鋼琴考試

綠葉

mimi1234:

你真係一個好勤力既媽咪，做得到同個仔仔一齊讀，一齊咪，佢一定有好成績架！
我就係一個粗心大意的媽咪，又唔醒目…以前仲係老師話咩就咩…而家巳經識問多 的人意見呀！

綠葉

ming2:

"佢當時話其實五級唔係好難，肯練就得，咁我地都唔識，佢話得咁咪去考，後來又真係 pass 左，不過只係 10x分咁…"

咁諗住佢都真係帶到囡囡考到，咁之後佢又話要打番好個底…

一路都聽佢講，但係而家佢又話要跟埋佢學五級樂理，跟住既情形，你都知咯，我就係唔係咁信，所以問多的意見…唔想跟佢學埋樂理，我真係唔想…

RMA

綠葉

department head 紀錄係一班十二個學生去考, 最後只有3個學生合格, 仲唔叫勁?

其實如果你抗拒跟當前o既先生學樂理，咁就唔駛跟佢學啦，你咪話你小朋友同佢 d friend 出去一齊學...就得啦

綠葉

唔該晒 MING2 呀！ 我個電腦 "round" 左呀， pls check pm

綠葉

都唔該晒 rma的意見呀！

kcarol

ming2
我自己接觸過一d學生, 幾恐怖既, 明知個底唔掂, 呢頭幫佢執緊個底, 果頭佢父母要幫個學生考琴, 我已經同個父母講到明, 未必得架, 個學生既父母就話俾佢試下, 考唔到都唔緊要, 不過結果大家都好清楚... fail 既話, 又係賴我既, 我就索性請佢搵過第個老師, 因為甘樣教, 對小朋友一d好處都無, 教果個又吃力不討好, 做家長既, 起初都係話試, 最後俾左錢, 點都係希望小朋友考到。

kcarol

綠葉
做功課對樂理成績影響好大既, 我教過一個學生, 真係好可怕, 佢係好勤力練琴, 但係好懶做樂理功課既男仔

樂理本身就係好理論性 (可以話無乜趣味可言), 呢個男同學覺得做樂理好一板一眼, 所以完全唔交功課, 連佢既父母都好有趣, 要求將樂理功課變為有趣既遊戲, 需知道, 做樂理功課, 唔單止係為操熟d 題目, 仲係等佢熟悉考試既format, 要將樂理變成遊戲, 甘不如唔好考, 買坊間好多樂理既遊戲書

最後呢個男同學要罰留堂先肯做, 但係馬馬虎虎甘做, 做完唔夠一個星期, 將之前教既野完全忘記得一乾二淨, 之後又再做新教過, 每2個星期就會原地踏步, 佢學得辛苦, 我亦教得好辛苦

最慘係佢父母亦唔會督促小朋友做功課, 佢做就唔做, 唔做就算, 但係又要小朋友成績好, 真係合格都偷笑呀

RMA

綠葉,

唔好客氣，我都黎學野啫...

joanneka

ming2 及其他有經驗的媽媽:

你們好! 剛收到亞女二級綱琴成績, 只有111分 為了這次考試, 我同亞女都好努力, 所以希望可取到120分以上, 就連琴老師都話絕對無問題。 對於今次的成績我實在有點意失望 , 亞女都有少許灰心, 當然做媽媽的只可以跟佢講d積極的說話, 叫佢要更加努力
成績單上三首歌的評語都幾乎一樣 , 說每首歌都很熟, 但不平均 , 給予的分數是20,22,20 考官是位大約70歲的爺爺, 個翻譯話佢覺得亞女好細粒好得意, 似幼稚園生 (亞女已經三年級), 總評語是"Quite encouraging, but will benefit from further checking" 到底係什麼地方出錯呢?
依幾日每當亞女彈得唔好的時候, 我都有放棄的念頭 , 三年的努力, 是否真的要白費呢? 又好驚二級的成績都唔理想, 再上高d的時候, 我真的怕會再次失望
請各位給我些意見, 謝謝

kcarol

ming2
你講果個case, 我都試過, 1次甘大把, 之後就係怕鬼左, 一遇到呢d學生, 就叫佢另請老師!!

我果個好好笑既, 小學5年級, 真係一開始就跟我, 學唔夠一年, 個阿媽已經話要幫個女考2級, 我已經話危, 因為佢個女跟本就唔係醒目果d, 未考試之前, 個女都仲好少少, 一開始考試既野, 好似乜都唔記得甘, 好明顯個小朋友就係未ready 去考琴, 最攪笑既係一開始考試既野之後, 連middle c 都唔記得埋, 我彈左4個音, 問佢有幾多個音, 佢話4粒, 到佢自己彈, 彈左5粒, 我問佢彈左幾粒音, 佢話5粒, 我問佢4粒音同5粒音係唔係唔同, 佢話無唔同!!!! 仲要之後次次都係彈錯果個version 俾我, 真係激到爆血管。

到考試果日, 佢做晒所有我叫佢唔好做既野, 再自己身癢, 無學過踩pedal, 竟然埋到琴之後, 一直踩住個pedal, 彈bach 好多scalic figures 果d, 都係甘踩住唔放。

呢個學生係我史無前例既惡夢!!   

kcarol

joanneka
其實你囡囡今次係第一次考琴, 唔好太在意成績高低先 (當然唔好fail 甘肉酸), 等佢唔好怕左考試, 唔係既話, 佢第日再考試, 會覺得仲大壓力!!

考試成績好睇幾方面, 本身考官係唔係手緊, 囡囡本身係唔係熟練, 除熟練之外, music 係唔係polished 夠, 仲有基本既posture/rhythm 等等有無做到要求, 有無一d 毛病未改好, 其他supporting test 如aural/sight-reading 係唔係ok, 囡囡既manner, 全部都好影響既。

唔好怕再失望, 睇番comment sheet 既comment, 下次再考時, 多d concern 個考官寫既問題。

joanneka

Ming2, kcarol

多謝你地的鼓勵!
亞女今次是第一次考試，可能會緊張少少。但基本上亞女彈奏得跟示範CD都有8成以上相似， 所以考官給予的評語我真係有些不認同，仲要係3首都係同一個評語! 老師對亞女今次3首的考試歌都幾滿意，平時亞女最常犯的毛病就係拍子, 但今次考試都細心跟足拍子機練, 應該沒有大問題。
琴老師另外一個學生今次考二級跟亞女同樣分數, 會唔會係老師唔夠水準, 係唔係有需要換老師呢? 請給意見, 謝謝!

kcarol

joanneka
如果個考官話佢唔平均, 仲要3首歌都係同一個問題, 即係話囡囡考試時, 可能又出番d拍子既問題。(呢個係我既估計!!)

另外, 拍子係好fundamental 既issue, 所以會扣分扣得重手d!

我諗joanneka 你要正視呢個問題, 真係要囡囡數拍子, 唔係既話, 再轉幾多個老師, 都會係話佢同一個問題。

RMA

joanneka,

個分紙右下角有個 code, 一個英文字母，後面有 3 個數字，請你話我聽個 code ...

考試只係一個 game, 唔好太認真，考到係好正常，個 passing rate 95%，如果真係 fail 就係好差好差...

相反考到亦唔係 d 乜野勁o既事... 大約考官o既 criteria，就同普通人o既審美標準一樣，完全係 personal o既。

今年我有三個 examples...
1. 一個彈到只係合格，完全冇 detail, rhythm 炒哂，但考官當面讚佢條裙靚，最後 3 首歌 29 分，5 級 distinction.

2. 一個 12 歲考 8 級，估都係有 distinction o既，最後考官比 147，眼都突埋出黎 hehe 。小朋友自己都話冇可能，喊左一個鐘...

3. 另一個 10 考 5 級，同 8 級果個同一個考官，唸住起碼都有 140，最後個小朋友都係喊到收唔到聲，得 132 haha...

so you see, it's just a game.

至於個老師教得 detail 唔 detail, 其實你可以睇下佢份譜同問
下個小朋友首歌有乜野要求，再唔係，同佢一齊上堂...

我地都唔好將考試o既結果同老師完全掛勾。

joanneka

kcarol
我會正視亞女拍子的問題, 謝謝!

RMA
個code好似是A275, 我印象中係但要今晚返屋企再睇, 請問係代表什麼呀