協恩面試備紙巾 應付家長落淚

elbar

■協恩中學校長李鎮洪（右）指家長縱容女兒變小公主，會在面試失分。

土瓜灣直資英中女校協恩中學正接受報讀下學年中一，校長李鎮洪總結4年來的面試經驗，兩類家長最易令女兒失分，一是搶答原本應由女兒回答問題，二是縱容女兒變小公主，他及副校一見到會暗中打交叉，該女童多數校門止步。協恩面試時枱面不可或缺，竟是一盒紙巾，因常有家長被女兒一句說話感動落淚。

協恩中一有180個學額，其中96個公開招生，餘下留給直屬協恩小學學生。李鎮洪近年到不同小學介紹學校，昨午到調景嶺港澳信義會明道小學講解，有30多名學生及家長出席。

鋼琴不計音樂技能

該校下月21日中午12時截止報名，下月1日及7日合共舉辦3場入學講座。去年有約1,500名學生報名，李指每名學生可提交最多8頁自我介紹檔案，但由於鋼琴太普及，故不計作音樂技能。

李表示，所有學生將獲安排參與首輪面試，接受教師考核，300名面試及成績優異學生可進入第2輪面試，與家長一同面見校長及副校長。李拒透露試題，「好多時係問學生經歷」。他指遇到學生不曉作答，會盡量引導她或轉話題，父母開口是大忌。間中會遇到「小公主」來面試，「可以睇到佢哋乜都唔使做、乜都唔使揹！我哋唔想呢類學生，面試時會記低」。

面試也有動容時刻，「（家長）兩個一齊喊起上嚟」。他指「喊位」往往是問及女童如何幫忙照顧屋企，或學校活動的體會。遇到這情況，李校長一面稱讚考生，一面遞上紙巾，故面試時總會放一盒紙巾在枱上。

本學年中一學費全年3.2萬元，較上學年增6.7%。校方撥出最多三成學費作獎助學金，本學年中一有44名學生獲得減免，約佔全級24%。

elbar

面試靠背誦　升中生唔識答問題


協恩中學昨到小學介紹新學年收生要求，下學年有96個學位供校外生競爭。

踏入11月，直資中學陸續招生。傳統女校協恩中學每年吸引約1,500名校外生競爭近百學位，要突圍而出，校長李鎮洪強調，面試宜表現自如，忌背誦答案；他曾見學生流暢地自我介紹，但對答卻不濟；另有學生答題時竟望向家長求救。

協恩中學四年前轉為直資學校，李鎮洪近年到不同小學舉行收生簡介會，打破直資學校不收基層學生的觀念。他昨到港澳信義會明道小學介紹新學年收生要求。李指，校方不會干預學生過往參與的興趣班，反而鼓勵他們嘗試新活動；校方亦會安排新生參與入學前的銜接班，加快熟悉新環境。

協恩校長：表現自如可突圍

他指下學年學額維持180個，其中96個供校外生競逐；往年約1,500名校外生競爭96個學額；他提醒，面試在乎對答表現真誠及自如，會分兩輪進行，校方在千人中篩選300人進入次輪面試。

面試除看重兩文三語能力，亦要求他們講出過去參與活動的經驗及反思。李指，過去有學生被問到活動經歷，立刻望向家長要求代答；又有學生自我介紹時流暢，但其後對答反差甚大，提醒勿背答案。另學校規定個人履歷只限八頁紙，家長及學生親自製作可顯誠意。

like_travel

johnnywalker 發表於 15-10-28 14:20
「喊位」往往是問及女童如何幫忙照顧屋企，或學校活動的體會

咁都喊? ...

有點莫明奇妙!  

like_travel

goodmama2003 發表於 15-10-28 15:35
原來又一年過去了！這是喊點。

Excellent marketing skill

TEMPO123

like_travel 發表於 15-10-28 18:08
Excellent marketing skill

有點,這學校很高調，不喜歡。

like_travel

回覆 TEMPO123 的帖子

如果咁都要喊! 仲有大把時日要喊! 6年中學咁多event要喊! 大學四年學士要喊! 日日幫手做家務咪日日都要喊?

gorgeous_1988

其實幾難喊出黎，學校活動體驗係過程，小學生未必有太大感受，如何在李校長讚美之後喊出來? 校長又能否個個面試生都讚? 好像有點誇張。如果是習總/奧巴馬讚我的孩子，咁我就喊到(啡啡声)
幫手照顧屋企，個個都有個殘障家長/單親 背境咩？平常分擔家務，天經地義呀！

www

johnnywalker 發表於 15-10-28 14:20
「喊位」往往是問及女童如何幫忙照顧屋企，或學校活動的體會
咁都喊? ...

為乜喊？

Unclejt

個衰女，成日都唔幫手，越講越激心。

小木偶媽咪

喊位就冇，反而笑死。
記得上年面試，當時副校長用英文問囡囡：平時邊個同你溫習，囡囡話佢自己溫，冇其他人幫忙。
跟住副校長話以為媽咪幫佢，然後囡囡話我英文唔好，唔會幫佢溫。副校長重複一次：你話媽咪英文唔好？囡囡十分堅定答佢：係！
搞到我同老公都都爆笑，實在太直接了。

brother4

咁收咗?

brother4

原意是好，但學生多放學上補習社，家中maid，個個都健康，真難答，還要家長配合喊位學生吾喊，家長要喊吓 ，很懐念未轉時免費，現交學費，自已接受不到

hkpapa852

上年要求鬥心, 莫非今年要求"感動"?

仔仔錫錫你

從不幫手做家務，激心到喊!
比左幾十萬買琴學琴到最後唔計音樂技能 dup心到喊!

evon688

1500人爭96位咪好渺茫 ? 我想問下呢間學校係咪好好架?
朋友建議我試下申請, 頭先上網唸住報簡介會, 但已經 full 晒 !

www

brother4 發表於 15-10-28 22:52
原意是好，但學生多放學上補習社，家中maid，個個都健康，真難答，還要家長配合喊位學生吾喊，家長要喊吓，很懐念未轉時免費，現交學費，自已接受不到  ...

家長喊，可能因為想起以前係免學費，宜家要交學費。。。

Lucifer3960

回覆 elbar 的帖子

" 家長開口是大忌 " ?? 為何要家長去SECOND IN??? 想睇人喊?? 公開比人知又是為什麼? 想叫D 媽咪用定防水的化妝品? 或者唔好劃眼線??   鋼琴叻好普通, 唔計? 又想迫D 人學D 地鐵唔搭得的樂器??  過2年又說英文好好普通, 用法文, 德文......盒紙比D 吹水唔抹咀的人用....叫佢留返比自己用

www

校長：你有乜音樂技能呢？

學生：我由細到大好辛苦咁日日練鋼琴，好開心終於考到鋼琴八級。

校長：對唔住，由於鋼琴太普及，所以鋼琴唔算，音樂技能當零分！

（家長心諗：吓！用咗咁多錢同時間，結果音樂技能只得到零分，真係晴天霹靂！）（家長兩個一齊喊起上嚟。）

校長：唔緊要，我地預備左放一大盒紙巾。（校長遞上紙巾給家長）