升中一, 媽咪要準備的事程

tracyleung

小兒今年升中一, 請問有甚麼要準備, 包括心理問題. 聽說 : -
1. 很多小朋友會變得很反叛.
2. 以往成績好, 又會下降.
3. 突然多了很多科目, 是否很難再幫他跟功課,

其實, 是否應該放手, 讓他自行安排呢?  又是否早了一點? 有沒有中學生之媽咪,  可以 share your feeling.   謝謝!

MKma

tracy,

我的兒子在去年升中一，起初他因為派到去第一志願，便自以為自己很"掂"，所以整個暑假除了中學的bridging course及童軍外，很大部份時間都花在玩樂上。我見他在小五小六時讀得咁努力，加上自己又放下心頭大石，我都有想透下氣，所以便由得他。

但在中一剛開課時，因為自由度大了，功課又少了很多(有些是在幾日後才用交的)，他便常在放學後和同學去踢足球，上網玩games，玩到些心"創"。好了，開學個多月後學校便開始測驗，那時他才驚覺中學的科目繁多，加上又全是用英文，再也不能像小學時一般，在測驗/考試前稍為溫習一下便可取得好成績。結果，他測驗的成績不好，有一兩科還不及格(他在小學從未試過測驗不及格的)，好彩他自此便開始用心溫習，成績也漸漸進步。

所以，我覺得中一的男仔，常常自以為長大了，開始"自把自為"，但其實還是小孩一個，不懂自律，如果太過放手的話，恐怕會易放難收，但又不能像小學生般規管得太嚴。以我兒子為例，他自己跌一次便知痛，學懂了自動自覺溫習。另一方面，中學精英雲集，我們又不能要求他的成績像小學一般突出，所以做家長的也要自我調節，這樣大家一同努力調適，小朋友便能慢慢適應中學的學習環境了。

以我的經驗，他初初升中學時，科目增加了很多，除了中文中史外，便全是英文，老師上堂又是用英文，所以我要他每天回家後溫習當日所學的課文，遇上不明便立刻問我，再在週末用些時間重溫上個星期所學的東西。起初他不理我，結果測驗成績不好，後來他便跟我所說去溫習，成績果然進步了。

不過，我的囝囝是一個很"茲油"的人，遇上性急的我，有時真的會擦出火花的！


以上只是我個人的經驗以及膚淺的意見，不知其他家長有何高見？

tkkmama

MKma :

agree~~仲有既係要俾適當既自由度佢,幫佢建立自信心,又要唔俾佢自把自為.....真係高難度動作呀

Sindy

所以要見招拆招架　

MKma

tkkmama,

係呀！而家做人媽咪真辛苦！

但我有些朋友的囝囡在升中一之後真的"變臉"，不用一年已由小天使變身小魔怪，兩母子/女日日吵個不停，變成仇人似的！有些則放學後玩失蹤，回到家中則玩自閉，不是上網便是雲遊四海，媽咪則不是暴跳如雷便是以淚洗面。

不過，以我觀察所得，上述的極端例子的媽咪，都是一些事事都管制得很嚴或很嘮叨的媽咪，所以我都常常提醒自己不能用高壓手段，要做到和囝囡有商有量，以免令囝囡產生反感！

QueerBird

1) 反叛---意味著小朋友進入大朋友階段，唔想你事事過問，不如俾d自由佢，由佢撞下細板，撞大板不宜！
2) 中小升英中，成績當然會下降，因為香港教育制度畸形，父母崇英棄中所致！
3) 正確，中一已經來一個double，中二再加西史，中三仲慘，試問做跟得夫人---可以維持幾耐？
唉...教亦難，放亦難！

BillyM

tracyleung 寫道:
小兒今年升中一, 請問有甚麼要準備, 包括心理問題. 聽說 : -
1. 很多小朋友會變得很反叛.
2. 以往成績好, 又會下降.
3. 突然多了很多科目, 是否很難再幫他跟功課,

其實, 是否應該放手, 讓他自行安排呢?  又是否早了一點? 有沒有中學生之媽咪,  可以 share your feeling.   謝謝!

1. 大部份都會反叛，只是程度不同，沒有甚麼解決方法，只可以make sure子女不變壞，不荒廢學業。等到F3、4，生性的自然會讀書，不生性的也冇乜計。

2. 第一學期一定要幫，如果OK才可放手。我見過太太太多case係小學好成績，升到英中後冇皇管，唔交功課唔溫書，所有科都抄晒然後留班。家長仲要到派成積表家長日先知大鑊，但仔仔女女已經唔聽自己支笛，講親野都係駁咀鬧交收場。

3. 教育改革進行中，初中很多學校已經減左好多課，得返中英數加IS和IH（綜合人文科），所以其實都唔係差好遠。當然，如果間中學重有齊Geog, EPA, 中西史，重要係中小升英中，好容易出事。跟功課係小學先會架喇，你想跟，小朋友都唔會俾，你亦冇辦法跟，因為唔興寫家課。

最緊要係維持溝通，點都會有時頂心頂肺喇，忍下啦。

Sindy

MKma 寫道:
，所以我都常常提醒自己不能用高壓手段，要做到和囝囡有商有量，以免令囝囡產生反感！

要雙管齊下先得,佢地無問題時就唔好嘮叨

Zen

無家課冊，咁ｄ大頭蝦小朋友咪分分鐘無做功課？家長有乜方法可跟查到呢？

may_chan_

我囡囡今年讀中一,考多7日試,呢個學年就差唔多完結了,總結呢一年,我個女同小六時既分別係:
1.小六時束起馬尾,好清爽,中一要電離子直髮,前額被留海遮晒,樣衰衰咁,又成日掛住扮靚,總之~唉~
2.小學時每日由我接送,準時3:30就走,而家日日留校打波,冇六點都唔返屋企。
3.以前功課日日清,而家唔到最後一刻都唔做,有時唔記得做就返學校抄,佢話同學間互相幫忙喎。
4.以前晚晚幫佢溫習功課,而家d書鎖在學校locker。
5.以前全級名次一定在五名之內,而家唔好提啦。
我都好明白13歲既女孩係應該開始注重自己既儀容,所以我都由得佢。至於每日打波,我都想佢多些活動,有一個開心既學校生活丫ma。至於抄功課呢樣,好彩佢撞過一次板,佢話以後都唔會抄人,亦唔再借比人抄。而成績既退步,我都可以容忍,又係果句,比佢撞下板囉,原來真係有用架,佢眼見自己既成績如此,仲唔急起直追?佢睇左鋼之錬金術師後,仲同我講話明白咩叫做等值交換添(要得到什麼,就必須要失去什麼),佢話中二開始一三五就做三三零部隊,二四先打波,希望佢真係做得到啦
初中學生既家長,你地都講下d子女由小學到中學階段既轉變啦

bobo_lam

may_chan_

睇完你

WYmom

After seeing may_chan's comments, just wonder if this is related to the culture of the secondary school.  Teens are very very much affected by their peers.  Will purely girls or boys schools be better for teens?    

Really need to learn along with the kids as they are growing up.  Not an easy job.

MommyYip

This is really a meaningful subject for moms with secondary school children.

I don't think uni-sex schools would solve the problems.

My daughter just went through her junior secondary school years and she is now studying overseas for her form-4.  When she was in form-1 or form-2, we did fight a lot.  Sometimes, she told me that rebellion is necessary and inevitable for every teen.  My experience was: good communication is important.  As a mother, we must create opportunity for her to share her ideas and her experience, free of any criticisms from an adult's point of view.

hi123

好有同感。升上F.1後真的理不到他，我和兒子日日鬧交，見他的成績滑下，心裏已開始放棄了。他對我說:「我又不夠人家聰明，係咁家啦！」激死我啦！他日日回家就上網和打機，如果禁止他，他就回自己房睡覺和玩自閉。

學校說什麼自由學習，假的。當派成績表時，亞sir問我為甚麼他會考得咁差，好似家長無幫他。現在他F.2了，我希望他留級，使亞仔醒吓啦。

Sindy

[quote]
hi123 寫道:
好有同感。升上F.1後真的理不到他，我和兒子日日鬧交，見他的成績滑下，心裏已開始放棄了。他對我說:「我又不夠人家聰明，係咁家啦！」激死我啦！他日日回家就上網和打機，如果禁止他，他就回自己房睡覺和玩自閉。

學校說什麼自由學習，假的。當派成績表時，亞sir問我為甚麼他會考得咁差，好似家長無幫他。現在他F.2了，我希望他留級，使亞仔醒

maywei

真係獲益良多.     

BillyM

Zen 寫道:
無家課冊，咁ｄ大頭蝦小朋友咪分分鐘無做功課？家長有乜方法可跟查到呢？

冇乜計，反而唔好事事執得太緊，欠一兩樣功課，中學生其實好平常，為了這些「小事」嗌交便冇謂。反而要執得緊的是仔仔女女的價值觀，你冇可能24小時在他身邊，他會有自己的圈子，選擇自己的朋友，他選擇甚麼朋友便是靠這些日積月累的價值。平時要多溝通，把這些價值觀「軟銷」給他。不要對立，你可能會因為子女的反叛而憤怒，但真的要理性一點，子女日後變好變壞全睇這幾年，你不在其背後支持引導，將來想回頭也難。

Zen

BillyM，

明白，希望我可以做得到．

是否中學生放學後多會留校玩？咁遲才返家，那夠時間做功課及溫習呢？

DoReMi媽媽

小朋友到咗中學, 做家長o既真係唔可以太執着, 有時見到佢o既態度係幾勞氣, 但下下同佢嘈就只會破壞咗大家o既感情, 損失咗溝通o既機會, 自己都曾經年輕過, 反叛過, 當時受唔受父母嗰一套, 大家都心裏有數. 反而同佢多啲溝通, 唔好下下否定佢o既觀點(你搞到佢好冇癮, 下次咪唔同你講囉), 咁樣仲可以對佢了解多啲.

bobo_lam

我都好想忍耐，但好多時都忍唔住鬧左，我都發覺呢一年同個女