細仔(年尾出生)升小一是否真的很蝕低?

doris880

如題，想了解多d，請大家發表下。    

又有沒有mama曾經遇到這個問題，有沒有個別例子：雖然是細仔，仍然入到心儀的學校，是否有特別的心得，請賜教。      

小魔怪媽咪wendy

我大仔都係12月出世,果年又係第一輪攪珠入左心儀學校,
但係如果重讀一年高班就要自己搵學校.無得再攪珠.之後咪又佢讀上去,不過真的好辛苦,咩野都慢過人.想留班,學校又唔比留,而家小三.咪辛苦D,努力追.其實我後悔左K2,K3唔同佢讀多年.     

samantha821

Hi doris880,
我個仔都係細仔，十二月出世既，今年一年級都入到心儀的學校，我覺得都無問題。係就係細人地差吾多成年，但ＯＫ！！
我諗吾係睇大細既，係睇小朋友自己本身。

hoho1230

我個仔都係細仔，由幼兒班到現在一年級，每一年在班裡都一定係比其他人細，大大話話細一年都有，講真在班裡面，細D就係細D，就算點聰明，因為能力所限，始終表現係差D架，行為上始終有距離，大個D係會定D

MMMi

我個囝都係细仔(12月尾出世), 幼稚園時已經覺得佢比大個小朋友學習慢, 能力上差異都幾大. 如果同女仔比仲慘. 又定d又叻d, 有時後悔冇比佢repeat一年大家都好d.   升小一時我幫佢簡咗一間活動教學小學比佢, 冇物功課做就好d, 費事自己勞氣佢又辛苦. 但比其他小朋友佢好明顯細, 上小一好似上bb班咁, 成年都發夢, 老師都幾慘, 要照顧差異咁大嫁小朋友. 今年二年級先好d. 所以真係要考慮清楚, 因為升小一得一次抽獎機會...

meimeilam

我個仔係細仔, 係佢 K1 嘅時候已經比佢重讀, 而家讀小四, 成績都好好呀, 所以我冇後悔比佢讀左四年幼稚園。我有個朋友係做教師, 佢話細仔/女同大仔/女係一至三年班分別較大, 但到左四年班大家學習能力已經冇乜分別, 所以頭三年打好基礎係好緊要。

DOUGLASMAMA

我個仔都係細仔, 同meimeilam一樣，但係佢 K2 嘅時候比佢重讀，相信每個小朋友的吾同，我就覺得做大仔好好多。而且我都覺得仔同女分別好大，如仔打好基礎好ｄ。

ckuj

我個仔都係細仔(12月), 今年入讀小一, 上年我個心情都忐忑不安, 有考慮repeat K.3, 但到最後都選擇了升小一。
如果可以再揀過, 我會俾佢讀多一年K.3, 因為真係無想過小一在書寫方面較為嚴格, 而他的小肌肉又未發展得好好, 見他的英文簿每行線比起幼稚園窄很多, 對他來說要不出界也很困難, 有時候還寫到高高低低, 真係見到他都覺得辛苦, 加上他的老師都要求很高, 或者她們無想過阿仔還未到6歲, 要他整整齊齊真係好難, 不過幸好這個星期也有改善了, 希望他能跟得上啦!
講真真係有點後悔及內疚:cry:, 因為當初自己沒有詳加考慮,但條路又唔可以行返轉頭, 為有見步行步啦! 如果真係唔得, 或者下年repeat P.1, 如果唔可以repeat, 轉校都唔定架!

maylmm

我囡囡今年讀小一，
我覺得佢冇乜問題，
因為我發覺佢間學校將ｄ小朋友分o左班，
佢果班成班都係細囝細囡o黎
  

010

我仔當年都係一係做細仔，一係做大仔．
找掙扎左好耐，後來問左教書朋友，佢地多建議我比仔仔做大仔，因為係低年級時唔會覺大差別，但到高年級時會明顯比其他小朋友吃力．所以結困我選擇給他做大仔．

而相距一年，我的確發現他的表現會較定和好，所以無後悔給他做大仔．

思樂媽媽

我個囡都係12月出世, 今年剛小一, 當然入吾到心儀小學. D 私小直資多數揀大仔大女的, 所以D 細的就算表現同大的1樣都1定蝕低.  除非有人事就易攪.  
我都有後悔過上年幼稚園K3時吾簽同意書升回原校小學, (深信行IB 的課程教學冇現在咁辛苦), 到現在里間小學在書寫方面係非常嚴格, 尤其估佢吾到佢用

doris880

DOUGLASMAMA 寫道:
我個仔都係細仔, 同meimeilam一樣，但係佢 K2 嘅時候比佢重讀，相信每個小朋友的吾同，我就覺得做大仔好好多。而且我都覺得仔同女分別好大，如仔打好基礎好ｄ。

請問你囝囝在同一間學校重讀k2，抑或轉校呀？
其實我亞仔在學習方面都可以follow到課程，可能佢都幾好記憶力 佢認真讀幾次都會記得，但可能手未夠力，寫d字就差d，仲有守紀律就無其他小朋友咁成熟。

doris880

maylmm 寫道:
我囡囡今年讀小一，
我覺得佢冇乜問題，
因為我發覺佢間學校將ｄ小朋友分o左班，
佢果班成班都係細囝細囡o黎
  

你囡囡讀邊間學校，懂得如此安排都幾細心喎，如果唔方便可吾pm話我知。thanks   

Kwok

[

maylmm 寫道:
我囡囡今年讀小一，
我覺得佢冇乜問題，
因為我發覺佢間學校將ｄ小朋友分o左班，
佢果班成班都係細囝細囡o黎
  

我都想知邊間小學咁好，可否pm比我！

DOUGLASMAMA

doris880,

仔仔是轉校，如同一間學校是不好，眼見個個同學仔都升班，自己吾同，有心理壓力，不過就算轉校都要做同他解釋，吾好不了了知．

doris880

DOUGLASMAMA 寫道:
doris880,

仔仔是轉校，如同一間學校是不好，眼見個個同學仔都升班，自己吾同，有心理壓力，不過就算轉校都要做同他解釋，吾好不了了知．

我也有這個想法，但在你再為囝囝找新學校的時候會不會有什麼心得，例如趁這個機會替他找間跟一些小學有聯繫的幼稚園。還有知不知道幼稚園對細仔做大仔的插班生會不會什麼特別的要求呢，sorry有這麼多問題。     

DOUGLASMAMA

doris880,

其實幼稚園對細仔做大仔的插班生有沒有特別要求，我就吳知，不過ＩＮ時，都會問點解，我找過幾間都收，但有些名校如ＣＣＫ就一定收細仔，吳收大仔．而其他名校都是要有位才收插班生．所以看你想他讀什麼學校，我就覺得就算如一些小學是有聯繫的幼稚園，但間小學都要是私校，小學才有話事權去收回自己幼稚園學生，相反都是一樣派位．又有何用．所以如果是有足夠錢比他去讀私立小學，就可以趁這個機會替他找間跟一些小學有聯繫的幼稚，相反想享受九年免費教育，就不用理是否有聯繫小學，小朋友開心最重要．以上是我的小小見解．

可口可樂

各位媽咪
我就是這樣做了給我小朋友讀多年高班，現在小朋友都小二啦，因為我小朋友都係11月份出生，同自已班比細好多，我又係驚佢上到小一唔掂咁就讀多年高班、去到小一比其他小朋友成熟得多、又高大、坐定定、真係好乖。成續方面都Ok呀、因為派了去一間都出名的小學、現在好多人都話你個小朋友係唔係讀小四呀，我話唔係讀小二、然後D家長問你小朋友大陸來呀？ 真係比佢

LLT

The answer to your question is "Yes" insofar as attending interview for school admission is concerned, but the answer is "No" if you are talking about his/her study after admission.

This is from my personal experience.