我對於EK判斷學校banding嘅準則唔太認同

lmoonge

我都有關注開EK對於判斷學校banding嘅準則。目前嚟講，我見呢度大部分人嘅共識係主科(CEM) 5+ 超過35%就係band 1A，主科 4+ 超過60%就係band 1B，主科 4+ 超過45%就係band 1C。大概係咁，有錯請指正，但總之個核心理念就係以主科為依歸，因為主科人人都要考，主科成績反映間學校整體學生能力嘅基本

但我反而覺得計整體所有科嘅4+ / 5+ 反而有意義過只計主科。原因好簡單，因為基本上所有學生都係要讀5-7科，主科佔3科，選修科佔2-4科，而入大學嘅jupas計分通常都係以best 5去計（當然唔同學科會有唔同加乘嘅方法，但我唔喺度逐一研究），咁所以主科同選修科喺計算best 5時候嘅重要性係各佔一半。因此，計整體所有科嘅4+ / 5+ 反而有意義過只計主科，如果只係計主科，根本反映唔到計best 5嘅時候嘅結果。有啲學校(eg. 聖心）長期都係主科嘅4+ / 5+ 勁過整體4+ / 5+ 好多，但正如我所講，計best 5你點都逃唔過要計埋選修科，如果你去評價一間學校係以主科為依歸，你會忽略咗間學校整體所有科成績嘅不足而影響計算best 5入大學嘅呢方面嘅劣勢。亦有啲學校(eg. 民生）長期都係整體嘅4+ / 5+ 勁過主科4+ / 5+ 好多，但咁樣其實問題不大，因為正如我所講，入大學都係計best 5，理得你主科勁啲定選修科勁啲，總之你求其湊埋5科越高分越好，咁所以如果A學校主科4+ / 5+ 勁過B學校，而B學校整體4+ / 5+ 勁過A學校，我係會覺得B學校係有優勢過A學校


當然，如果你只抽出兩間學校嘅其中一科選修科成績嚟做對比係冇意思。例如A學校physics 100%學生攞5+，B學校physics 60%學生攞5+，但有機會係A學校physics得5個人讀，全部人都攞5+，B學校physics有50人讀，30個攞5+，所以只攞其中一科選修科嚟做對比係冇意義。但用整體所有科4+/ 5+嚟做對比就有意義好多，因為計算所有科目整體4+ / 5+ 係要用間學校報考科目嘅總數量，例如間學校有100個考生，每人報6科，咁間學校報考科目嘅總數量就會係600。喺呢600科裡面，間學校攞得越多4+ /5+ 就會對計算best 5越有著數，亦即係對入大學越有著數。如果A學校報考科目嘅總數量係600，總共300科攞5+，即係整體5+率係50%，而如果B學校報考科目嘅總數量係700，總共320科攞5+，即係整體5+率係45.7%。那怕B學校主科5+率係好過A學校，我都覺得A學校係好過B學校


所以我提倡計算學校banding應該以整體所有科為考量，而非單單以主科成績。以上係我嘅睇法，歡迎提出你嘅想法

PTL_L

lmoonge 發表於 26-7-18 17:19
我都有關注開EK對於判斷學校banding嘅準則。目前嚟講，我見呢度大部分人嘅共識係主科(CEM) 5+ 超過35%就係b ...

呢位新account 網友，你好有勇氣

mcl233

唔使提出，試下身體力行，得出你心中既模型，先可以討論落去，否則都係流於空談～

Szetimmy0225

這位家長不如你身體力行做一份表分享下！

lmoonge

回覆 mcl233 的帖子

關整唔整表咩事？我講嘅係approach，我提出嘅係一個idea。我做唔做個表同我呢個idea有冇嘢值得商榷有咩關係？你呢啲人係典型反駁型人格，即係喺我嘅論點上搵唔到啲咩嘢去講，但又想滿足吓搵啲嘢去challenge我嘅心態，就夾硬講啲唔關事嘅嘢去話人。你講嘅整唔整表同我提出嘅議題有咩關係？

lmoonge

Szetimmy0225 發表於 26-7-18 18:53
這位家長不如你身體力行做一份表分享下！

關整唔整表咩事？我講嘅係approach，我提出嘅係一個idea。我做唔做個表同我呢個idea有冇嘢值得商榷有咩關係？呢個po係討論性質

Vincegogogo

讚你有理想。可惜現實並無data，只能是完成比完美重要。

yaumuimui

lmoonge 發表於 26-7-18 19:22
關整唔整表咩事？我講嘅係approach，我提出嘅係一個idea。我做唔做個表同我呢個idea有冇嘢值得商榷有咩關係 ...

問題咪正是難於實行，樓上網民才提議你試吓做囉。 當你覺得人哋challenge你時候，都諗吓自己提議既嘢實行方面做吾做到。 除非教育局強制全港中學公開數據啫，否則你想法根本做吾到。

lmoonge

PTL_L 發表於 26-7-18 18:36
呢位新account 網友，你好有勇氣

唔明有咩咁有勇氣。呢度係討論區，討論區唔係就應該提出唔同嘅觀點大寫討論咩？上面嗰兩位起哂鋼又唔係想討論，完全冇就我提出嘅觀點回應過，但又想搵啲嘢去challenge我，唔知想點

lmoonge

Vincegogogo 發表於 26-7-18 19:36
讚你有理想。可惜現實並無data，只能是完成比完美重要。

呢個係討論性質，data係沿用返原本嘅approach嘅band 1A 5+ 35%，band 1B 4+ 60%，band 1C 4+ 45%。呢度係討論區，唔係一定要整好哂所有嘢先可以開始討論。有個觀點提出嚟大家一齊討論有咩問題？即係等同而家我要討論搭巴士定搭地鐵更快去到目的地，然後你就走出嚟話講咁多做咩，你又唔係自己整架巴士/地鐵出嚟。其實你講呢啲有咩用？你唔想參與討論嘅大可不必回應，你又要回應，但又要唔係就住個議題去回應，目的只係為咗challenge人，起哂鋼咁，做乜啫你？

willywonka2218

一間學校中史5+率 100%，但原來只有2個人讀。另一間學校中史5+率50%，但原來有10個人讀。你如何解決這統計上盲點？

mcl233

lmoonge 發表於 26-7-18 19:21
回覆 mcl233 的帖子

關整唔整表咩事？我講嘅係approach，我提出嘅係一個idea。我做唔做個表同我呢個idea有 ...

都話建議你做一次先，咪知你既approach可行性，你連feasibility study都唔試下做，又如何得知你既想行係可行的～

不過，我估你唔會成功，先天性既數據，根本唔會收集得到～

lmoonge

yaumuimui 發表於 26-7-18 19:41
問題咪正是難於實行，樓上網民才提議你試吓做囉。 當你覺得人哋challenge你時候，都諗吓自己提議既嘢實行 ...

咁而家EK呢度嘅approach (用主科4+ / 5+ 去計) 都唔係所有學校有公布㗎啦，咪又係一樣。其實band 2, 3就預咗佢唔係點公布，我呢度又唔係要討論哂全港所有學校。討論得4+ / 5+ 當然係針對住大部分有公布dse成績嘅band 1學校啦。你見EK上面其他po整出嚟嘅表都係主要根據住有公布成績嘅band 1學校。你又唔走去challenge佢話「整嚟做乜，又唔係所有學校有公布成績」？我呢個po只係提議可以有另一個approach去判斷banding，咁有咩問題？一個二個起哂鋼咁

lmoonge

willywonka2218 發表於 26-7-18 20:02
一間學校中史5+率 100%，但原來只有2個人讀。另一間學校中史5+率50%，但原來有10個人讀。你如何解決這統計 ...

建議你睇哂我成個po先，我已經講哂你提出嘅質疑

willywonka2218

lmoonge 發表於 26-7-18 20:08
建議你睇哂我成個po先，我已經講哂你提出嘅質疑

但很大部份學校只公佈各科5+率，而無實際人數

mcl233

willywonka2218 發表於 26-7-18 20:13
但很大部份學校只公佈各科5+率，而無實際人數

果位網友根本唔知道玩5仔的藝術，若果中學肯公佈咁詳細資料，為乜刻意收緊某些科目報讀人數，從而製造高5+率～～～

passer_by_b

唔認同你咪整過另一個排名囉
舊年都有人按整體5+和4+去做排名
而big exam就用332A+2做基底去做排名

得把口嘈乜嘢都唔做，有乜好批評呢？

sunflower2000

willywonka2218 發表於 26-7-18 20:02
一間學校中史5+率 100%，但原來只有2個人讀。另一間學校中史5+率50%，但原來有10個人讀。你如何解決這統計 ...

根據去年学校公布的全科5+率，絕大部分都是加權平均數，而非單純的把兩個百分率相加除以2。

lmoonge

willywonka2218 發表於 26-7-18 20:13
但很大部份學校只公佈各科5+率，而無實際人數

整體4+ / 5+ 嘅背後已經係計咗全級考生總共報考科目嘅數量。好多學校都有公布”4+ / 5+ in all subjects” ，亦即係我所講嘅整體4+ / 5+，例如如果間學校公布整體5+係50%，佢呢項數據背後嘅計法就係將攞5+嘅總科目數量除以全級所有考生報考嘅總科目數量，亦即係話例如全級考生總共報考咗700科，總共有350科攞5+，呢個就係「整體5+ 50%」嘅意思，好多學校都有公布呢方面嘅數據，根本唔需要考慮全級人數，亦唔需要考慮個別科目多人take定少人take嘅問題。間學校整體4+ / 5+ 愈高，咁就對於學生喺計算best 5報大學時愈有利

lmoonge

mcl233 發表於 26-7-18 20:03
都話建議你做一次先，咪知你既approach可行性，你連feasibility study都唔試下做，又如何得知你既想行係可 ...

乜鬼嘢feasibility study啫，我又唔係提出緊啲咩超嶄新嘅諗法，我都係沿用返原本嘅approach，只係將CEM 4+ / 5+轉成係用整體4+ / 5+，有咩feasibility study好做？整體4+ / 5+好多學校都會公布