是資優? 專注力失調?

浩霆豬豬

其實你個仔嘅情況同我個仔好似，起初老師都懷疑佢係專注力不足同過度活躍症，你有無同老師傾過，老師睇學生會準確啲，我就因為我仔開始有情緒問題先同佢check㗎！

浩霆豬豬

原帖由 vienchan 於 13-10-04 發表
回復 浩霆豬豬 的帖子

未同班主任傾過呢方面，不過怕佢係老師心目中印象唔好

行為異常更加要同班主任傾啦！我仔上咗三年級後情緒問題嚴重咗，我出咗報告交俾學校，學校都好快做嘢，老師知我仔情形亦體諒多啲，包容多啲，做父母心態及管教上都要調整，我覺得做評估重點唔係要知佢係咪資優，而係資優會衍生出嘅情緒及行為學習上嘅問題，了解佢哋多啲，知道要點教導同培養佢哋！呢個先係最重要。我都努力中呀！

浩霆豬豬

原帖由 vienchan 於 13-10-04 發表
回復 浩霆豬豬 的帖子

我擔心阿仔個班主任太年輕，未必有太多呢方面經驗

我係資優教育學院做評估，佢淨係Check IQ，唔做其他，不過係test過程中，心理學家有留意我仔，話佢唔似ADHD，至於學校，真係要好睇你仔學校鍾唔鍾意呢啲學生，有啲一知你資優就叫你轉校

浩霆豬豬

原帖由 vienchan 於 13-10-04 發表
回復 浩霆豬豬 的帖子

其實就算冇評估，我地覺得佢叻仔，只係評估報告到底會有咩用處呢？

我無俾我仔知自己係資優，我check咗阿仔係，我就報堂上學點同佢相處，點輔助佢發揮自己長處，最重要係學處理佢情緒，老實講如果無做評估，我會以為佢曳，我情緒心態上會無咁包容，會成日鬧佢，，但而家我會體諒佢，嘗試了解佢心態，起碼唔會覺得佢好曳，我亦會不厭其煩成日同佢講道理，知道佢係邊一方面專長會重點栽培佢，其實我都係初學咋，因為阿仔份報告上個月先出，而家報咗資優家長學堂都未開始上，我都要時間適應，揾個第二個方式去同佢相處大家努力

浩霆豬豬

原帖由 vienchan 於 13-10-04 發表
回復 浩霆豬豬 的帖子

多謝你不停回覆呀！

我攞報告當日問教育心理學家，需唔需要俾佢知自己係資優生呢，佢同我講其實佢自己都知嘅，因為佢做過評估嘛！不過我唔需要直接講佢知佢分數，只需要講佢知佢係比一般小朋友聰明小小，上堂時叫佢包容吓啲唔明嘅同學仔，體諒老師講書要講幾次，教佢唔好因為悶就搗亂暫時都ok嘅！

浩霆豬豬

其實學校係一定要知㗎！除非你去私人機構做評估，中大同資優教育學院係要老師寫一份資料，由學校fax返俾佢哋，報告出咗證實係資優後，學院會有啲suggest俾學校，所以想check就要同老師商量，不過亦要考慮學校接唔接受！

浩霆豬豬

原帖由 vienchan 於 13-10-04 發表
回復 浩霆豬豬 的帖子

個心理學家家好好喎

係ok㗎！我講講吓會講埋我擔憂啲乜，有時好氣餒，佢都會有啲建議俾我，又教要我發掘阿仔專長，重點栽培佢，因為開中佢個瓣，佢會有無限潛能

Starrynite

浩霆豬豬 發表於 13-10-4 22:13
我無俾我仔知自己係資優，我check咗阿仔係，我就報堂上學點同佢相處，點輔助佢發揮自己長處，最重要係學處 ...

想請問你邊度有資優家長學堂可上？謝謝！

浩霆豬豬

原帖由 Starrynite 於 13-10-05 發表
想請問你邊度有資優家長學堂可上？謝謝！

我係資優教育學院度報名㗎！

浩霆豬豬

原帖由 vienchan 於 13-10-05 發表
幾錢? 同埋排左幾耐呢？
如果學校話佢冇咩特別行為問題咁點呢？因為我知個仔好努力抑制自己係學校嘅表現， ...

家長學堂我係網上報，有啲要錢有啲免費。阿仔評估4200由會見家長，小朋友評估到出報告全程大約三個月

魚王

對於資優兒童來說，成日比日擦字實在太難頂了，我個仔不是資優，但我都好少擦佢的字，我覺得只要筆劃啱，看得到就可以了，大個又不是電腦輸入？重複的練習，小朋友會覺得浪费時間和浪费了他的智慧，所以佢形容為無聊。去做了評估，證實後，父母上多些堂，多了解，幫小朋友改善行為心理質素更重要。