懷疑囝囝有自閉傾向，應該點做？

rainy123

感覺好迷惘，唔知點入手，擔心自己做得唔夠。

囝囝2歲10個月，K1, 暫時只講到單字，有一兩句英文句子識講。
已在協康，循道衛理，政府做語言評估，慢了同齡小朋友一年，已在協康做言語治癒，乖左，坐得定左，單字多左，因為半年前單字都未講到。但未排到期見醫生。
他情緒起伏好大，好易開心，又好易發脾氣，讀完playgroup, 控制情緒有少少改善，至少不會打同學。但有時唔肯著衫，冬天唔肯穿長袖厚褸，會發好大脾氣，好似咩都唔迫得，唔鍾意件校服就唔著，到學校門口先肯著。見到些門未關就衝過去關，有時好堅持。
每天坐地鐵返學，升降機滿了，他會發脾氣，過馬路，學校係馬路另一邊，紅燈過不到又喊。
他有嚴重偏食，只飲水，食白飯，米線，公仔面，蛋糕，粟米，包。生果唔食，果汁唔飲，糖唔食，好多野都唔食。
問他野，指住問what is this, 他會答，問爸爸媽媽係邊？他會指。Byebye, see you就大聲，爸爸媽媽放工會衝出來叫爸爸媽媽。但yes or no question, 叫咩名，選擇性的都唔肯答，好多都只是跟講。無言語交流，會行來引你玩，會四圍引小朋友大人玩，陌生人都會引人玩，唔怕羞，但唔會開口出聲，只是扮可愛望住人笑或者講hello. 唔會開聲叫你幫他，milk同cake就會講，想oil massage 會講, 但都是單字，其它咩都自己做，做不到就拉住大人的手去拎，好鍾意尋求刺激，飛他越高就越開心，對音樂好敏感，一有歌就跳舞，好鍾意唱歌，最清楚係唱歌。

是不是應該先做自閉症評估？
見到好似話有得驗血，係驗些咩？
咩係感統測試？
乙醯肉䶨是甚麼？
有沒有一些playgroup是對懷疑自閉學童作出訓練？

謝謝大家，thank you

KCHK

樓主， 你的小朋友有固執行為有感統問題也有言語delay 就似乎有自閉譜系的特徵了,盡快做評估吧！

rainy123

KCHK 發表於 16-10-11 10:29
樓主， 你的小朋友有固執行為有感統問題也有言語delay 就似乎有自閉譜系的特徵了,盡快做評估吧！
...

想問甚麼地方做評估比較好？大約幾錢？

KCHK

其實你本身有在協康上治療, 有無同導師講小朋友的情況?

rainy123

KCHK 發表於 16-10-11 12:32
其實你本身有在協康上治療, 有無同導師講小朋友的情況?

今日打了電話去問，都是要再由頭排過。

kakama1808

樓主，你問有冇playgroup是對懷疑自閉學童作出訓練，其實你想搵d咩playgroup? 係咪想訓練番全人發展o既6大範疇(大肌肉、小肌肉、語言、社交、自理、認知)?

peonybibi

有無排開cac評估？如無，快啲去私家評，約六至八千，做訓練同治療前，要清楚小朋友係咩問題先，2.10，做評估唔算早，已經準確了

rainy123

peonybibi 發表於 16-10-11 16:57
有無排開cac評估？如無，快啲去私家評，約六至八千，做訓練同治療前，要清楚小朋友係咩問題先，2.10，做評 ...

咩係cac評估？政府有等緊見醫生，政府有見言語治療師做評估，但未排到見醫生。學校的到校服務說一定要見完醫生出報告先安排到。

rainy123

kakama1808 發表於 16-10-11 14:40
樓主，你問有冇playgroup是對懷疑自閉學童作出訓練，其實你想搵d咩playgroup? 係咪想訓練番全人發展o既6大 ...

因為他返下午班，一班28人，老師話俾唔到太多時間小朋友。所以我想在上午找一些小班的小組給他，希望對他學習有幫助，一星期兩三天。

peonybibi

原帖由 rainy123 於 16-10-11 發表
咩係cac評估？政府有等緊見醫生，政府有見言語治療師做評估，但未排到見醫生。學校的到校服務說一定要見完 ...

cac評估即係見醫生評估，要排九至十二個月，如果就快排到可以等政府，如果耐就唔好等，去私家評

rainy123

peonybibi 發表於 16-10-11 18:52
cac評估即係見醫生評估，要排九至十二個月，如果就快排到可以等政府，如果耐就唔好等，去私家評



  ...

政府話估計多一兩月，但他們都不敢肯定。
其實點先可以令小朋友有對答呢？

我唔知做咩先可以幫到他，好擔心。

KCHK

如果小朋友真係自閉譜系就要首先要令小朋友你係愛佢同了解佢, 然後先開始同佢打開對話。不過你首先要知道小朋友有咩問題先， 然後再治療， 如果小朋友做不到你的要求你也要明白， 一步一步來，唔好比壓力小朋友

rainy123

KCHK 發表於 16-10-11 22:31
如果小朋友真係自閉譜系就要首先要令小朋友你係愛佢同了解佢, 然後先開始同佢打開對話。不過你首先要知道小 ...

明白，謝謝你

peonybibi

見你比較急比較亂，但係真係無得急，搞清楚小朋友咩問題係最基本一步。如政府等多一兩個月評估，可以等埋政府做。呢段時間上住私家言語或者個別訓練/幼兒導師，自己學下技巧點教講嘢。多帶小朋友去公園，同其他朋友仔玩。私家密集可以排住先，其實言語遲緩一年，就算唔咪asd,密集都有用。不過睇你想評完至上定係上住先。訓練係比較正路嘅，至於你話魚油啊驗血啊，呢啲就見人見智，一時間消化唔到咁多嘢，安排好訓練再唸其他

peonybibi

原帖由 rainy123 於 16-10-11 發表
政府話估計多一兩月，但他們都不敢肯定。
其實點先可以令小朋友有對答呢？

暫只有單字，對答仲有很長的路，中間要有兩組字，三組字，答自己個名，幾歲，咩嘢，邊度呢啲，有排搞。

Sask999

睇你講小朋友的情況都幾大可能係，在未做評估前多些同佢去公園玩，對佢都有幫助。

cloverz

回覆 rainy123 的帖子

就咁睇小朋友比較prefer英文? 咁情況其實掌握單一語言先好D.
除非父母本身母語係唔同就冇法子. 言語治癒師有比意見嗎?

rainy123

cloverz 發表於 16-10-12 18:32
回覆 rainy123 的帖子

就咁睇小朋友比較prefer英文? 咁情況其實掌握單一語言先好D.

我同老公屋企是用中文，但工人姐姐用英文，大仔也經常講英文的，上playgroup, 看電視都全是英文。

本身想他讀國際學校，因將來方便升學，而家要再考慮，看下邊類型學校會適合。

rainy123

Sask999 發表於 16-10-12 17:05
睇你講小朋友的情況都幾大可能係，在未做評估前多些同佢去公園玩，對佢都有幫助。
...

我自己都覺得似，所以就想搜集多些資料，有定心理準備。

Activehealth

rainy123 發表於 16-10-12 20:32
我自己都覺得似，所以就想搜集多些資料，有定心理準備。

Autism Partnership

http://autismpartnership.com.hk/en/service/treatment-for-individuals/

16-10-12 21:24 上傳

下載附件 (238.21 KB)