體藝是一條吾知點形容的路

annie40

回覆 ffaye 的帖子

they get used to it.  They are fine.

MASAYA

MrBeast 發表於 15-10-23 16:39
就好似默完書就唔記得哂咁？

如果默完書就唔記得晒，咁係用錯方法，冇學到知識，只係應付左默書，分數袋袋平安

Yanamami

ffaye 發表於 15-10-23 16:42
仲要係每天兩小時！

呢條路真係唔易行！

习慣~好似d人去开gym唔去会身痕禁~而且有隊友—齐，嘻哈又—日，唔同自己做运动禁闷……所以話，如果个小朋友自己唔願去，無熱誠，老鼠拉龜都唔会日日同你去~

ffaye

原帖由 Yanamami 於 15-10-23 發表
习慣~好似d人去开gym唔去会身痕禁~而且有隊友—齐，嘻哈又—日，唔同自己做运动禁闷……所以話，如果个小朋 ...

小朋友當然enjoy.但响全日制小學每日放學都用兩個鐘真係好吃力。我仔每星期兩日都攪到我頭大。

shadeslayer

原帖由 傻太 於 15-10-23 發表
每週6天

要達比賽拿獎水平，游水也好，羽毛球也好，一星期操五六天係好普通。

jefftam06

絶對同意。

無知人

Yanamami 發表於 15-10-23 15:30
游水$1250/month, 每周六天，每天2小時……=$26/hr?
今个月病左無游两个星期，蝕哂~
...

嘩, 好勤力。  無話蝕既, 考試咪又係猛咁走堂。

其實體藝應該當係消費支出啦, 邊計得咁多。
以前游水打波, 畫畫係消閒, 少人特登俾錢改良技術。
宜家俾錢學, 投入左就算無回報, 都要有成果, 天份好成果係獎牌,
似我地無天份, 成果都要姿勢改良左。

sukitelfold

原帖由 Jane1983 於 15-10-23 發表
回覆 sukitelfold 的帖子

都吾係，我第一個post講的，都係揸球拍。無操一輪，吾會武功盡失，但真係跌watt ...

建議：量力而為，總體在信心、朋友、家長與家長交流、對於學業鬥心、升學選擇、健康等各方面賺了不少，但切忌走火入魔，讀書及閱讀圖書習慣，永遠是最重要的！

irischowys

原帖由 Jane1983 於 15-10-19 發表
我小朋友有打開波，佢最初在幾個同齡的孩子中係打得比較好的。但佢好堅持有足夠自由玩樂時間，我地又住得遠 ...

一年用幾萬元打波算少了，我仔小二同學個個月成萬元，差不多每夭三小時，佢真的好有天分又努力。

我反而慶幸我仔沒太大天分，我不用成日諗住捧佢上第一，又不用憂慮不加操就是埋沒他的才華。現在我仔一星期二至三天，每次約兩小時，我都好肉赤，好彩佢喜歡與人相處，返得開心。

我覺得好多父母會迷失，當見到人哋加操有成績，自己又唔蝕底。 尤其個人項目，不同於樂團、球隊，一定要付出更多才見成績，小朋友未必能兼顧學術。作為家長要取個平衡，以免顧此失彼。

Jane1983

回覆 irischowys 的帖子

小二已經每個月過萬元打波，真係好貴。加埋讀書學費、其他體藝活動，預留大學出國費用。父母吾係印銀紙的，難免想吓值吾值得...
至於我小朋友，而家決定加一堂，在近屋企，搵另一個相熟的教練教她，這樣不用撲來撲去。但兩個教練分兩日學，效果如何要再睇吓。

Christi

感嘆, 體藝(at least 藝)真係一條好難行既路.

好似我女,以前曾經好想學彈藍色多瑙河.不是為比賽,只是因為雪糕車的原故所以好鍾意這首,佢又好想學好之後,係tomlee或其他琴行彈的時候其他小朋友會以為有雪糕車出現. 因為呢份小朋友式的 "passion", 佢叫琴老師印譜比佢,當時佢6歲,而藍色多瑙河成6分幾鐘長,咁長而要每個detail都處理得好,實在不容易.我睇到份譜咁長就知出事. 琴老師見佢咁喜歡,就叫佢自學老師唔教(當然會執佢,或者遇到不明可以問),我囡就基本上係自學呢首,不明就問老師. 練左好幾個月,由開始好開心好興奮,到中間有困難想放棄,到練到好悶要捱過, 終於彈到見得人, 到最滿足就係去琴行玩兩手真係吸引到啲小朋友幼兒好開心咁聽住雪糕車既音樂. 然則, 佢但總不能只係keep住一首,而且日日keep住練好呢6分鐘,其實花了練琴時間一大半.呢首練熟就輪到下一首. 到開手練下一首時, 一星期而已,再彈返藍色多瑙河已經甩甩咳咳,之前的努力好似白費了.

當然,鍛練毅力.恒心...呢啲都看到的,那也只有如此自我安慰吧, 因為真的感挫折. 比如說,練呢首piece唔係為比賽為上台表演,只係為興趣,但你唔keep 住彈,唔駛多,停彈2星期,你背譜就會背錯,彈也會彈到甩甩咳咳,即使想用來自娛,都未必得.  挫折感就在這裡.

Yanamami

Christi 發表於 15-10-26 06:45
感嘆, 體藝(at least 藝)真係一條好難行既路.

好似我女,以前曾經好想學彈藍色多瑙河.不是為比賽,只是因為 ...

但可以用短d時间就再練熟番？既係為自娱，就無謂為甩漏洩氣｡就好似釣鱼、畫畫，本為开心、enjoy个过程而做，無理由釣左成日無收穫就覚得挫敗？Relax啊~既不為考試亦唔係比賽，点解俾压力自己？咪慢慢再練番囉~

ffaye

原帖由 Yanamami 於 15-10-26 發表
但可以用短d時间就再練熟番？既係為自娱，就無謂為甩漏洩氣｡就好似釣鱼、畫畫，本為开心、enjoy个过程而做 ...

講就咁講，但當你得到過後失去同從未得到過係兩回事。

Yanamami

ffaye 發表於 15-10-26 08:58
講就咁講，但當你得到過後失去同從未得到過係兩回事。

禁可能运动員試得多“得到又再失”去既經历，所以好平常~你做到，人地比你做得更好；今日快，明曰你可以更快；今次攞俾，下次人地攞左……起起落落乃家常便飯｡
所以同一件事取态唔同，感受都会唔同吖~無練两星期，甩漏、唔熟係預期？好正常吖~又洗乜失落挫敗？阿女病左两星期無操水，擺明实跌watt, 佢自己都話無晒水感，—年一度錦標賽都要放棄！要知道佢係暑假就操，—心為个比賽，奈何偏偏呢个关鍵时刻病，时也命也~禁点？呼天搶地都無用｡收拾心情再重新出發。

marcuscyrus

原帖由 ffaye 於 15-10-26 發表
講就咁講，但當你得到過後失去同從未得到過係兩回事。

我仔偶然都試過取下獎，輸又不見佢會好洩氣，可能我仔本身冇乜爭勝心。

Christi

回覆 Yanamami 的帖子

我想說的是,你永遠不能彈好一首樂章.或者,你能彈好一首歌,但有效期很短,而且並不是long lasting.

無限loop,一個月後,你來彈,好辛苦練好了,fine.隔一星期,生疏了. 兩個月後,想彈,又練好了,隔一周,又生疏了. 一年之後,想起呢首,又再repeat 又repeat呢個過程...

當然,音樂本質就是如此. 與體育有點分別.

對,同意ffaye所講. 你擁有過彈得好好的一首樂章(特別是你真的好辛苦捱過來),一下子不練就失去它了.很失落的. 這與攞奬比賽上台表演毫無關係.

marcuscyrus

原帖由 Christi 於 15-10-26 發表
本帖最後由 Christi 於 15-10-26 09:52 編輯

回覆 Yanamami 的帖子

咁真係咁架喎，即使音樂家都是這樣啦，不過就算生疏了，因為之前是認真學習同練習過，其實好快又上返手，如果不能上手，有機會是當初只囫圇吞棗

ffaye

原帖由 Yanamami 於 15-10-26 發表
本帖最後由 Yanamami 於 15-10-26 09:15 編輯

其實真係同攞唔攞獎無關。只係明明做得好好，幾日後又做唔番。當然明白無練就自然會差左，但都會有感覺囉。。。

MASAYA

marcuscyrus 發表於 15-10-26 09:53
咁真係咁架喎，即使音樂家都是這樣啦，不過就算生疏了，因為之前是認真學習同練習過，其實好快又上返手，如 ...

同意，生疏左，練返會上返手，而且有機會比之前更進一步，因為長時間練習有機會練到麻木左，放低一排再拎返會有新感覺，呢個感覺可能會令你更進一步
最同意係，生疏左上唔返手，係當初練上手既時候可能出左問題

傻太

原帖由 irischowys 於 15-10-25 發表
一年用幾萬元打波算少了，我仔小二同學個個月成萬元，差不多每夭三小時，佢真的好有天分又努力。

我反而慶 ...

那個同學仔學業成績如何？