1 生, 令家長唔會只為子女爭入某幾間而俾小朋友太大壓力

2) 相對而言, 私校/直資就因為係"自負盈虧", 基於 "customer-driven" 嘅原理下 (唔同以前, 以前係考唔到津校冇人理先去讀私校/直資, 依家父母就反而因為俾得錢就會有要求, 唔好嘅會收唔到學生而最終執笠 (好似我年代個d "格致"呀, "威靈鈍"呀咁), 而想生存嘅私校/直資就要追上"客戶"要求, 私校/直資因為佢地營辦形式而受較少嘅政府干預, 所以無論響師資, 學術水平等都要較容易去"更改" (我用"更改"兩字, 唔一定係"提升" or "改善", 因為亦有私校改嚟改去都係三不象, 最終又係執笠), 但起碼有自由去改先得...呢點好重要.... 從而就增加其生存空間, 亦因為咁先更可以吸引到客戶去"幫襯", 客戶多咗, 咁又自然可以"揀客"喇...

3) 官津學校因要接受政府津貼, 自然有好多嘢想改都未必改到, 又或要等一大輪先有得改, 咁等得嚟時機都已過 亦因為學生係唔可以揀, 故基於"乜人都有"嘅情況下, 老師教導自有困難, 長遠導致學生水準會參差, 學校整體成績亦會被"溝淡"了~~

我相信大家未必完全同意我以上觀點, 我之所以有上述睇法係基於睇完hkchina2000 或支持佢既家長所在前幾頁嘅討論再加上自己一d本來已有嘅分析再得出之推論...我強調...呢d係我嘅"推論", 嘗試用不同客觀事實去推論將來...

若我嘅"推論"係正確, 咁 in long run 私校/直資學生整體成績應會較官津易估計, 就此而已.....

但據我所知, 搞珠制度都唔係實行咗好多年 (好似係 2002? ), 故仲未睇到因為呢個制度而入學嘅學生是否就係好似我推論咁整體成績水平"冇私校/直資咁高", 所以我亦唔敢斷言此推論嘅準確性.....睇怕都要拭目以待去睇先會知道喇.....不如就等等睇睇喇~~到時咪會知囉       .....就好似曾有討論以"母語教學係咪學生成績會好過英語教學呢??" ==>唔同人都有唔同推論架喎...有d話得, 有d又唔得....咁咪要等d畢業生去 prove to us la....仲要唔可以睇一批學生就算喎.....要睇多幾年先可以下結論嘅....

So 都係得個"估"字 ...     

若要我表態, 我就係 support 私校/直資較官津好呢樣多d, 原因我都響上面講咗, 我"估"唔"估"得中呢...我都唔敢講....... (十足估個市會升定一樣...嘻嘻...)

最後, 揀讀私校/直資 or 官津 I would say is a combination of rational analysis + value-based judgment only, 而當事情一 involve "value" , 咁自然就有好唔同嘅睇法, 就好似有人寧願花成萬蚊買個好質料d嘅手袋, 貪佢襟用, 定有d人就寧願花都係成萬蚊但會去買幾十個平平地嘅手袋, 間唔時換一個仲好咁嘅心態~~~ 冇話岩定錯嘅...a matter of choice only.  兩邊d人都一定會有過百理由甚至數據去 support their choice 架喇....我想學懂了解點解人地有咁嘅睇法而去檢討自己 make choice 時是否考慮得夠周詳還是太片面, 呢點反而對我更有用...

唔好令人有"被迫"認同某d意見而又可以表達自己另一d睇法先至係至高藝術....

我真係好欣賞不同家長都所持既不同睇法....very inspiring~~ 等我都好好地諗吓自己有冇諗漏嘢先...

    

ChiChiPaPa

彥彥媽咪 寫道:
睇完唔同家長回應, 我又想分享吓我嘅睇法~~

......

我真係好多謝不同家長都 raised a lot of different points in this topic, 等我都好好地諗吓自己有冇諗漏嘢先...

    

假如妳的推論是私小的Banding將會升，而名官津將會跌。我相信並不正確。

APS, KTS, SFA甚至牧愛的Banding Percentage都比喇沙等名津小高，但其實並不代表它們的學生水準比喇沙高。現實是因為這些私小沒有直屬中學，Banding Percentage會影嚮學生升學的機會，因此學校、家長和學生都盡力應付當年決定Banding Percentage的學能測驗。喇沙等有直屬名中學的津小學生的情況就不同，無論Banding Percentage如何，都不會影嚮中學給予小學的學位數目，因此名津小的家長都只把重點放在校內考試，Banding Percentage因而不及私小。事實上，一些冇直屬中學的津小都有很高的Banding Percentage，如基灣(愛蝶灣)的Band One Percentage就高達91%。相反，有直屬名中學的私小，如女拔和德望，就不敢公開banding percentage，因為她們相信Banding percentage會誤導家長。

將來，Banding Percentage會用中一編班試決定。我估計有直屬中學的名校學生會在編班試上較盡力，沒有中學的私小其實在新的升中遊戲規則下很不著數。

雖然我個囡正讀私小，但不是每個私小家長都盲目說私小好、津小不好。在前年為女兒選校時，我不斷收集資料，避免盲目主觀。

youma

ChiChiPaPa,

Why will the graduates of famous schools pay effort in the 編班試 but the students from Private/DSS will not?
I do not quite understand the rationale of this point.
Could you elaborate pls?

ChiChiPaPa 寫道:
...
將來，Banding Percentage會用中一編班試決定。我估計有直屬中學的名校學生會在編班試上較盡力，沒有中學的私小其實在新的升中遊戲規則下很不著數。
...。

ChiChiPaPa

Youma,

因為(1)編班試由中學舉行，由該校的老師改卷，所以中學的老師會知那一位沒有盡力，不愛自己的母校，因此名校的小孩應不會偷懶。(2)一生將有十二年在同一所學校，而且是名校，對自己母校會有一定的感情，但私小(冇直屬中學的那些)畢業生各散東西，派的不好的那些，還會為母校盡力嗎？還有心情應付編班試嗎？

編班試不是在所有中學都有實際編班作用，所以我覺得結果很視乎學生會否為母校及學弟妹而努力。

彥彥媽咪

chichipa

假如妳的推論是私小的Banding將會升，而名官津將會跌。我相信並不正確。
==>呀...係...thanks~~~ 睇完你嘅回應又令我可以再"重組"一下我嘅推論...再補充下...

我諗我想講私小/直資比官津好唔係指成績 only, 而係私小/直資整體而言會較"平均", "整體"二字可以指成績, 背景, 理念, 想法...等等....因為我有剛才嘅推論係 based on 收生自由度而令學校/家長可以"對號入座", 即係按照不同學校嘅水平, 理念等等而揀對方 (學校揀人, 家長亦揀學校)...所以即使個間私小/直資唔係最top, just an ordinary one, 重要既係雙方都可以選擇, 到時入到去好與唔好都冇得怨, 想留低嘅就會比壓力學校去改 (or even 家長要 manage 吓自己嘅 expectation as well), "夾唔嚟"嘅就走, simple and easy~~但官津冇得揀人, 咁就會將好多唔同人放埋一齊....咁就唔可以唔睇少 "influence" 呢樣嘢....

在我而言, 推論係: 私小/直資就較容易將同類型嘅人放埋一齊, 起碼大家點諗會較相近, 就好似兩公婆, 若大家教仔方法唔同, 都會幾辛苦...實嗌交都似...

我比較支持"物以類聚"式嘅教導, 依家官津最大一個"危機" 係冇得揀學生, 同一班若有太多人唔同 level, 老師真係會好辛苦, 辛苦咗 below average 嘅學生之餘, 亦拖慢了 above average 嘅學生, 咁對 both parties 都唔係好事....亦難怪有學校會開"精英班", 咁對學生都係另一種無形壓力....

That's why I said I would prefer private/DSS schools more than govt subsidized ones 囉....

講開又講...(唔好怪我 char 遠咗 ), 我係支持好似我地細個個時考升中試多過學能測驗呀, 搞珠呀咁....依家升中派位要以d師兄師姐成績做 reference 去分 band 我先唔明, 點解一個人得唔得唔係睇自己嘅能力, 而係睇人地叻唔叻去影響嘅....??     呵呵...but this is another topic for discussion lu....   

G-Ma

ChiChiPaPa,

要同La Salle呢類世紀名津又有自己中學比嘅話我想應該用 st. paul,  女拔比先叫恰當.  再加上La Salle係九龍塘網, 住得果區大部份都有番咁上下, 就算係借地址入嘅, 肯做咁多嘢嘅父母都係肯去教小朋友嘅.  所以La Salle或者marynoll裡面嘅程度差異可能係無咁大.

G-Ma

ChiChiPaPa,

我唔係好認同你呢個推論:

(1) 如果係一條龍學校, 無論官津校定直資/私校情況都一樣, 只要佢地愛佢地母校, 大家都會盡力考編班試.

(2) "畢業生各散東西，派的不好的那些，還會為母校盡力嗎？還有心情應付編班試嗎？"

官津有名校, 直資/私校一樣有名校.  津校私校都有機會派得唔好, 你所講的情況兩種學校的學生都有機會唔盡力考試.

ChiChiPaPa 寫道:
Youma,

因為(1)編班試由中學舉行，由該校的老師改卷，所以中學的老師會知那一位沒有盡力，不愛自己的母校，因此名校的小孩應不會偷懶。(2)一生將有十二年在同一所學校，而且是名校，對自己母校會有一定的感情，但私小(冇直屬中學的那些)編班試不是在所有中學都有實際編班作用，所以我覺得結果很視乎學生會否為母校及學弟妹而努力。

youma

ChichiPaPa,

你所說的有點道理, 亦引起我幾個疑問:
1.        若非全港所有中學都用編班試成績作為編班，考生便盡力不一, 那麼編班試的可靠性豈非成疑?
2.        若直屬生考編班試由直屬中學舉行，並由該校的老師改卷，豈非很易放水手鬆?
3.        我同意考生是否[盡力]是影響編班試成績一重大因素, 但另一重大因素是[實力], 你估直私校生的[實力]會否比名津校差? (其實大家都知, 名津校內的尖子不少都是私校生跳槽過來的.)
4.        直私畢業生不見得對自己母校沒有感情, 況且常要備戰大小叩門試, 會否考編班試表現更醒?

ChiChiPaPa 寫道:
因為(1)編班試由中學舉行，由該校的老師改卷，所以中學的老師會知那一位沒有盡力，不愛自己的母校，因此名校的小孩應不會偷懶。(2)一生將有十二年在同一所學校，而且是名校，對自己母校會有一定的感情，但私小(冇直屬中學的那些)畢業生各散東西，派的不好的那些，還會為母校盡力嗎？還有心情應付編班試嗎？

編班試不是在所有中學都有實際編班作用，所以我覺得結果很視乎學生會否為母校及學弟妹而努力。

ChiChiPaPa

youma 寫道:
ChichiPaPa,

你所說的有點道理, 亦引起我幾個疑問:
1.        若非全港所有中學都用編班試成績作為編班，考生便盡力不一, 那麼編班試的可靠性豈非成疑?
2.        若直屬生考編班試由直屬中學舉行，並由該校的老師改卷，豈非很易放水手鬆?
3.        我同意考生是否[盡力]是影響編班試成績一重大因素, 但另一重大因素是[實力], 你估直私校生的[實力]會否比名津校差? (其實大家都知, 名津校內的尖子不少都是私校生跳槽過來的.)
4.        直私畢業生不見得對自己母校沒有感情, 況且常要備戰大小叩門試, 會否考編班試表現更醒?

(1) 不是所有中學行精英班制，編班試的結果只用作參考。
(2) 據知，教統會做抽樣。
(3) 係就係，不過人望高處，已經跳左槽D，就已計落津校的成績。私小的[實力]不差於名津校，但要像過往一樣在Banding Percentage拋離或領先，看來不容易。
(4) 我都祈望我個囡間學校的畢業生個個都搏。

做人要有危機感，才有動力做得更好。

mimi2004

notes

hkchina2000

點解咁多人提到我個名?  我唔係為拗而拗, 呢個係我自已真正的選擇, 我只是將我的想法講出來, 我無參加自行收生或大抽獎, 我只為個仔報了三間私校(直資), 當時打算如果都唔收, 就會去外國讀.  

我唔再講喇.

Share

觀美國的大學的經驗說給我們聽,
哈佛,ＳＴＡＮＤＦＯＲＤ,MIT等famous universities are all private.
有間ＬＡＸＸ大學（太久以前在報紙上看到,不記得）由十大,落到五十大？
因為政府給錢的,很多限制,比不上私立,所以差了。

所以在可見的將來,我相信香港亦會這樣發展, 私好過津。

致於,名津,如華仁,是因為它可收回half以上old students的子女,這些人多數就是中產階層,父母自有一定水準,學生自然不會太差,其他無old history的津校就自求多福了﹐而這些學校的學生當然水準亦很參差

所以我選了私小。


      

Share

希望各位理性討論,都是為自己的子女,和希望其他人的子女都好,才參與

      

Share

hkchina2000，
有人重視你,有火花,才吸引,唔好唔講，     

G-Ma

hkchina2000,

呢度嘅討論都係時候完啦, 因為大家心中把尺都唔一樣, 我發現有部份家長係有以下嘅情意結:

1. 津校 = La Salle, MCS, 華仁, St. Mary
2. 直/私校 = 有錢人先可以入去讀
3. 仍然覺得私校係揀剩尾先入去讀

係以上嘅情況底下, 大家都好難好客觀咁去探討呢個問題.  與其攪到火藥味咁重, 不如就大家退一步, 海闊天空啦.

Zen

appleyuen 寫道:
hkchina2000
我覺得你好似"為拗贏而拗"
日日向呢到發表你的偉論都係冇答案架啦

讀緊直私校,緊係話官津校唔好架(唔通同自己倒米咩)
讀緊官津校,實話直私校唔好架
讀緊國際學校,咪一樣話直私校,官津校兩樣都唔好
呢D咪係香港人既特徵囉

    

都好既！多ｄ人鍾意入直資�私校，咁咪多ｄ人有機會入到津校，真係多謝有心人