聖馬可還是張祝珊

henryzz

聽聽大家的建議，多謝先！

• 我嘅仔讀緊Band1小學
• 呈一全級名次10以內
• 呈二冇考好，估計10-20名
• 聖馬可，張祝珊，中婦，民生，筲官：同個仔一起全部參加過講座。仔仔最鍾意聖馬可。其次中婦。仔仔對張有保留。驚太嚴格，學習太辛苦。
• 仔仔係一個好鍾意運動嘅小朋友，乒乓波打嘅也算ok。考咗銀章。依家又鍾意打籃球。平時自己會主動彈鋼琴，自己摸索流行歌曲彈出來。但是好明顯不鍾意死讀書。
• 我阿爸鍾意張，因為名氣大，升大學率高（我阿爸嘅研究結果）。
• 我個人研究後覺得聖馬可現在發展的不錯。不過2017又換咗校長。
• 仔仔2016年第一次去咗聖馬可參觀之後就話好鍾意。今年再次參觀也很鍾意。今年也喜歡中婦校長的講話。不過我查過，中婦明年Q4要重建。2021完成。仔仔擔心運動場地會有影響。參考網站：（http://stedu.stheadline.com/sec/sec_news.php?aid=18066&cat=13&subcat=38）
• 我個人認為：聖馬可雖然名氣沒有張大，但是我應該讓仔仔可以在自己鍾意嘅學校發展。所以我準備說服我阿爸。
• 所以我準備自行報聖馬可一個。大抽獎第一個報聖馬可。不知道這樣是否太大膽！
• 想聽聽大家有麼有什麼建議。
  

非常感激！

Henry

TLHE

回覆 henryzz 的帖子

2間也是我兒子曾經心儀過的学校，所以有研究过，上年也分别去過简介会。
張記，学術高，但校舍太细，欠缺適當的活動空間，較適合文静好学的孩子，校风纯樸，書卷味濃

馬可，英文强，校舍大小適中，重视音樂，学生较活潑好動。成绩其實与張记也不差太多，只是張記較有名氣而巳。

个人認為，以樓主兒子性格，馬可較合適

Arabellahk

聖馬可

Jasmine-4711

鐘意運動及音樂，性格活潑……一定揀聖馬可。如你担心呈二分數低，学校有冇公佈自行階段選学生，呈分佔几多成，小四至六成績及面試表現佔几多成？你可否靠其他方面補救。

至於聖馬可轉新校長，我仔同学家長亦想報此校，周圍找料。她有朋友識新校長，話佢都好勁，但我已忘掉佢以前在那校做校長，因band 1都唔关我仔事，8完就data deleted……哈哈!

henryzz

TLHE 發表於 17-12-29 16:40
回覆 henryzz 的帖子

2間也是我兒子曾經心儀過的学校，所以有研究过，上年也分别去過简介会。

多謝分享！我都漏咗講我嘅仔仔幾鍾意英文。

henryzz

Arabellahk 發表於 17-12-29 17:21
聖馬可

多謝你!

Chenglc

聖馬可新校長顏婉瑩，之前係在將軍澳東華三院呂潤財做校長的，呢間學校啱啱脫龍(明年9月中一生係首年脫龍）。雖然我係呢果網，但因爲係一條龍，外校生少，所以唔多人提及。

B哩baba

henryzz 發表於 17-12-29 16:04
聽聽大家的建議，多謝先！

喜歡音樂愛運動一定聖馬可，以你仔仔成績自行好大機會，如果有樂器更佳，學校重視音樂要學樂器。
聖馬可整體成績雖然不及張祝珊，但如果小朋友努力，相信也一樣能踏入大學之門。
家長最主要是考慮小朋友的意願，讀書的不是家長，只要與預期相差不多就應尊重，你也不希望小朋友6年中學在不開心中渡過。

henryzz

Jasmine-4711 發表於 17-12-29 17:38
鐘意運動及音樂，性格活潑……一定揀聖馬可。如你担心呈二分數低，学校有冇公佈自行階段選学生，呈分佔几多 ...

多謝你！我目前研究到嘅關於聖馬可嘅資料，冇提過自行階段成績嘅比重。因為仔仔唔鍾意其他學校，所以我想自行只報聖馬可一間，唔知會唔會太搏？

henryzz

Chenglc 發表於 17-12-29 19:55
聖馬可新校長顏婉瑩，之前係在將軍澳東華三院呂潤財做校長的，呢間學校啱啱脫龍(明年9月中一生係首年脫龍） ...

多謝你嘅分享！仔仔鍾意呢間學校，雖然換咗校長，希望新校長會繼續把聖馬可建設嘅更加好！

henryzz

B哩baba 發表於 17-12-29 21:49
喜歡音樂愛運動一定聖馬可，以你仔仔成績自行好大機會，如果有樂器更佳，學校重視音樂要學樂器。
聖馬可整 ...

多謝你。我相信囝囝自己都唔會介意學多一樣樂器。佢平時係屋企都會自己吹牧童笛。而且聖馬可local university rate 60%, 我哋全家一齊努力，幫助佢好好學習。只要佢俾心機，應該有機會入一個心儀嘅大學！我發呢個帖，就是自己覺得兩間學校差不多。但是又驚自己經驗不豐富，所以請教大家。

kwunpa

兩間學校一般給人的感覺：張：谷，活動少
聖馬：自由，活動多

我都以爲系甘，不過最近同兩個朋友傾起，佢地有不同意見。
朋友一，現任張祝珊家長，阿仔中三；有日見到佢全家，我問阿仔多唔多功課測驗，佢話唔多，仲有時間參加兩個樂團。佢老豆仲腌間學校 hea, 話初中好少功課，不太滿意。

朋友二，退休人士，同聖公會中學有D 淵源，另同東區不同中學學生有親身接觸。佢話聖馬可都系谷個類，學生唔系好多時間玩活動；舊校長就系因爲谷起佐成績，被辦學團體欣賞，所以升佐去co-ed 做校長。佢仲話，聖公會 D學校點會唔谷。

真相如何？我都唔知，我自己都研究緊呢兩間學校，我都好 confused!

1998Ruby1998

我同學之前三次呈分排名 8X／120，入唔返中學部，入聖馬可。佢本身係我小學讀書唔強，亦係唔受束縛嘅人，鍾意運動（校際田徑攞獎）。但係入左聖馬可，年年都考到頭 40%，揀到心儀 DSE 科目，之後考得唔錯去外國讀 Design，讀得開心。

不過讀書果個唔係你，唔係你阿爸，係你仔仔，小學就話睇邊間名氣大 d，方便升中叩門，但係入大學人人平等，不論出身，高分者得。讀間自己鍾意嘅學校會事半功倍。仔仔若然有聖馬可情意結，應該主動說服你阿爸。

b3410

1998Ruby1998 發表於 17-12-30 02:42
我同學之前三次呈分排名 8X／120，入唔返中學部，入聖馬可。佢本身係我小學讀書唔強，亦係唔受束縛嘅人，鍾 ...

true, 中學搵一間適合小朋友的更加重要。名氣次要，除非超級名校帶光環嗰種，其他其實分別不大。

BBKDWLAM

有猶豫的人，我覺得唔好㨂張記，況且你仔仔情況自行機會都唔高，佢本身又鐘意聖馬可。我識讀張記的人好極端，鐘意嘅繼續鐘意，當年猶豫的在中二中三度後悔，會好想轉校。

TLHE

kwunpa 發表於 17-12-30 00:53
兩間學校一般給人的感覺：張：谷，活動少
聖馬：自由，活動多

我仔都有幾位同學今年張記中一，開学幾個月，他們都說比起小学功課真的不多，因為我们是來自出名多功課的小学。
不過，我見他們有很多課堂小测之類,学業成绩優秀的，自然晤谷。追不上的，想自己唔谷都唔得

馬可也有幾位同學仔讀，普遍也說功課量不多，我想大家都是B1A校，学生質素不差，其實都好少似以前嗰代咁俾大量功課去谷成绩了！

学生覺得谷，可能是力有不及，需要從後趕上，这是自然辛苦些！

以樓主兒子成绩，自行入張記机会較低，反而入馬可机会較高，可预计，若樓主兒子靠大抽獎入張的話，压大自然会比馬可大了！

Chenglc

henryzz 發表於 17-12-29 23:34
多謝你！我目前研究到嘅關於聖馬可嘅資料，冇提過自行階段成績嘅比重。因為仔仔唔鍾意其他學校，所以我想自 ...

學校網站有寫，學業成績佔五成，包括小學校內成積和教育局的排名

henryzz

kwunpa 發表於 17-12-30 00:53
兩間學校一般給人的感覺：張：谷，活動少
聖馬：自由，活動多

唔知道你嘅小朋友自己有冇鍾意嘅？我平時勸人一定會講以孩子意願為主，現在到自己就猶豫了。😂

henryzz

1998Ruby1998 發表於 17-12-30 02:42
我同學之前三次呈分排名 8X／120，入唔返中學部，入聖馬可。佢本身係我小學讀書唔強，亦係唔受束縛嘅人，鍾 ...

我好鍾意你嘅‘事半功倍’四個字。我都可以想像仔仔係自己鍾意嘅學校讀書一定會好努力！多謝你！

henryzz

b3410 發表於 17-12-30 10:26
true, 中學搵一間適合小朋友的更加重要。名氣次要，除非超級名校帶光環嗰種，其他其實分別不大。 ...

多謝你！我有考慮過自行報聖馬可一間 第二放空， 或者第二寫皇仁，你話我咁樣諗係咪癲咗滴？