你地有教理財概念嗎？

星星的後裔

你們如何教小朋友理財概念，我指儲錢，應洗則洗。

昨日出街，見我買野（其實是比佢的），佢又要扭計，夾硬都要搵一件玩具去買。最後佢都無買，亦睇得出是有唔開心，但無喊。

定係6歲人仔，唔洗教，我要求太高呢？

wongtw

一年級開始想教但無機會，錢財有入無出，太過守財，現在三年級還在等機會，可能要等到中學。

持之以恆

可以教，但天生佔更大因素，
我小朋友從不扭買野，我地有時提出買俾佢，佢都話唔要，是守財型，未必好事，我教佢有時要消費下。
當然間中有提下佢如何投資理財。

Elenalan

阿女今年小一，開始俾零用錢佢，但d零用錢係用積點(貼紙)換領，而要得到積點就要有好表現(自理、學業、禮貌、態度、家務，etc.)。所以，佢嘅零用錢冇定額，但平均每星期$30~50不等。由於d零用錢係獎勵性，唔係無條件咁拎，所以佢會珍惜，唔捨得用哂，慢慢佢會建立自己嘅消費模式和儲蓄習慣。d錢俾左佢，我唔會干預佢點用，只會提下佢想買貴d嘅嘢就要儲下錢先。我唔知我嘅方法啱唔啱，我覺得6歲，暫時想俾佢對金錢有d基本概念，而且冇不勞而穫。想買心頭好我一般不會阻止，但要佢用自己錢，唔夠就儲下先囉，其實大人都係咁。

asweetmom

父母是哪種金錢觀，就會教出哪種金錢觀的孩子。你先思考一下自己是如何理財的

1998Ruby1998

要求唔高，自細就應該灌輸 “應洗則洗”，凡事三思而行，分清楚係 “需要” 定 “想要”。

我果套係不斷灌輸 “屋企好窮、冇錢”，搞到每次同阿爸阿媽出街食飯都會叫最平果個餐，要幫父母慳錢。每次想扭玩具，阿爸阿媽都係話冇錢，買唔起，企硬唔會妥協。

Olympian

星星的後裔 發表於 18-10-28 09:04
你們如何教小朋友理財概念，我指儲錢，應洗則洗。

昨日出街，見我買野（其實是比佢的），佢又要扭計，夾硬 ...

老公會每星期比零用錢的兩個小朋友。零用錢是給她們買想要的東西，但每個月只可以買一次。初時他們都是捨得用錢，要買玩具但又要大人付錢，慢慢就學會用自己的零用錢買。由於一個月只可買一次玩具，會大為緊張，若果無樣玩具中意，買不到玩具會喊，但慢慢佢地又明白，其實可以等到有野中意才買的。另外佢地又發覺，若要買貴些的東西，就要儲多幾個月才夠錢買。他們又不會一次用盡所有錢，會用一部分，留一部份。細果個著數d,，K2開始已經有零用錢了。

小曳人

我地屋企係無shopping 呢種"活動"，頂多出街食飯，路過去書局行一轉，打一陣書釘，所以孩子無乜點見過爸媽shopping，就算買都係日用必需品，兩個從來唔會扭買野

至於理財，有買故事書，但又無乜點講，小3開始學校俾帶錢，就有零用錢，佢地會用自己錢買鍾意嘅書
另一方面，屋企乜都有，(益智)玩具從來不缺，多到無時間玩...

retriever

1998Ruby1998 發表於 18-10-28 17:36
要求唔高，自細就應該灌輸 “應洗則洗”，凡事三思而行，分清楚係 “需要” 定 “想要”。

我果套係不斷灌 ...

你覺得灌輸“屋企窮，無錢”， WORK 唔WORK？ 又是否認同？

retriever

星星的後裔 發表於 18-10-28 09:04
你們如何教小朋友理財概念，我指儲錢，應洗則洗。

昨日出街，見我買野（其實是比佢的），佢又要扭計，夾硬 ...

駛錢觀，由父母做起。

印象深刻一次，係在反斗城見幾位靚媽推著購物車話（細路在附近）：“大家睇下有咩買？”，留意，係“睇下有咩”。呢種WINDOW SHOPPING 式，好難教到應駛得駛。

我一般細路買野，一要大時大節，二要儲貼紙。

當然，理財係更復雜概念，包括如何給付零用錢，儲蓄及什麼條件下可使用零用錢（因為錢唔用，唔會體現價值）

Yanamami

幼稚園就教了……想要vs需要

MrBeast

星星的後裔 發表於 18-10-28 09:04
你們如何教小朋友理財概念，我指儲錢，應洗則洗。

昨日出街，見我買野（其實是比佢的），佢又要扭計，夾硬 ...

parenting 101: Delayed gratification

Olympian

retriever 發表於 18-11-4 13:56
駛錢觀，由父母做起。

印象深刻一次，係在反斗城見幾位靚媽推著購物車話（細路在附近）：“大家睇下有咩 ...

錢唔用，唔會體現價值講得好好。其實我都有好多疑惑。我唔係好認同老公比咁多錢佢地買野。(每週20蚊，加部份利是錢。)因我細個無錢的，老公又無咩比錢我洗。不過老公話要小朋友學洗錢喎。

另外，我又覺得小朋友需要的用品是應大人買的。小朋友買想要的野，才會著緊d錢，咁先會體會錢的價值。

其實好多小朋友都唔要錢。因為佢地咩都有。或者，大人比好多錢佢，但係原來唔用得嘅，只能放入銀行。令小朋友對錢無感覺。

另外，成績好或行為好，或是儲印換貼紙，唔知大家點睇？我覺讀書和好行為好，口頭稱讚就夠。零用錢應純為了讓小朋友開心下。

Elenalan

Olympian 發表於 18-11-5 10:43
錢唔用，唔會體現價值講得好好。其實我都有好多疑惑。我唔係好認同老公比咁多錢佢地買野。(每週20蚊，加部 ...

我細個窮，我唔想阿女用窮人眼界去睇錢。我同意生活所需基本物質應由父母去供應，而零用錢應俾小朋友自由決定點用，咁佢先會明白金錢對佢嘅意義。

我覺得唔應該無條件俾零用錢(假設孩子已得到基本物質所需)。大人工作賺錢嘅動力就係有$去買心頭好，我覺得以零用錢作為好行為/學業嘅獎賞亦係俾incentives佢去努力和儲錢買想要嘅嘢。我細個都會為左賺稿費去投畫稿和文稿，參加比賽嬴書卷、努力考試拎獎學金，其實呢d都係錢嘅獎勵，但令人有好大動力向上。

我覺得做人有物慾係正常不過。冇慾望人生就冇動力。

MrBeast

Elenalan 發表於 18-11-5 11:13
我細個窮，我唔想阿女用窮人眼界去睇錢。我同意生活所需基本物質應由父母去供應，而零用錢應俾小朋友自由 ...

之前有個相似討論網友有不同意見：究竟做家務比0用＄適唔適當。只要唔係比＄先做，我覺得是ok的

Elenalan

MrBeast 發表於 18-11-5 12:32
之前有個相似討論網友有不同意見：究竟做家務比0用＄適唔適當。只要唔係比＄先做，我覺得是ok的 ...

最初鼓勵佢做家務我都會獎勵(因為幼稚園階段時，想鼓勵佢係有責任心、認真咁做，唔係玩玩下當體驗)。但現小學，佢已經會自動自覺分擔家務，所以會唔使刻意獎勵。反而現在多以學業成績、自律温習呢d來評核俾獎勵。

MrBeast

Elenalan 發表於 18-11-5 12:48
最初鼓勵佢做家務我都會獎勵(因為幼稚園階段時，想鼓勵佢係有責任心、認真咁做，唔係玩玩下當體驗)。但現 ...

我個e加都會主動幫手做些家務，辛苦的話我會買些好野食獎勵下，身邊有大花筒就一起討論下，我亦講明我責任是起居飲食，anything else r privilege.  so far so good.

retriever

MrBeast 發表於 18-11-5 12:32
之前有個相似討論網友有不同意見：究竟做家務比0用＄適唔適當。只要唔係比＄先做，我覺得是ok的 ...

我覺得一樣。

講個隨手拿來，好似唔啦更既例子。

早幾年有位大陸來的女士犯左官非。佢算係醒目，只係等法官判左佢無罪，佢就送禮俾法官，多謝佢英明。結果法官送交ICAC，女士最後判罪。

唔係化？ 我無事前送禮求判無罪喎。答案係，事後送禮，都俾左人“合理期望”。。。

TwinWong

星星的後裔 發表於 18-10-28 09:04
你們如何教小朋友理財概念，我指儲錢，應洗則洗。

昨日出街，見我買野（其實是比佢的），佢又要扭計，夾硬 ...

理财係要從小灌輸

禮物唔一定要买, 成績好都唔一定有獎勵

有必要(日常用品), 不必要(玩具/零食), 突然奇來的驚喜要自足

小學無零用錢(帶飯/配水), 中學还是帶飯/帶水,
就算比零用錢, 我比100, 都要佢先儲40

MrBeast

retriever 發表於 18-11-5 17:17
我覺得一樣。

講個隨手拿來，好似唔啦更既例子。

又或者咁。在公司做完野但未夠中放工，一個員工就問老闆仲有乜野做、幫手執頭執尾整理下d野，年尾公司業績好老闆比多d花紅那個員工，咁可能個員工個個性抵得諗唔怕蝕底，亦可能佢係為左年尾份紅，but it doesnt matter, 最重要係佢得到老闆賞識，之後還更加努力。
咁點解我又話唔可以有＄先做家務呢？因為家務,本身是每個成員的責任，0用只是一個獎勵，but its still better than 乜都唔洗做都有0用