家有自閉傾向的小朋友......

hinhinmummy

joanna

軒軒會坐定定ng ng架, 未攪掂, 你點拉佢都不會起身.

做mug係個bun bun24號放假? nurse好高pay 架bor, 我老公個二哥同老婆都係做nurse的.  我不捨得份人工, 加上要我全日對住佢地, 真係要好高eq先得.  加上老公不鼓勵我做全職媽媽, 佢話驚我變左黑白天鵝.

樂園

承承媽媽,JOANNA你哋好叻,可以放棄自己工作專心照顧個仔仔,我都想不過經濟唔許可,而家工人都唔係幾幫到佢做家居訓練我同老公放工又夜,都唔知點算好  :-|

承承媽媽

樂園,
我唔叻,只不過我見得多無人生目標的學生,覺得就算我個仔無事,如果佢好似呢d全港60%以上的青少年一樣,我就真係仲眼寃,自己打死佢好過.   
所以我決定唔做o野時,都未知個仔有自閉傾向o架!

cottontail

各位媽咪,
我個小朋友今年已經五歲, 佢細時都評為有自閉傾向, 不過發現得早(八個月), 所以好早已經係香港痙攣協會上早期訓練, 唸番起當時有你地所提出既問題, 冇眼神接觸,  唔專心上playgroup, 唔同人合作, 人地做尼樣, 佢做第二樣, 唔識去booboo 同veevee, 仲要好遲先識講野, (成兩歲半先識叫爸爸), 之後就算識講野都話表達力比正常小朋友遲一年至年半, 返左學成年都唔識同班同學個名, 當時真係好鬼擔心佢, 今日佢已有好大既進步, 從外表已經睇唔出有唔妥, 而且同小朋友相處已經有好多改善, 起碼佢識同人爭玩具.. 今年佢考小一, 亦有好多私校收佢, 最後佢都入左DBSPD, 我地真係好開心, 所以你地都要努力丫, 好好利用0-6 歲尼幾年既時間, 對小朋友尼講係佢地黃金學習期, 俾d心機教導你地既小朋友, 加油丫, 我地尼類小朋友唔會比其他正常既小朋友差架~     

gigi2

Thank you for your sharing as your message will enlighten a lot of mummies in this forum.  I hope my girl will get improvement as your son does.  

But how can you detect the symptoms from only 8 months?  My girl was very normal at that stage until we found that she was unable to speak in full sentence and called me 'mummy' at age 2 years.  

cottontail

gigi2,

唸起都傷心, 我個仔bb 時去母嬰健康院既智能測驗兩次都failed, 個姑娘仲話佢最大問題係冇眼神接觸, 平時我老公放工係佢身邊出現, 佢都可以當佢透明, 叫極都唔睬佢, 又鍾意將d 車仔排都好長好長, 又鍾意轉d 玩具, 人又固執...,(記得有次我同老公好大聲嘈交, 正常既小朋友一定會有d 反應, 但我個仔係冇反應, 照玩佢手上面既玩具>>>佢做過聽力測試, 冇問題既, 佢當時完全入左自己既世界裡面。 ) 總之所有自閉傾向既特徵佢都有d, 唸番起由知佢有唔妥, 都唔知漏左幾多次眼淚, 好彩我老公不時鼓勵下我, 佢亦用左好多時間係個仔度, 先有今日既成績, (唔係指佢考倒邊間小學, 係話佢似番個正常既小朋友), 我自己好明白有尼類小朋友既心情同感受, 所以好想鼓勵尼度既小朋友同父母, 希望佢地唔好放棄, 我地既努力可能要比平常人多, 但係一定值得同有回報既~~

ClaudeeMa

Hi Cottontail,

唔知你認唔認得我？   你仔仔好勁! 你同老公一定付出左成擔心機啦! 我有問題想請教你呀。
我個仔2.5歲剛剛發現 development delay 大半年(speech delay > 1年) and 有自閉傾向(中左幾點，好采唔算嚴重)。心情係點呢道大家心照啦。現在排緊早期訓練，並且一路返緊私人言語治療＋感統訓練。我打算比佢ｋｅｅｐ住這些訓練及入讀普通幼稚園。可否分享你係點幫你仔應付幼稚園的課程與各方面要求？我唔係要求佢會考倒邊間小學，只係想佢追返進度做到一個正常既小朋友。Thank you for sharing.   

wksin

Hi Cottontail,

可否分享下你仔仔是讀邊間幼稚園? 最近我常想一個問題, 就係仔仔比較適合讀活動教學的學校, 而這樣的小學又多是直資或私校, 以我個仔現在讀全日的幼兒園, 恐怕要同其他的名幼稚園比較, 會比較輸蝕, 但又不想放棄現在的兼收位, 想請你分享下你的經驗。

wksin

樂園

承承媽媽:我想請問你係屋企點幫個仔訓練架可唔可以教下我                                                                                   

JOANNA722

cottontail
我相信你曾付出很多努力.心機.時間.才有今日的成果, 真替你開心,我都好期待這日
不過真係神奇, 感早(8個月)醫生肯話佢係自閉傾向既, 多數D醫生話細遲下再見...
佢讀S位定I位呀!  我啊仔而家讀緊I位, 學你話頭, 而家2歲7個月只會說'媽' & 'MUM MUM' , 好多個同學叫佢個同名, 佢就岸居居.  我係BK見好多媽咪分享, 多數自閉傾向D小朋友要去到4.5歲才接近返正常, 你地各位認同嗎?

mamee

cottontail

好多謝你既分享同鼓勵. 你係我果期既前輩, 我果期仲有HelenMrsLau同Kammy, 唔知你有無印象.

同其他媽咪一樣, 好高興見到你仔仔有極大進步.
我那個都不斷有進步, 但係以speech果part計都仲係慢9個月. 另外反而最麻煩係仔仔時常情緒唔穩定. 每當遇到想要既野, 只要慢一秒應佢, 都可以變得好唔開心, 個人極極極之心急; 又或者遇到失敗=訓練唔識做, 佢自己會急到流出眼淚. 仔仔依家已經3歲9個月, 5歲又話有個大評估, 到時都唔知點. 跟住又要煩升小學. 唉..

其實係想恭喜你, 攪到變左自己訴苦

mamee

樂園

Joanna:要去到4.5歲先接近正常係咪都要睇小朋友嘅智力係咪正常                                 架,但係我個仔評估○甘多次都冇人話比我知佢智力有冇問題只係話佢發展比較慢所以我都好擔心  

hinhinmummy

cottontail

好開心係度見到有媽咪分享佢地的成功, 令到我更加有動力去教軒軒.

gigi2

Dear Cottontail,

I appreciate with your sharing very much which input me a lot of energies.

In fact, except the insufficient eyes contact while my girl is small, she does not have the features described from your case.  Nevertheless, you are the successful one to assist your boy that make me filled with hopes and power again!

My girl was being diagnosed as having autistic features at age 2.5 by a general paediatrician and although she was certified as speech delay only later by the expert, the black shadow of autistic features was still in my mind…..

Last night, she sang the songs without stopping for one hour when she was lying on the bed.  This is the first time she behaves like that!  My husband and I feel worry about this kind of behaviour as she looked quite tired and closed her eyes but still insisted to sing even crying!  Until we put her out to the living room and let her wake up to play for 10 minutes, after that she was willing to return bedroom for proper sleep!

Anyway, We will work hard for our girl!




[quote]冇眼神接觸, 平時我老公放工係佢身邊出現, 佢都可以當佢透明, 叫極都唔睬佢, 又鍾意將d 車仔排都好長好長, 又鍾意轉d 玩具, 人又固執...,(記得有次我同老公好大聲嘈交, 正常既小朋友一定會有d 反應, 但我個仔係冇反應, 照玩佢手上面既玩具>>>

678

Cottontail

真係好開心,好excited呀! 因為真是有希望的! 只係大器晚成!

其實我好早都有睇你d message, 我個仔大約6個月大時(佢依家都23個月有多了)我已留意你有在這topic 的對話, 那時我未肯定我仔真係有問題, 只係擔心, 我冇發言. 我仔現排緊i 位, 好想知道你是怎麼訓練你的兒子, 你是否給他很多private 的訓練呢?
另外, 他現在是否完全不需要再訓練的呢?
自閉是有某種好叻的表現,是那方面呀?

kakab105

cottontail

恭喜你呀!! 我仔都係冇反應.......叫好多次都冇應一次 (就24個月喇).........

JOANNA722
你做左全職~~ 你就好啦 有老公支持你做全職，我最近冇工人用(借財務+homesick)番左歸，我老公都唔比我唔做，睇見張稅單把幾火................ :hamme

janet7903

Cottontail

多謝你的分享呀。
我都好擔心自閉傾向是否無得醫到正常嫁，但睇完你的留言，比到我好大的信心，現知道是有希望的。

janet7903

ClaudeeMa

請問你囝囝參加的"感統訓練"在那上的，請問可否SENT D 資料比我睇下呀。
THANK!!

承承媽媽

cottontail,

多謝你的分享和鼓勵.

我相信只有過來人,才能明白我們當知道自己小朋友有缺憾時的,寧願是自己有事的感覺,亦只有過來人,才能給我們最適切的鼓勵.

希望我們的小朋友能每日都有進步,
又願我們做父母的能夠欣賞我們孩子的努力和進步.

承承媽媽

1. 同佢推車仔
我同個仔對面坐,隔一段拒離,然後將架車車推來推去.

2. 配對
搵3隻色的籌碼,再找3隻同籌碼同色的杯/碗,叫他分類,將同顏色的籌碼放入同色的杯內

3. 配對
同上,不過今次用貼紙,在書局或超市可找到一些不同顏色的圓形貼紙,買回家後剪開一個個,然後用一張紙,畫線分幾格,然後每格貼一隻顏色,然後叫佢跟顏色貼.

4. 玩公仔
用一個玩具bb,叫佢幫個bb餵奶,餵糊仔,著衫.
(咪以為好易,我個仔到依家唔肯自己抱個公仔,最多係我抱住公仔佢餵咋!一個goodnight kiss已經好盡!)