阿仔又有新突破

BKVIP

記得每次去朋友家跟同齡小朋友玩，阿仔都係自己玩車，最多都係玩一陣追遂。

大人帶領玩搶波遊戲，其他小朋友爭住玩，佢就走開一邊自得其樂。對上呢個星期日又帶佢去朋友家，佢竟然問其中一個小朋友︰可唔可以同我玩呀？ 個小朋友無理阿仔，我就當然自動出擊，免得阿仔第一次主動叫人同佢玩就食檸檬。我同個小朋友講︰XX 想玩磨利刀呀，你幫佢丫？ 咁我就拎阿仔隻手出黎俾個小朋友磨，個小朋友又磨得好開心，我個仔又被"挆"得好開心   佢想玩小朋友手上的玩具，再不是搶，而是問︰可唔可以俾"你"玩呀 (仍然我你他不分 )，但豈碼有溝通動機，實在令我喜出望外。

跟住大人帶領玩飛身遊戲，阿仔都有排隊參與，同上次唔同晒。到FING 得高時，佢會話"唔玩啦，好驚呀" 咁大人問︰你想點呀？ 阿仔話︰我想坐SOFA

阿仔由只講單字到跟人口水尾，在短短四個多月間，唔單只會表達自己，仲開始同我對答，少左講無聊說話 (下一站.....)，無再跟人講嘢，依家S位開學啦，希望佢不斷進步

annaanna

我個仔又係成日講﹕下一站XXX，由西鐵、東鐵、港鐵咩都講，真係好無聊:;pppp:

BKVIP

annaanna 發表於 12-8-14 12:43
我個仔又係成日講﹕下一站XXX，由西鐵、東鐵、港鐵咩都講，真係好無聊 ...

係呀，有時佢係咪都講站名，聽到都几火架。

chmanpong

Hi,

        我個仔以前都係時時講 ,下一站XXX. 佢可以睇Youtube有關MTR的歌,睇一個多鐘頭. 但現在少了很多,因為有新寵兒- angry bird.

chmanpong

apple~y

回復 BKVIP 的帖子

除0左S位,你小朋友仲有無做其他治療??

BKVIP

apple~y 發表於 12-8-14 14:56
回復 BKVIP 的帖子

除0左S位,你小朋友仲有無做其他治療??

其實佢返S位只係返左2日喳，之前返左大半年E位，並在S位暫託，但個人覺得幫助不太大。之所以有咁大進步，係發生在接受髗底骨治療後的4個多月內。

bbqiu

恭喜!keep住進步!  

chris-BB

請問你果小朋友幾多歲？

BKVIP

多謝大家，我兒現時3歲7個月。

lokjoan

原帖由 BKVIP 於 12-08-14 發表
其實佢返S位只係返左2日喳，之前返左大半年E位，並在S位暫託，但個人覺得幫助不太大。之所以有咁大進步， ...

請問是在那裡做髗底骨治療的？

lokjoan

原帖由 BKVIP 於 12-08-14 發表
其實佢返S位只係返左2日喳，之前返左大半年E位，並在S位暫託，但個人覺得幫助不太大。之所以有咁大進步， ...

請問是在那裡做髗底骨治療的？

BKVIP

近日收到多個PM查詢髗底骨資料，我會PM大家，但在嘗試時請想清楚是否適合你小朋友。因為治療師講過治療效果是因人而異，有些人做一次已見分別(我兒就是例子)，但有些人則要做很久才見少少成效，甚至好了少少，然後停滯不前又有，又有些做了治療後有倒退現象，但持續做應會改善。因為有些BK父母都有帶小朋友去做髗底骨，但效果不大。所以做前應先去網站或提供此類服務機構了解什麼是髗底骨治療。因為我唔想賣廣告，而且唔包好架

chris-BB

我想問你個仔之前既情况係點架？佢都會跟人追逐一陣應該係自傾，是嗎？佢4個月可以學到一句一句對答係咪密集式私人S位學返來架？那一間教得咁好？

01shirley

好叻仔啊!!!
如我仔想玩別人手上的玩具都係搶....
教左好多次要問人, 佢都係搶....!!!!!! ~_~

BKVIP

chris-BB 發表於 12-8-15 10:20
我想問你個仔之前既情况係點架？佢都會跟人追逐一陣應該係自傾，是嗎？佢4個月可以學到一句一句對答係咪密 ...

我仔18個月被評為"發展遲緩"，到25個月被評為"懷疑自閉症"。

佢BB時都覺得無乜特別，但自14個月起發現叫佢十聲都只係望你一眼，眼神仲要好快就閃走，捉住佢塊面就C都唔望你，隻眼無FOUCS 咁周為飄。歲半都唔會手指指，鐘意重覆開關柜筒、門等。你指住D嘢佢都唔會望，唔知飄去邊。最明顯係佢唔識講嘢，爸爸媽媽都唔識。自個時開始見佢每一期都有D古怪行為，例如玩眼、有時用腳尖行路(個時以為佢跳舞仲覺得好得意)，都有D固執但改到、情緒控制差好易喊但都收到。太多了.... 不能盡錄。

佢2.5歲先真正識叫爸媽，一路到3歲都係單字，過左一排就跟人口水尾，又9唔搭8成日講站名。我無密集訓練俾佢，因為雙職，又未排到S位，只係靠E位同S位暫託，但E位講真每個月先几堂，我又無時間+懶同佢做訓練，S位暫託都係痴下嘢玩無真正TRAIN 佢D 乜，話完全無幫助咩，又唔係，但一定係好少同好慢。係今年4月同佢開始做髗底骨，佢好似開左竅咁，開始有長句子，開始時都只限於表達佢自己需要，做多几次就識答D簡單YES NO QUESTION，再黎就開始係咁問我地"呢D咩黎架" 佢又好認真記住下次話返我知係咩。到最近就開始叫小朋友同佢玩，我問佢返學開唔開心呀，佢話開心。點解咁開心呀？有車玩。問佢學校有咩同學仔呀？佢講左一個同學名。當然還有很大進步空間，因為佢講嘢好似讀書咁，個句係咁講就係咁講，例如佢會話"一個自己O係度丫" 我就會叫佢講多一次，咁佢就會講返"自己一個"。我你他不分，我又叫佢講多次，佢就會將"你" 變返做"我"，仲有好多嘢要執。

BKVIP

01shirley 發表於 12-8-15 10:33
好叻仔啊!!!
如我仔想玩別人手上的玩具都係搶....
教左好多次要問人, 佢都係搶....!!!!!! ~_~ ...

我仔都係架，每次佢搶細佬嘢我就叫佢俾返細佬，跟住佢就喊，我就要佢罰企，直到佢收聲為止。

爭玩具就2個都無得玩，收起玩具。

如果我拎玩具出黎，我都會同佢地講輪流玩，每人3分鐘，咁細佬知一陣到佢就唔會嘈，俾另一玩具細佬玩住先，3分鐘後佢就會俾細佬玩，再3分鐘後先交換返。


每次開新玩具同買新玩具，開/買之前我都會問佢，買俾邊個玩架？如果佢只答自己名，我就唔會開/買，咁佢依家知道會答XX 同細佬一齊玩既。

所以有細佬幫下手都係好事黎架，哈哈！

BKVIP

最近佢係會問人︰可唔可以俾我玩呀？ 咁隻手就已經想拎對方個玩具，小朋友或細佬唔俾，佢想搶，我就同佢講︰你試下拎其他玩具睇下小朋友肯唔肯交換啦。小朋友都唔肯，我就同佢講︰小朋友可以唔俾架，因為佢架麻，同樣人地問你拎玩具你都可以唔俾既，不過分享先係叻叻既小朋友，大家一齊玩先開心。再叫佢去玩第二樣咁佢就無再扭囉。

SKB

我個仔都係MTR狂迷, 佢都係可以睇Youtube有關MTR的歌,睇一個多鐘頭,依家連高登果D改左做地鐡站既歌都識唱

01shirley

我都有個細佬比佢, 但細佬都唔弱!!!
兩個日日爭玩具, 打交!!!~_~
你會有咩社交活動比佢地2兄弟？

BKVIP

回復 01shirley 的帖子

你指對外嗎？ 講出黎都有D唔好意思…

通常都係行商場，哈哈！店舖D SALES 見佢2個咁得意都成日撩佢地，我咪叫阿仔同人打招呼囉，一出一入都同人SAY HELLO / BYE，咁佢會接觸都好多唔同既人，對陌生人無抗拒感，有時人地只撩細佬，佢仲在人地面前跳舞唱歌引人注意，搞到D SALES 姐姐好開心。

有時就會去有同齡小朋友朋家，一屋6個都咪話唔好玩。

我地經常約不同朋友外出用饍，所以佢地成日去不同地方接觸不同人，可能都有D幫助。