民生收生很不公平！！！

rsx

原帖由 ahmatt 於 14-12-12 發表
學校EMAIL的回覆都幾無賴，特別是第二點。

唔止無賴仲無腦，真係估唔到可以出d咁低水準既回應，無言

yk2

自己是上兩届報，印象十分深刻，因為這間是數一數二最出名辛苦的一間只係交表排了三四個鐘，唉！第一年爸爸排，细女當取經驗，第二年係寫明11年出生，但知大多名校專收大B，問過學校兩次，第一次職員答按電腦資料. ( 因之前做定功課知此校很多學生係大b) 之後我覺得唔合邏輯，恐怕只是接線生不熟悉or新職員，隔天再打，另一接線較成熟職員答如果11,12月都应該無問題嘅！咁我照交，心想如果唔收都辛苦自己排啫，諗住可能今次安排会有改善，果次自己排了差唔多四個鐘真覺得想喊！超無奈！再加上之後遊學團等事件，和原來轉了校長，自己覺得方針根本與原校宗旨背道而馳所以對該校印象都幾唔好 。

其實回想過往幾年經驗，真正只有協恩唔收大B，其他名校印象中大多都收大b，除非超超大b即大一年9,10月出生，所以建議新手媽媽們留意小心! 如果心儀做多步無妨，最多校方唔通知你in啫！現實係即使校方有错或分分鐘是小職員手文之誤，因一些誤會而令子女少了機會就無謂。當然投訴另一件事。

kkmm22

我同你一樣，女女也是2011/12月，某校上年in fail 左，諗住今年再in 又係見到只收2012年出生所以冇拎表，後來也得知原來有收超大b，我個心真想喊出來，怪自己點解吾打電話問一句

creama

原帖由 bbeckyc 於 14-12-12 發表
我女兒2011年11月大B。喺十月份，民生剛發佈報名資料嘅第二天，我親自打電話到學校問是否2011年11月嘅小朋 ...

好明白你心情，我亦喺好早嘅post支持你地家長們投訴，但如果校方咁樣回覆，我相信你再同佢嘈落去都無用，佢比你in返都唔會比你入，因為學校好驚d會投訴嘅家長，我有朋友做幼稚園老師，佢講過收生其一考慮係睇下佢地係咪麻煩家長，我絕對唔係話你係麻煩，亦覺得你同校方反映係應該，至少佢可能會改善字眼，下年唔會再誤導其他家長，你當同民生無緣，有無申請宣道培正？呢兩間龍校仲好又肯收超大b

smile_w99

creama 發表於 14-12-14 00:57
好明白你心情，我亦喺好早嘅post支持你地家長們投訴，但如果校方咁樣回覆，我相信你再同佢嘈落去都無用，佢 ...

同意，就算再投訴都無用，難道佢會比你in番？而且我記得兩年前佢地其中一題問題係「你點睇怪獸家長」！我深信你投訴完佢已經把你放入怪獸家長list! 無謂浪費時間抖纏！不過你依家post好有用！At least, 下年大家知道超大b可以照報！

barrybbmami

我係民生用家，我想講收生程序是行政事務，不代表教學事務。admin 差對小朋友學習質數沒有大影響，只是偶然通告字眼不清楚吧。

juemilia

原帖由 bbeckyc 於 14-12-12 發表
我女兒2011年11月大B。喺十月份，民生剛發佈報名資料嘅第二天，我親自打電話到學校問是否2011年11月嘅小朋 ...

佢真係覆得幾無賴，唔係想攪事，不過你係可以考慮去教署投訴。

fifibibi

講一套，做一套

fattywing

支持樓主！
雖然教學可能好好，但行政文書處理得非常差。
作為學校都唔跟自己定立的收生標準收表，要家長再打電話問詳情，而且回覆不一致，誤導答覆咁何謂規矩？加上電郵回復馬虎，理由牽強，視規條如無物，收生條件廢了也吧！

joejoebb

其實公開報名之前，已有2011年超大b媽咪係教育王國內發帖，討論民生15-16年K1收唔收超大b，當時有媽媽表示已打過去問，係會收超大b。其實大家可以多d上黎睇，便可掌握最新情報。

Happi_Mum

行政咁差, 冇報也好, 冇須浪費時間去見

buu2

joejoebb 發表於 14-12-15 23:15
其實公開報名之前，已有2011年超大b媽咪係教育王國內發帖，討論民生15-16年K1收唔收超大b，當時有媽媽表示 ...

我都係睇左呢個帖, 所以報左,又好好彩有OFFER.

ginababe

原帖由 buu2 於 14-12-16 發表
我都係睇左呢個帖, 所以報左,又好好彩有OFFER.

我們都睇過果個post

nerolibaby

原帖由 herman0114 於 14-12-10 發表
三年前民幼要求我朋友囝囝重讀K1先肯收，但上個月民小通知唔收，塞翁失馬，樓主。



  ...

所以真係塞翁失馬

mrszineith

原帖由 enkolee 於 14-12-10 發表
你又啱wor, 適齡唔入學, 又要同下年適齡的爭學位, 過份
好彩有d學校寫明收取學生出生日期
...

我很想告訴你，做細B家長係好痛苦的事，你估我地好想考完又考去同大B爭嗎？ 愛自己子女為他們爭取最好的並不過份，亦無錯，在好多學校心目中，細B並非適齡，佢地連報名機會也有，就算有亦唔選你。

對不起，無意鬧交，但你寫既野令我呢d細B家長不安

bbeckyc

校方冇回覆我第二封email 我已經放棄咗喇。好似有位家長所講，我應該備列為麻煩家長，俾我in都唔會收。佢唔回覆，我再投訴都係冇用，因為口同鼻駮。只不過見有人開post, 呻吓啫。

事實上每個家長都覺得自己嘅小朋友好聰明，好獨特。我亦真心相信每個小朋友都有自己嘅長處。本身要進入呢D interview 遊戲，用3幾分鐘去定斷一個小朋友嘅水平已經係對個小朋友或家長好唔公平。因為幼稚園考到邊間學校已經係俾咗小朋友一個標籤。好，同唔好就係靠果3分鐘。既然學校要我哋跟足遊戲規則，校方亦應該講清楚參加資格/辦法。咁樣奪走小朋友嘅資格，對一間老牌，以基督教為基礎嘅學校嚟講，認真失望。

不過，我相信天父另有特別安排，所以個女已經有另一間offer!  雖然唔係最心儀的， 但總算有著落！

多謝各位樓主支持同關心！

bipbay

回覆 bbeckyc 的帖子

恭喜你, 以後條路仲好長, 大家加油

bbeckyc

係啦，大家加油呀！

kjbaba

原帖由 helenmelody 於 14-12-12 發表
回覆 bbeckyc 的帖子

同情你們的 處境, 尤其係你, 部份JM 回應時都話, 樓主竟然咁想考, 點解唔打去問清楚? ...

為什麼會變成別人眼中的怪獸家長？
一定是有原因的，樓主的遭遇就是例子之一

裝修師傅

世界係絕不可能有公平，一月B同12月B面試就已經唔公平