自行閱讀

hellolulululu

請問大家的小朋友是如何開始自行閱讀？
我每天都伴讀，另外中英都有認字，英文學緊phonics，而家K1尾。
小朋友好少自己羅書睇，可能一個月一次，一睇睇好耐，但明顯只睇圖。

想請問大家既經驗，係咪等下等下，佢自己會睇？定有什麼技巧？或心得？
大家的小朋友都是幾時開始自行閱讀？

知道K1尾都尚早，但想提早準備，看看有沒有什麼方法，謝謝大家。

口水媽

hellolulululu 發表於 21-7-14 08:54
請問大家的小朋友是如何開始自行閱讀？
我每天都伴讀，另外中英都有認字，英文學緊phonics，而家K1尾。
小 ...

小朋友仲細，一開始只係睇圖都正常，我都會keep住伴讀、陪佢認字，慢慢黎

hellolulululu

謝謝你，我會繼續努力，哈哈，可能太想甩難，太想佢自己讀到
所以問下過來人其實有無咩方法

twinkle00

回覆 hellolulululu 的帖子

要不停伴讀, 學phonics + 認中文字.
同埋最緊要睇少D電視/youtube, 等佢多D時間 (同興趣) 去拿起本書睇書.

hellolulululu

twinkle00 發表於 21-7-15 15:35
回覆 hellolulululu 的帖子

要不停伴讀, 學phonics + 認中文字.

想請問正常大約幾時開始自行閱讀？

hamstar

hellolulululu 發表於 21-7-15 18:22
想請問正常大約幾時開始自行閱讀？

正常應該6-7歲會自行閱讀， 好多繪本封底都係咁寫， 我地細個個時可能都係咁上下。 不過而家d 人多咗伴讀， 小朋友應該會早d識睇書。

twinkle00

回覆 hellolulululu 的帖子

有啲人早D有啲人遲D..
英文學哂phonic, blend 到的話其實4至5 可以自己讀書架啦 (自已同身邊朋友嘅小朋友都係).

中文生字又多又唔可以拼出來, 可能會遲少少.. k3應該識大部份啦！

Azzurro

我小朋友 k1開始密集的伴讀中文英文
k3 基本上不需要我幫忙，但是作為父母，就算小朋友識讀，我都很樂意讀書給小朋友聽
這個是讓小朋友覺得親密呢

小朋友要累積足夠的詞彙量先會覺得自己閱讀容易
之前依賴父母是因為有困難（但是小朋友如何描述為何沒法自行閱讀呢）
有困難的時候，偏向看圖片很正常

hellolulululu

謝謝大家
我會繼續努力伴讀，加phonics  認字
相信終有一日可以自己讀
睇左大家既留言，知道自己沒有用錯方法就可以了
繼續努力

ednamode11

伴讀不要停，直到有天小孩叫你不要讀，自己看書，千萬不要和人比較。

darkgard

我建議你俾小朋友睇「Peter and Jane」呢一輯書，內有36本書，由淺入深。
呢一輯書可以啟動小朋自讀能力。每本都有個別生字不停重重複，佢睇多兩頁，就認到字，如果佢本身有讀phonics, 咁學得仲快。

我兩個女都係係呢輯書，做啟蒙。
大女升小二，已經可以睇大人嘅Harry potter.
細女升K3, 已經自己睇英文書，如princess in black. (當然，佢地未必隻隻字都識，但係最重要係佢地唔怕睇咁多字，因為佢地字庫夠多）

hellolulululu

darkgard 發表於 21-7-30 16:11
我建議你俾小朋友睇「Peter and Jane」呢一輯書，內有36本書，由淺入深。
呢一輯書可以啟動小朋自讀能力。 ...

謝謝你，我即刻去買
但我想問，你係點樣開始比佢睇？
你就甘比整書佢，佢自己睇？
K2?

darkgard

hellolulululu 發表於 21-7-30 20:20
謝謝你，我即刻去買
但我想問，你係點樣開始比佢睇？
你就甘比整書佢，佢自己睇？

睇下你小朋友平時語文能力。

因為我女有學過下phonics, 平時會講英文&睇英文channel, 所以我只係伴讀左頭十本。往後嗰啲，佢會自己拼音拼到出黎，因為佢本身有聽有講，佢自己就會知道呢隻字就係日常語句裡面啲字。
尾嗰十六本，基本上佢自己睇，有唔識嘅字，有時會問，有時懶得問。

hellolulululu

darkgard 發表於 21-8-4 15:58
睇下你小朋友平時語文能力。

因為我女有學過下phonics, 平時會講英文&睇英文channel, 所以我只係伴讀左頭 ...

我女女都有學phonics,但講得少d。謝謝你分享！我會努力

糯米米糍

我由小朋友半歲揭布書開始就每晚伴讀，仔由K1左右都會經常主動拎書睇，當時主要睇圖，慢慢到k2識字量增加，可以放假半日自己不停睇書，而家升小基本上每日有free time佢都會自行閱讀，但每晚伴讀依然無間斷

Raccch

hellolulululu 發表於 21-7-14 08:54
請問大家的小朋友是如何開始自行閱讀？
我每天都伴讀，另外中英都有認字，英文學緊phonics，而家K1尾。
小 ...

我大女K1 K2個時我比較忙好少親自伴讀，當時佢一直學phonics都唔識blending。佢由K1一直大班學phonics到小一仲繼續去私人phonics課程，一直都係唔識blending。但係佢K3到小一左右（5-6歲）突然覺得自己識睇書，認到字，開始大量閱讀。
細女由一歲左右我開始伴讀，依家四歲半都感覺唔係好識睇書內的字。好多重複教的the, it, is, she, he之類都唔記得，所以我感覺上小朋友要發育到大概5-6歲先可以自己睇字。

freshrose

Raccch 發表於 21-8-29 14:41
我大女K1 K2個時我比較忙好少親自伴讀，當時佢一直學phonics都唔識blending。佢由K1一直大班學phonics到小 ...

我仔26個月已經認到200-300 個英文字, 而家岩岩3 歲已經可以自我閱讀,  講真去到5-6歲先讀已經有D 遲, 而家D 小朋友5-6 歲已經可以睇CHAPTER BOOK

Raccch

回覆 freshrose 的帖子

我的小朋友兩個都係一早就開始日日睇書，但係睇得明幾多我唔敢講，5-6歲開始係我覺得佢可以睇明大部分文字內容的時候，個時開始睇字書多。教大女的時候感覺有點struggle，因為係細B而且好多嘢都比同齡人學得慢，K2準備考starter都覺得吃力，唔肯讀書比我聽串字又好差，好辛苦先考到13盾。但係5-6歲後可能係突然開竅咗，之後中英文閱讀能力都好大提升，初小階段中英文考試閱讀部分每次都好高分，所以我覺得佢應該閱讀能力ok。有大女的經驗之後，教細女就冇咁騰雞了。我依家知道每個小朋友資質唔同，有啲會早啲做到一樣嘢，有啲可能要用多啲時間，作為家長只需要盡力引導小朋友就足夠。

freshrose

hellolulululu 發表於 21-7-14 08:54
請問大家的小朋友是如何開始自行閱讀？
我每天都伴讀，另外中英都有認字，英文學緊phonics，而家K1尾。
小 ...

我仔係好細個就開始睇書, 佢而家3 歲, 最大的興趣係去公園同小朋友玩之外, 就係睇書

佢8-9 個月開始我就開始同佢接觸書, 最初係零文字/ 好多圖案, 果時仲係成舊飯咁, 無咩反應, 睇睇下走左去咁, 所以果時我覺得我好似對住空氣咁

到佢歲半開始, 佢就對閱讀好有興趣, 我買左D 機關書之後, 晚晚係咁塞D 書要我/我老公讀, 一本可以讀十次以上

到佢20 個月, 我就發現佢認到字 , 例如我讀到一個字, 佢可以係另一本書搵返同一個字出黎

之後22 個月開始陪佢玩SIGHT WORD, 學下D 常見的字, 我仔最沉迷讀書係2- 2歲半果時, 一日可以花3-4 個鐘係度睇書, 沉迷到一個地步係佢可以背到成本書



我覺得重複睇一本書係對佢地記得D 字有幫助, 我仔係好鍾意重複睇同一本書, 而家3 歲已經可以自我閱讀, 係讀到唔識D 字先叫我教佢