名校幼稚園

deechai

真心想請教, 傳統名校幼稚園的優勢.
以今日的小學制度, 想來想去都看不到名牌幼稚園對上小學的優勢.
自行派位=> 舊生, 宗教的優勢更明顯.  
大抽獎 => 機會個個均等.  不論來自那間, 都一樣.  校網取決一切

那為何仍要集中名校幼稚園?  大家都是出名小學的畢業生?  

maggie_devilkin

傳統名校幼稚園，其小學如是直資，基本上有權只收自己幼稚園學生（如聖保祿，聖嘉勒），如小學是津校，則叩門位大都留給自己幼稚園學生（如聖心下午校）。

deechai

maggie_devilkin 發表於 13-10-15 12:12
傳統名校幼稚園，其小學如是直資，基本上有權只收自己幼稚園學生（如聖保祿，聖嘉勒），如小學是津校，則叩 ...

但如KV (很多人都想入), 但沒有直入小學. 聖心- 如果去到叩門, 基本上所剩冇幾學位.

那入讀那些沒有銜接的小學的幼稚園, 跟普通學校分別在那裡?

如期比2, 3千學費, 結果跟幾百的一樣要大抽獎.  

當然, 如果考直資的小學, 這些傳統名校可能就有優勢, 但如果唔係, 到底優勢在那裡?

我自己都有些模糊....

karen55407

考直資、私校同叩門官津校便會見其分別

sandrah

karen55407 發表於 13-10-15 12:23
考直資、私校同叩門官津校便會見其分別

any difference, may you share? Thanks

taktakchichi

sandrah 發表於 13-10-15 12:29
any difference, may you share? Thanks

我諗除咗面試, 考試上的幫助, 我好欣賞個仔個間名幼對小朋友係學習態度上o既訓練, 尤其英語.

我一家係屋企主要用廣東話通, 又無懂英語的傭人, 但學校可以令我個仔由係K1初期抗拒外語, 到K2時變成去去圖書館會首選一些英文故事書, 仲要叫我地每晚Bed time story係屋企坐低聽佢講英文故仔 (其實係讀簡單的英文故事). 看外語片也會選英語版本而不選中文版本.

呢樣野我諗唔係普通幼稚園可以做到

deechai

taktakchichi 發表於 13-10-15 13:06
我諗除咗面試, 考試上的幫助, 我好欣賞個仔個間名幼對小朋友係學習態度上o既訓練, 尤其英語.

我一家係屋企 ...

多謝你的分享.
這點我認為名幼跟普通幼稚園係有分別.

但對上小學來說, 呢點只可以用來接連小學課程上有優勢, 對升上沒有幫助.

我最近亦都在想, 到底名幼對升小學的幫助, 優勢在那?  (即不是直資, 但在網內名校)

如沒有, 為何仍要去投考6000, 8000人幼稚園?  在家近不是更好嗎?

大家作為家長, 在不考慮直資的情況下, 原因是什麼?

kongman

taktakchichi 發表於 13-10-15 13:06
我諗除咗面試, 考試上的幫助, 我好欣賞個仔個間名幼對小朋友係學習態度上o既訓練, 尤其英語.

我一家係屋企 ...

會否因此而使小朋友重英輕中，中文方面的訓練和底子較弱，甚至對中文沒有興趣？要知道除非小學讀國際學校，否則中英文的訓練同樣重要，這樣才能應付小學的課程。

不知道名幼是否也著重小朋友在德育、紀律、自理能力方面的訓練？

taktakchichi

回復 deechai 的帖子

如果以你諗法, 咁是否子女入讀對任何小學都無所謂? 如果唔係, 咁點解? 呢個其實就係答案

講真, 依家多數家長都係想D仔女去考下直資同私小, 話完全唔會去考, 我諗比例好小.

另外, 好多人唔係唔想係屋企附近個間讀, 但當佢地見到間學校有好多D"水平較低o既外國人", 就可能會即刻唔想讀

名幼其中一個好處係收得番嚟D學生(同家長), 心態通常都係差唔多, 就算有外國人, 都會係屬於水平較高個D

wkiwong

回復 deechai 的帖子

I want to know also...

rosebb

其實我想分別是師資同課程，有部份名幼老師係經驗夠，所以無論邊一類小朋友，都一樣收得貼貼服服，另外，課程深淺，因為大家都擔心接唔到津校小學。

另外，好似SPK時常說很多入了DGS、SPCC，是SPK的德育教得好，面試時學生有禮同品德好，至少收左佢讀書唔叻都好，但至少唔會影響學校形象。

picture

一分錢一分貨

deechai

taktakchichi 發表於 13-10-15 13:25
回復 deechai 的帖子

如果以你諗法, 咁是否子女入讀對任何小學都無所謂? 如果唔係, 咁點解? 呢個其實就係 ...

我不是說入讀那所幼稚園都無所謂.  我大前題是不考直資同私小, 名幼跟普幼的分別在那裡.
如你所說, 就是為了鋪路(直或私).  那這點我比較認同.

家長質素又是另一回事, 但我重點是從名幼升小.  

假設我想問: 名幼有那些好處?  那家長質素或者是考慮因素.

多謝你的分享.

MASAYA

幾千買件Tee，幾萬買個袋，幾億買層樓，係咪真係質素好咁多倍？
幾千食餐飯未必比幾百食餐飯好味，不過通常面門都靚好多，
好多時d人有錢就唔會花時間發掘唔係佢地級數既野

taktakchichi

deechai 發表於 13-10-15 13:48
我不是說入讀那所幼稚園都無所謂.  我大前題是不考直資同私小, 名幼跟普幼的分別在那裡.
如你所說, 就是為 ...

係香港教育制度, 幼稚園唔係一定要讀, 所以如果只著眼依靠教育局升小派位制度, 其實可以完全唔俾小朋友讀幼稚園.

我覺得只要你放心將自己個小朋友交俾該校照顧, 又沒有特別考慮小朋友升學和基楚發展, 其實真的是任何學校也沒關係

w_y

picture 發表於 13-10-15 13:35
一分錢一分貨

睇下$$ 落左邊先講啦!
最怕係店東(係, 學店!!) 收得越多, 袋得越多咋!

我覺得樓主好清醒就真.

summato

樓主好清楚小學既玩法
自行派位=> 舊生, 宗教的優勢更明顯.  
大抽獎 => 機會個個均等.  不論來自那間, 都一樣.  校網取決一切

1>問題係我吾係舊生, 又吾想入佢個教, 即係得個15分
2> 大抽獎係講運氣
咁點解仲要讀"名幼"

個人意見...因為我想讀一線小學
1> 我吾係名小畢業, 又吾係有宗教, 所以官津小學, 自行15分根本吾洗諗. 應該咁講, 如果自行15分都入到既...一定吾係名校
2> 大抽獎...等運到
3> 既然我冇辦法透過以上兩條路入, 咁唯有靠自己
4> 去考小學(直/私) , 名幼教既學術的確比其他深, 你入到既機會大.
5> 官津"扣門" , 吾係個個都有得in的. 起碼你拎住名幼個名, 有得in既機會大. 同埋扣門時, 學校一定睇小朋友背景, 咩學校等...
6> 好多出名官津小學, 其實都係band1, 小朋友讀到一間好幼稚園, 訓練得好, 你上到小學會易應付d.

323

除左入咩小學, 仲要睇埋入到間學校坐唔坐得暖, 一般私校課程會進取D. 自己得閒教另計, 如果唔係, 上個中文班$10XX, phonics $1000都走唔甩, 好多人再上kumon, enopi, 又多幾百, 仲要時間來回...

積奇百事

樓主, 諗下點解要俾小朋友讀幼稚園先啦. 讀幼稚園同唔讀幼稚園都係按照小學收生程序去做(自行派位及大抽獎), 如果讀唔讀都無分別, 咁點解仲要小朋友讀幼稚園呢?

kyleebc

除了有Network外，名幼有歷史、有經驗、有畢業生的佳績，可算是"品質保證＂。我較著重學校培育孩子要有正確的價值觀、自信心 和積極學習態度，而去年在搜集資料方面，"名幼＂的教育理念、規模、設施、資源、老師資歷等的確很優勝，使人會好放心給子女就讀。