中文學習, 繁體? 簡體?

debbieip

我正為小兒的中文課傷腦根...
有沒有家長的小朋友學校教簡體, 但在家自己教繁體?
這樣子可行嗎? 請分享!
謝謝!

happyeasy

回復 debbieip 的帖子

我個女學校教簡體，不過佢都可以睇得明繁體字（因為有買繁體字書給她看），我唔會要求佢在家從新再寫一次繁體，因為需要時間，好難做到，但喺我有時候會講比佢聽，如：有些字簡化之後我認為出現問題，“后來”的“后”與“皇后”的“后”相同，“头发”的“发”與“发生”的“发”相同，其實失去了字本身的獨特意思，希望她能理解。試過在大陸聽演講，講者將簡體字改成繁體字，出現“髪展”。

我都唔會教佢簡體字，我怕自己寫錯，會叫佢自己查字典。

LEGOLAND

繁體比較容易在學校以外搵老師及練習。小朋友大D時，可以看繁體字嘅書。始終，喺香港生活，繁體比較有歸屬感吧。

debbieip

HI, HAPPYEASY

那小朋友是否書寫簡體字?
因為我在家是教繁體的, 怕同時教繁簡體, 會造成寫字上的混亂!

happyeasy

回復 debbieip 的帖子

我女兒是寫簡體字的，不過可以看得懂繁體字，不會寫。我自己喜歡繁體字，但是覺得下一代能看得懂繁體字就可以，不一定要懂得寫。我在這方面的思想是比較奇怪的，如果女兒一直在國際學校讀書，寫簡體字就沒問題，當然前提是她能夠看得懂繁體字。我覺得寫字是次要，她對中文的興趣才最重要。我發現很多國際學校的學生到中學後就對中文書不再感興趣，我兒子就是。只能算了，退而求其次，兒子能夠用中文拼音打一篇中文就够了。回想我初中開始就學古文，他們是遠遠不及的。

所以我的煩惱是如何找到女兒喜歡的中文書，看完一套喜歡的中文書，又要尋找下一套。

debbieip

謝謝你的回覆。基本上我不介意兒子書寫簡體字, 但學校的中文水平實在太低了, 所以不得不另外教他書寫中文....
另, 謝謝你提出有關培養中文興趣的重要, 因小兒還在初小階段, 現在學中文還算聽話, 沒有想到中學後會抗拒這回事....

debby1328

我仔仔學校都係教簡體，他剛升小一。我係屋企有教佢認繁體字，中文字真係好複雜，我開始時多教他象形字，如爪，水，川等，坊間有一些幼兒單字字典，圖文並茂，除了解釋文字，亦有該文字的簡單演變過程，其實亦很容易引起小朋友興趣，加深記憶。

幸好我仔仔並不討厭學中文，在家中會經常寫字（不是練習，只是用白版水筆寫），可以寫好耐，我亦驚訝他喜歡認路牌上的字，有一次他寫灣仔北，九龍西，油麻地。當然我每天都會跟他一起讀中文書，也看報紙。我諗我對仔仔的做法還可以，至少他經常問我＂這是什麼字？繁體嗎？＂我不想給他壓力，令他失去學繁體字的興趣。

co128

想問下你的兒子讀那間學校

debbieip

問我嗎? 我兒子讀ESF

LEGOLAND

學繁體初頭會比較難，但後面就會容易啲。我小朋友五年班。從不間斷補中文，一星期二堂，每日溫習四十五分鐘。中文有本地小四上學期程度。學校教簡體，基本上，如果佢喺學校學到幾多我冇理。總之，屋企就一定繁體。另外，我會買些如小樹苗出嘅書比佢自己睇。有套叫小火龍嘅，插圖好得意，故仔又攪笑。努力吧！中文自己攪冇問題的。

hkparent

Legoland,
Glad to see your sharing. Do you employ a private tutor for two days a week? Is your kid taught in Mandarin or Cantonese? Thanks.

LEGOLAND

我小朋友幼稚園喺一間全普通話嘅學期讀。讀了兩年，聽同講完全冇問題。P2開始請講普通話嘅老師教，以課文、生字，作句為主。三年級開始至現在，我用本地小學教中文嘅老師，每個禮拜上二至三堂。用廣東話上堂。每月約寫三篇短文。TSA練習、補充練習、抄寫詞語或課文，默書梗係唔少得。
四年級尾開始，要佢自己睇老鼠曰記之類程度嘅書。小樹苗和新雅出版社嘅書都唔錯。
宜家佢問字，我盡量形容比佢聽，唔得先寫比佢睇。
每日我都會睇住佢做功課，一定要了解進度。再睇下點幫佢。

hkparent

要另外幫他溫默書嗎？
請小學老師每星期二至三次貴嗎？
你覺得公文中文怎麼樣？
你的小朋友每天放學後讀一小時中文嗎？
謝！

LEGOLAND

如果以平均計，大約都有一小時。有時我會講故仔或者讀D小品、散文比佢聽。節日典故，中國文化就平時滲下滲下。
高小開始，如果冇D中國文化根底( 例如朝代呀、白骨精嘅喻意呀呢D), 很難有大進步。
所以好靠自己（父母）平時準備，父母準備得越多，小朋友就可以慳D時間。
基本上，整個小學也要幫佢默書。自己同佢默，咁上堂老師就可以教其它嘢。
三年級下學期，我開始同佢逐段默。
有時又會叫佢抄好嘅範文。等佢抄抄下，記到一句半句，作文時可以用
據我經驗（唔知啱唔啱），用多D唔同方法比佢哋接觸下中文，咁佢哋就唔會太悶，唔會太抗拒中文。
當小朋友喺學期中文成績好，佢哋就會好有動力去學。老師、同學讚佢兩句，好過我鬧十句。
公文教材我冇睇過，所以唔知道好唔好。
老師約$250-300 堂

hkparent

很多謝你詳盡的分享。你的IS要考中文嗎？有好的訂書links嗎？

LEGOLAND

不用客氣，大家交流下吧。我是去書局慢慢睇，了解本地小學課程同選故事書的。
通常選好就等減價先買。好似商務宜家買二送一，或85折先買。
我冇喺網上訂書嘅習慣。

LEGOLAND

學校有評估，大約係寫兩頁嘅名題作文。有時排段成章，副、助詞填充呢D。

debbieip

LEGOLAND,

哇, 你真係好努力呀! 你的經驗好有參考價值。其實我是自己教, 所以同時都煩惱選教材的問題, ....現階段兒子的讀寫能力都不夠, 想引入默書, 但發現每次教完寫完的生詞, 他很快又忘記怎麼寫....這對6歲的小孩是正常的嗎?  

LEGOLAND

容易忘記生字唔係因為佢六歲，係因為學完沒有機會用。本地小學學生，在中文科學會一些詞彙後，可能喺其它科再見到。又不停測驗、考試，強迫溫習。所以，我小朋友到宜家都會好快忘記生字。
所以一定要多睇書。
其實，識基本字詞就已經可以寫D短文。重要嘅係段落分得合理，有小小比喻或排比，再加小小感受。咁篇文就ok.
你可要求他抄下小段落，用詞語口頭做句，加深印象。
如果學繁體字，初頭係比較慢。先苦後甜，你忍耐多一、兩年吧。
認字時，試下拆開部手同偏傍，盡量解䆁個字點嚟。
去淘寶淘下直映D認字書，有D都ok .
可以用「我自己會讀」呢D圖書，每星期讀一本，每日讀一次。會幫佢記字。
你又可同佢一齊睇黃巴士。我小朋友好鍾意嘅。
笑笑下，玩玩下，中文就入腦。
最好盡量全中文溝通，咁就慳返唔使學gramma .

hkparent

如果每星期一本故事書，即每天讀同一本，小朋友會厭嗎？