過來呢邊繼續傾啦！

tomatowu

原文章由 祖明 於 08-1-10 19:37 發表
亞囝出水痘，唔返得學，都唔知趕唔趕得切考試 以為打o左水痘針可以免疫，點知醫生話九成唔出o者，都仲有一成機會感染到。亞囝就係o個一成，我除o左 考唔到試，仲 :verycol ...

要小心身體呀!千其唔好比仔仔整串D水,因為會有疤痕,第日唔靚仔,考試趕唔切就同班主任傾傾,應該有得補考,現時都係多D休息,妳都係呀!

祖明

眨o下眼~~下星期一就考試啦!囝囝囡囡溫習成點呀?我就被激到嘔血o勒:evil: :evil: 亞囝呢頭溫完，轉個頭又唔記得:( :( 大家繼續努力 希望各位同學科科好成績

csk家長jj

原文章由 祖明 於 08-1-18 19:58 發表
眨o下眼~~下星期一就考試啦!囝囝囡囡溫習成點呀?我就被激到嘔血o勒:evil: :evil: 亞囝呢頭溫完，轉個頭又唔記得:( :( 大家繼續努力 希望各位同學科科好成績 ...

唉!我都唔知叫做溫熟未,範圍已熟讀啦!但轉一轉方式問佢,佢又答唔出,總之就勞氣啦!我仔仔最差是閱讀理解,答非所問,又捉唔到個重點,希望他在星期一考中文時醒目D啦!

tomatowu

唉!今日開始趕工(教仔),依家嘔緊泡 ,上呻先!就激死我,叫佢溫習考試範圍生字,佢同我講叫我唔好同佢溫咁多 ,一路溫就一路係咁唱學校D歌,把口成朝未停過 次次考試都好次癲婆咁鬧,快D過埋下星期就好喇,加油各位!

csk家長jj

原文章由 tomatowu 於 08-1-19 12:12 發表
唉!今日開始趕工(教仔),依家嘔緊泡 ,上呻先!就激死我,叫佢溫習考試範圍生字,佢同我講叫我唔好同佢溫咁多 ,一路溫就一路係咁唱學校D歌,把口成朝未停過 次次考試都好次癲婆咁鬧,快D ...

tomatowu,
詞語填充題必出o架!仲要無字選的,做多次癲婆都要o架 la!
重組句子、擴句、標點、改寫句子......都會考的,溫熟D穩陣D,大家繼續努力吧!

祖明

:evil: 唉~~亞囝D閱讀理解咪又係唔掂 都係答非所問，考試期間個個亞媽都變癲婆o架啦 最慘係皇帝唔急太監急 我個皇帝仔咪樣樣都話識，叫佢做返出唻咪又錯晒 我仲將D工作紙、作業、造句全部答案擦晒，要佢做過:evil: :evil: :evil: 最擔心就係數學科，轉下方式問巳經唔識做，一年級學o個D元、角巳經忘記得一乾二淨，一元有幾多個一角都要諗好耐，仲要答錯 爸爸話唔會出一年級D題目溫唻冇用，我話考試範圍寫明會考巳有知識，我巳經又急又勞氣o架啦:evil: :evil: :evil: 個c6仲講笑話[錢都唔識用，睇個仔都冇潛質做敗家仔]。你話係咪激死我呀   兩仔爺 D性格都係懶懶閒。

csk家長jj

原文章由 祖明 於 08-1-19 19:47 發表
:evil: 唉~~亞囝D閱讀理解咪又係唔掂 都係答非所問，考試期間個個亞媽都變癲婆o架啦 最慘係皇帝唔急太監急 我個皇帝仔咪樣樣都話識，叫佢做返出唻咪又錯晒 我仲將D工作紙、作 ...

去年我仔仔咪又係比D毫子、時鐘、東南西北再轉左轉右攪到亂晒。我都覺得我地D太監叻D,不如我地相約十年後一齊考高考o羅!

[ 本文章最後由 csk家長jj 於 08-1-19 20:01 編輯 ]

tomatowu

講開又講,我D普通話唔掂,上星期同呀仔溫完後,佢書裏面D音標,我已經好熟,我睇第日跟佢讀上去D普通話可能都唔錯
cks家長jj,

多謝妳提點,我今日都有同佢溫,我仔D中文寫字比較弱D,常常唔記得D字點寫,所以,寫生字係要同佢溫完再溫,而佢最唔鍾意就係呢part,相對比D補充佢做,佢又幾樂意去做架!

袓明,

我依家先可以做自己野,明天我諗住將數學交托比我老公教佢,考試個幾天,我已經請了半日假,實行最後衝線, 錢幣我想應該唔會出,不過,有時間教教佢都冇防,時鐘加前或後操操佢,我見呀仔評估個part,佢話得七個人合格,依家得閒我就會考佢

祖明

原文章由 tomatowu 於 08-1-20 01:09 發表
講開又講,我D普通話唔掂,上星期同呀仔溫完後,佢書裏面D音標,我已經好熟,我睇第日跟佢讀上去D普通話可能都唔錯
cks家長jj,

多謝妳提點,我今日都有同佢溫,我仔D中文寫字比較弱D,常常唔記得D字點寫,所以,寫生 ...

tomatowu:
幾時做過數科評估呀 係咪亞囝請病假時做架?我估今次數科考試多數出時鐘、日子及乘數多。但其他我都唔敢忽略，恐怕每樣都會出D，每項錯一題都扣左好多分
今日接放學時，問亞囝中文科識唔識，佢話好易。造句o個部份我叫佢背熟D句子，考試時照寫返就實冇錯，點知個衰仔上身咁 無端瑞自己作第二句上去，我叫佢讀返俾我聽 一聽就火都唻埋，句子唔通順、意思又錯晒，完全都唔係0個回事 你話嘔血未

tomatowu

原文章由 祖明 於 08-1-21 14:50 發表


tomatowu:
幾時做過數科評估呀 係咪亞囝請病假時做架?我估今次數科考試多數出時鐘、日子及乘數多。但其他我都唔敢忽略，恐怕每樣都會出D，每項錯一題都扣左好多分
今日接放學時，問亞囝中文科識 ...

呀!可能你仔仔病冇返學,所以冇做 有冇問老師返份看看
我呀仔話今次中文好淺,唔知係唔係上次測驗深,今次出返淺D拉平 明天考英文,好似冇咁多讀,呀仔今日可以早D訓,明天早少少叫起身再提提佢D重點,希望唔好出咁深啦

csk家長jj

我仔仔都話今次小三的中文科試卷唔深,但他在重組句子都錯了一題,同時在乙部寫作中只要求寫90字以上,他就作了近200字,因臨尾唔夠時間,所以就草草收筆。唉!今次死梗

祖明

我暫時只知亞仔造句錯一題，同埋看圖作句有一題留o左寫地點，唔知會扣幾多分呢
英文科我只係同亞囝默返D生字，另外將GP&WB影印，擦晒D答案俾佢重做，其他既我真係唔知仲有咩可以溫 唔知係唔係 因為今次請o左私人補習+自己狂操佢，所以期望比較大，但個心又好怕睇到份卷後會失望，攪到自己心情鬼咁矛盾:( :( 呢幾晚仲失眠o添 不過點都好啦~~捱埋呢兩日就可以甩難o勒 大家繼續努力 加油 開開心心等過年

歌地亞

大家好, 好耐沒有上來啦 ~ 考星期四可以放監 lu

csk家長jj

唉!這幾天我都緊張到「標瘡」,仲要生左三大粒在鼻上,醜怪到唔敢照鏡。:tongue:現在我都唔識教,上次測驗我放鬆D就出事喇!今次考試當然會嚴厲D,希望追番前D名次,點知他就反叛,他問我係唔係好憎佢,點解要生佢?他說所有老師都讚他叻和乖,但偏偏我就鬧他。我都唔識答,我唔錫他又甚會日夜勞心,為他備課,陪他溫習,我已把中、英、常、普、聖的考試範圍熟讀了。雖然我經常提醒自己不要太着重名次和分數,但若果沒有好成績又怎能派到好中學呢?希望他長大後會明白我今日的苦心和感受。

csk家長jj

原文章由 歌地亞 於 08-1-22 22:43 發表
大家好, 好耐沒有上來啦 ~ 考星期四可以放監 lu

歌地亞,
好耐無見啦!

tomatowu

原文章由 csk家長jj 於 08-1-22 23:06 發表
唉!這幾天我都緊張到「標瘡」,仲要生左三大粒在鼻上,醜怪到唔敢照鏡。:tongue:現在我都唔識教,上次測驗我放鬆D就出事喇!今次考試當然會嚴厲D,希望追番前D名次,點知他就反叛,他問我係唔係好憎佢,點解要生佢?他說所有 ...

我相信你仔仔第日一定明白妳的苦心,我就冇妳咁勤力背晒D書,有時我仲偷偷地上網添,明天就可以解脫喇 ,我晨早就約晒D同事食反,唱K (其實我都好貪玩 )

歌地亞,

好耐冇見到妳上?近派妳點呀?

祖明

原文章由 csk家長jj 於 08-1-22 23:06 發表
唉!這幾天我都緊張到「標瘡」,仲要生左三大粒在鼻上,醜怪到唔敢照鏡。:tongue:現在我都唔識教,上次測驗我放鬆D就出事喇!今次考試當然會嚴厲D,希望追番前D名次,點知他就反叛,他問我係唔係好憎佢,點解要生佢?他說所有 ...

jj:
點止你標瘡呀:;pppp: 我都有呀，不過比你好D，鼻側邊一大粒，鬼死咁痛，聽日仲要帶亞囝去九龍城健康中心做檢查，咁鬼醜怪點見人呀 唯有打厚D粉啦
我都好明白你心情，聽到個仔咁同自己講野真係好 不過個仔重細，未明你苦心o者，個個父母都係咁o架啦，包括我自己在內，點止怕佢將來升唔到好中學、大學，仲驚佢將來出唻社會做野唔夠人爭 但我相信時間可以証明一切，將來我o地小朋友長大，佢o地一定會感激我o地今日所付出既一切。

祖明

原文章由 tomatowu 於 08-1-23 17:20 發表

我相信你仔仔第日一定明白妳的苦心,我就冇妳咁勤力背晒D書,有時我仲偷偷地上網添,明天就可以解脫喇 ,我晨早就約晒D同事食反,唱K (其實我都好貪玩 )

歌地亞,

好耐冇見到妳上?近派妳點呀? ...

你就好啦 我都諗住捱埋今日，可以甩難 準備聽日   shopping買新衫過年。點知唔好彩 輪到細佬出水痘 所以聽日既節目就係診所一日遊 之後邊到都唔去得

祖明

原文章由 歌地亞 於 08-1-22 22:43 發表
大家好, 好耐沒有上來啦 ~ 考星期四可以放監 lu

你點呀~~閉關作戰咁耐 死o左幾多細胞呀 我就俾個仔激到嘔血

kansang

JJ.

恭喜您囝囝果組取了學科檑台陣冠軍啊！我囝囝說你們按鐘比他們快呢！