有冇時間溫書

happybabyabc

上左小一, 多左功課. 根本冇時間溫書. 大家可以分享下溫書時間嗎?

Yanamami

今年已升中，从來只係考試前两星期先开始温書｡

babywoman

回覆 Yanamami 的帖子

me too .
小四生, 一直考試前兩三個星期先溫.

jantan28

我都想知咁兩三星期前温是用週末時間？因平日已要做功課及温默書...

妹妹頭

回覆 happybabyabc 的帖子

小五生, 從來都係測考前2週至會溫書

little_yolky

jantan28 發表於 16-10-6 16:14
我都想知咁兩三星期前温是用週末時間？因平日已要做功課及温默書...

大女小一時會响學校做功課, 無功課堂就小息做功課, 所以返屋企係有時間溫書的。當時係預告幾時要默書, 見佢自己日日溫D咁, 測考都係提早預告佢, 貼晒响日曆, 佢會自己少少咁溫。佢weekend好忙, 無時間溫書的。

至於阿妹, 唉！係要捉住佢, 一有時間就少少咁溫。預告已經無任何作用。總之, 阿妹就weekend都要擠時間出嚟溫書。平時無乜時間溫, 只可溫默書。

harryaunt

小四仔，開始叫佢要每日温習當日教過嘅內容，話比佢知平時温好書，考試時期少温書，早早上床，精神充足去考試。開學一個月，當然做唔到日日温，希望逼佢温下，慢慢會變成習慣啦

Felix223

happybabyabc 發表於 16-10-6 14:18
上左小一, 多左功課. 根本冇時間溫書. 大家可以分享下溫書時間嗎?

雖然我自己小孩只是K2，預計到將來小一後，應該會應付功課或測驗等等，而家佢除了放學自己做好d所謂功課，每晚我返家後都同佢溫一陣，日日同佢講只要每日花10多分鐘或半小時溫書，到第日要考試測驗就好輕鬆！一定要從小灌輸呢d訊息比佢！又咁講因為我個仔比較好動貪玩，冇可能到考試前逼佢突然花好多時間坐喺度溫書。所以用呢個方法去訓練佢。

siden

Yanamami 發表於 16-10-6 14:26
今年已升中，从來只係考試前两星期先开始温書｡

請教：温得切嗎？淨係大量中文詞語、常識詞語，英文granmar等，臨考試兩星期前先溫記得切嗎？考試前仲要應付恆常學校功課！如何做到呢？

Yanamami

siden 發表於 16-10-6 20:39
請教：温得切嗎？淨係大量中文詞語、常識詞語，英文granmar等，臨考試兩星期前先溫記得切嗎？考試前仲要應 ...

英文grammar要温？識左就識左~平日做功課，錯乜咪解乜，明左就識咯，考前做下練习就得~
中文我地只温工作紙，最多60个詞語(我自己作句俾不供字填充佢做……四字詞一样)，唔洗温課本｡常識(英文)……好easy喎，通常考3課之嘛，最易攞高分係呢科添~通常考前两日温就可以了｡做下中文同数学補充就當温左(呢两科花時间多d)~

我地考前果礼拜已無乜功課~简直係溫書周，上堂老師仲幫佢地温埋默埋書添……

gracelam

原帖由 happybabyabc 於 16-10-06 發表
上左小一, 多左功課. 根本冇時間溫書. 大家可以分享下溫書時間嗎?

温書定義是否温默書???如温默書，我地星期六或日温定。 到要默之前一晚，大約再温15-30分(視乎高小定初小)就ok.

測考就早兩星期前温書咁囉。

MrBeast

weekends n 長假

siden

Yanamami 發表於 16-10-6 20:57
英文grammar要温？識左就識左~平日做功課，錯乜咪解乜，明左就識咯，考前做下練习就得~
中文我地只温工作 ...

咁唔怪之得。

淨講中文詞語，P2都已經唔止考60個，咁可以想像P3 或以後一定考多你好多。常識3課？呢度係你嘅三倍，仲要冇溫習週。你溫2星期，但我咁嘅份量，冇可能兩星期搞掂啦。至於英文grammar, 你都識講臨考俾啲練習做吓，都要預些時間。

我隻仲要記性差

Yanamami

siden 發表於 16-10-6 21:34
咁唔怪之得。

淨講中文詞語，P2都已經唔止考60個，咁可以想像P3 或以後一定考多你好多。常識3課？呢度係 ...

我地中英文各考5課，从不用温課本，所以中文只要温好詞語同四字詞，其他应用野做下練习即可｡英文更加無野温~我地考星期四五一二，先考中文同数，变相个weekend可以用黎温英同GS. 幾爽下~考完中文同数都幾乎當自己考完~坊间成日話我地学校谷，我真係唔明边度谷｡

gracelam

原帖由 Yanamami 於 16-10-06 發表
本帖最後由 Yanamami 於 16-10-6 21:03 編輯

考咁少，係咪多測考，考得密

我地一年兩測兩考，常識每次起碼考6-8課。 中文/英文都好多。 好在我仔女記性都幾好，平時默書D生字已經默過，温幾温就得。 係温常識花D時間。

babywoman

回覆 Yanamami 的帖子

嘩,同我地校差不多, 派咗考試範圍 開始 ,老師多數上堂溫習 ,如試默 , 做工作紙.

babywoman

回覆 jantan28 的帖子

我 地派咗考試範圍(一般三至四星期前派) 就好少再教新書, 冇乜功課. 所以 ,這三四個星期裏的平日都會抽少少時間來溫書.週末更不用說了.

siden

Yanamami 發表於 16-10-6 22:05
我地中英文各考5課，从不用温課本，所以中文只要温好詞語同四字詞，其他应用野做下練习即可｡英文更加無野 ...

羨慕

conniecheung

有溫習時間，其實唔使多，每晚30分鐘就夠（普通溫習）。

小曳人

小一生，每個星期日上午約兩小時，已包括默書

小四生，考試前兩星期訂立時間表，自行溫習
(平時默書小一下學期已經唔駛理)