嘉諾撒聖家(九龍塘) 家長入來傾下計啦

yuki877

悠悠mama,please cheak pm

Blythemia

肥肥師奶:

我今日開工喇,冇得接放學咯.其實我都好嚮往唔駛返工,全職做主婦.不過唔做野,就要降低生活質素,我又唔想.

亞女報左圖書小先鋒同Shakespeare 4 all.如果中哂,加埋星期五初領聖體班,一個星期四日都有節目.

沙律

Blythemia and 肥肥師奶, 唔該哂!  家長會老師有講過咩?我一D印象都冇, 我怪我個女唔專心, 原來自己都係     我將"重要" 同"一定要帶"呢D字眼黎提下我個女, 佢都仲係話唔知, 冇法啦, 希望佢終有一日會開竅  

阿女報了藝術體操同芭蕾舞, 唔知得唔得, 如果唔得就要再唸過!

Edithma

我都系天橋友HEHE.
HEIDI媽, 囡囡宜家乘數系唔系已背熟?


[quote]
沙律 寫道:
Hi Blythemia, 我都會自已送女女返學, 我也好有興趣上天橋昅下小朋友上早會的情況, 會很多人迫在天橋嗎?

ET

想問下各位媽咪, 舊年有冇 15分(自行收生, 1st round), 都入到嘉諾撒聖家(九龍塘)  呢? 謝謝賜教

沙律

我朝朝都忍唔住上天橋裝下, 就算睇唔到阿女, 望下其它小朋友都好滿足

Edithma 寫道:
我都系天橋友HEHE.
HEIDI媽, 囡囡宜家乘數系唔系已背熟?


[quote]
沙律 寫道:
Hi Blythemia, 我都會自已送女女返學, 我也好有興趣上天橋昅下小朋友上早會的情況, 會很多人迫在天橋嗎?

楠楠之家

ET,
我囡囡是2nd round 入到.

悠悠媽咪,
Long time no chat at bb kingdom. 亞囡已經唔見了本數學書. 希望今日找到. :cry:

悠悠媽咪

HI, 楠楠之家
會唔會老師收左 ? 唔緊要 , 你寫左名, 一定可以搵返 .
你幫囡囡報左咩課外活動呀 ?  

我地報左 "芭蕾舞" & "珠心算" . 死啦, 好似好多人報"芭蕾舞" , 希望成功入圍啦 , 因為我囡好恨學, 佢仲以為明天可以上呀 !  如果 , 真係冇位, 囡囡一定好失望 !  希望成功啦 !  

HI, 沙律
我都係 "天橋友" 呀 ! 不過, 我只係企一陣, 我囡囡的 "縱" 影不見了, 我便離開了 .

Edithma

Heidima,
你囡囡好叻, 我阿囡呢2日先再開始過. 嚇星期五問,囡囡無同我提過. 請問你囡囡系邊班?

悠悠媽咪,
我囡囡都系報巴黎巴蕾舞,不過加基礎體操.

沙律,
我好時都望到囡囡,不囡囡扮睇唔到我

沙律

Edithma/悠悠媽咪, 其實企係天橋都幾辛苦因為個太陽哂到好正

悠悠媽咪, 我個女都係報咗芭蕾舞呀, 我報既時侯係度唸, 應該唔會好多人報, 因為好多人會自已係出面學緊, 如果學緊就多數唔會轉啦... heee 希望我既logic 係啱架啦

悠悠媽咪

HI, 沙律
做 "天橋友" 真係幾辛苦, 可能我肥啦, 又晒到正 .

但係, 芭蕾舞 只有 20 名額, 現在好似好多話填左 "芭蕾舞" 咁.  希望順利入到啦  . 要等到下星期二才知結果 .  

沙律

E?!  我唔係好覺有肥媽咪咋wow (我都希望我唔係)

係呀?  得20個位咋?! 我真係冇細心睇, 總之阿女話想報我就幫佢填 好啦, 咁就祝大家都成功!  唔可以做同班同學都要係課外活動做同學仔啦!

肥肥師奶, 我阿女話1D既英文老師好惡呀..... 哈哈

annabella

各位:

請問由Kowloon Tong MTR點行好聖家呢?
另外聖家兩文三話方面如何呢? 大家有無幫小朋友報校外英文或普通話course ?

Blythemia

annabella,

E出口添福路就最近,不過個度有地盤而家岩岩拆左圍板,唔係咁好行.你用E出口對面個出口啦.

我一向覺得學校中文幾好,英文一般.普通話其實一個星期得一堂.唔覺得話特別注重.如果有native speaker教就好.三語大致我冇同個女報任何語文課程,平日借多d英文書佢睇囉,佢普通話ok.佢平日淨係學琴同畫畫都已經冇乜時間.其他野可免則免.

悠悠媽咪

HI, DEAR Blythemia
唉! 我囡囡昨天已被老師罰了, 雖然係小事, 但我都有小小不開心 . 我是從囡囡之同學媽咪口中得之 .  

事件係常識堂, 囡囡撩人傾計, 終於被老師調到另一個位子 .
當我知道後, 我問囡囡, 你今日係學校有冇特別事發生呀? 佢初頭話冇, 之後話佢上堂比老師罰, 因為佢傾計, 同埋, 趕住 "汁" 書包放學 (當時未落堂) . 我冇罵她, 只是與囡囡講道理, 但我心裡有小小不開心, 點計囡囡咁 "頑皮" .

我知要比時間囡囡, 學習上小學 , 但我另一方面, 好怕津校老師不能接受囡囡的個性, 因為囡囡比較活躍, 多咀, 坐不定 .
我今早在地鐵, 遇到以前幼稚園的一名老師, 我有與他談, 他說, 之前都有小朋友係咁, 最後返回舊校就讀小學 .

這樣, 令我更多野想 !

Blythemia

悠悠媽咪:

唔好唔開心.因傾偈而調位係好平常既事.咪講話佢得一年班,我聽我女講舊年佢三年班時都有同學因為傾偈而調位啦.其實我覺得咁樣唔算罰.只係老師為左堂上秩序而做既事啫,試想下如果個個小朋友都係堂上傾偈,咁真係會影響其他專心聽書既同學架喎.其實調位全年都會有,有時全班一齊調.有時幾個.唔好太上心.你都識講,小朋友係需要時間適應,而家都係個零星期啫,唔好要求佢地做事一做就做到.有d小朋友性情較靜,自我控制能力較強,叫佢上堂唔傾偈好容易.有d小朋友好容易興奮,叫佢唔出聲有難度.

不過我覺得話哂而只係開始,做到一百分係好彩,做唔到好正常.只要俾佢知道乜野行為係可以接受,乜野行為係唔可以,佢慢慢就會適應過來.我女一年班時都同我講過,點解小學咁嚴既.我都同佢講小朋友要自細學好紀律,如果細時做得唔好,大個就改唔到架喇.佢接受到,後來都冇再講呢個問題.

小朋友天性活潑好動絕對唔係壞事.不過,遵守紀律亦係重要既.唔係淨係讀書個十年八年,做人亦要有一定自我控制既能力.正面d來睇調位呢件事,如果你囡囡可以從中學到上堂時盡量控制自己唔傾偈,對佢既成長一樣有得著.

係怪責我小朋友前(其實好少 ),我習慣當我自己係佢,問下自己,點解會咁做.係咪有咩特別原因,係咪有咩因困難解決唔到.設身處地體會佢既心情,用佢既角度重新了解個問題出係邊度.我唔覺得你囡囡特別頑皮.新既環境,新既朋友,新既生活節奏,甚至新書包,新文具,實在係好刺激好令人興奮架麻.佢得五六歲人仔咋,唔係十五六歲,佢既反應係好正常,只係需要少少時間去調節啫.