做大仔定細仔，repeat K1值得嘛

jessiechung

我小朋友2010nov 細仔.上年報了十多間，考了9間得3間收。其中2間村校。我就讀号一個間。今年再報了5間，其中KV和培正今年先比交表。TT有幸收了主流下午。一心想有學校收就Repeat(我亦有多個細B)，㸃知最近老師打比我話最近小兒進步很多很好。我知他很愛學校。但我也想為他打好基礎，和小中學舖路。不知點好，有同樣經歷的人分享下嘛？我亦不想hold住位阻住人。上年不停收reject and waiting,我明白感受。Thanks for share ！

siufung

原帖由 jessiechung 於 13-12-23 發表
我小朋友2010nov 細仔.上年報了十多間，考了9間得3間收。其中2間村校。我就讀号一個間。今年再報了5間，其 ...

如果小朋友很愛學校，又跟得上，原校亦不妨！

macy456

我自己都有個nov細仔, 我都好矛盾應該唔應該俾佢repeat, 後來打算有龍校就俾佢repeat, 如果都係一些出名但沒有升小關係的學校也不考慮...因為我有很多朋友, 小朋友讀的幼稚園都係出名的, 可惜同升小都沒有大幫助, 都係等大抽獎. 所以如果不是超好的學校, 我不想小朋友浪費多一年時間.

Potato001

之前看過一些細b和大b的報導，話大細b分別在小學已經差不多消失。如果小朋友在學術/認知，語言，手眼協調，體能，人際關係等各方面都跟得上，繼續做細b是沒有問題的。很多時家長只集中注意學術和語言，覺得小朋友能跟上進度便可，而忽略了其他方面幾方面。如果小朋友跟到課程（遲啲要寫字，小肌和手眼協調要好），和同學相處融洽（人際關係冇問題），又喜歡現時的幼稚園和老師，轉校repeat 小朋友可能會唔開心，因為又要適應新環境，繼續讀會更開心。

MrBeast

回覆 jessiechung 的帖子

剛剛張我的經歷放到日誌上，可看看：
http://www.edu-kingdom.com/home.php?mod=space&uid=1048754&do=blog&id=22743

gulolo

我細仔係DEC B...今年我一心俾佢repeat...所以我只考收左一定會repeat的學校+2間係俾佢warm up interview...其實我仔係怕醜仔...就算依家跟得上返學都好開心...但相信佢下年做大仔信心一定更加強...同埋佢好想同哥哥一齊返學 ^^

iamiris

跟得上又何必repeat,我姪仔，及幾个朋友的仔也是11月细ｂ，佢地都讀得好，跟得上，因為返学開心～其中一个考小学，考8間，已有４offers~當中包括高主教及一Ｄ名小～所以唔洗太擔心。

happyapple

我囝囝跟你小孩一樣nov 2010, 我選擇做大囝，repeat k1 ，雖然大囝細囝上到高小學習能力分別不大，但在幼稚園階段是有明顯分別，如大小肌肉發展，我寧願他較輕鬆面對，好過要加強訓練去追。現在課程亦比以前深一兩年，做大囝剛好。另以前我地讀書年代，入k1是要足3歲，現在用了年尾做cut off. 當然個別家長覺得會浪費一年，但人生學習並不是這樣計算。我同一些老師朋友聊天，她們都建議做大囝，由其是男囝。

阿早!

happyapple 發表於 13-12-23 10:34
我囝囝跟你小孩一樣nov 2010, 我選擇做大囝，repeat k1 ，雖然大囝細囝上到高小學習能力分別不大，但在幼稚 ...

認同. 我兒Dec 2010, 之前做細B讀插班N, 而家大B重讀N, 完全兩回事.

echaichai

我個仔現在都是細B,現在返緊K1,好明顯比其他小朋友慢一些,老師都好有心,但凡有甚麼workshops都推薦或留位我參加,但自己就是覺得不好受,所以決定出年做大B

Aprilbaby

細仔repeat 好合理，否則到爭小一時，你就騎虎難下，因為K3 repeat, 細路好hurt, 但無好校收，間間reject, 媽媽都好hurt

jessiechung

多謝大家意見。TT 吸引我係有學卷，地方大，有價錢相意的課外活動。所以有些難選擇。

tantanmama

你以小孩子個人黎睇, 在幼稚園階段一定是進步神速的, 每隔幾個月就會覺得孩子好像突然成長了很多. 我當初也因這現象猶豫值唔值得做超大B. 樓主, 你可有想過老師說BB進步很多很好, 班上其他小朋友進步同樣很多很好? 細B同大B比, 細B唔一定表現差, 問題係小朋友天資如何? 家長背後如何發功? 輕鬆上學還是活在追趕中?

jessiechung

我亦有想這個問題。老師同我進步了。我有想以他本來之前表現去相比。老師當初亦承認他比較BB.他賴便便，不敢講野。所以我亦想要不要幫他打好基礎。

chahcoi

我囝囝都係10年11月B，舊年考六間得一間屋企附近的happy school 收讀K1，佢讀得好開心和學到好多嘢，但見佢和其他同學比真係差D。今年只和他報三間龍校，希望三年后可免卻爭小一之苦，心諗如果全軍覆沒就繼續原校happy。感恩當中有間收左，明年會幫佢轉校repeat.
其實做決定前最緊要知道自已想要咩，做左決定就唔好後悔，開開心心和家人一起經歴。
另外有人同我講過，未夠三歲返學係你早左俾孩子讀書，所以讀多年K1只係享受多一年幼稚園生活，對孩子來講未嘗不是好事

fabsum

macy456 發表於 13-12-23 05:05
我自己都有個nov細仔, 我都好矛盾應該唔應該俾佢repeat, 後來打算有龍校就俾佢repeat, 如果都係一些出名但 ...

我就prefer 只會為了龍校做大b

但話說回來, 其實好多學校現在仍然是將11月12月b 撥入下一年 ,

以前我讀書那年代都係夾了2年出生的學生 , 其實這情況一直存在 , 普通過普通 , 有時不要硬將10年和11年, 用年份困住自己 , 想想你和11年1月b 只差1至2個月而已 , 一係最細一係最大... 都要選擇ga la ..
選擇一個最適合有利小朋友的學校就是

oinkoinktang

其實同樓主情況一模一樣,10年NOV細B,同樣有TT主流下午OFFER,而家等PC同GH RESULT

我最擔心是REPEAT一年後,即同11年的小朋友爭學位,因11年出生人口比10年出生的人多,擔心爭小學/中學/大學, 因TT, GH也不是100%直升...,REPEAT K1讀完唔收小一就弊,而家讀緊的K1很好,學術,品德,老師都十分滿意

如果KV不是龍校,我建議不考慮OFFER

jessiechung

我都好agree 你說法，thanks

jessiechung

TT你會讀嘛？