有無小朋友升中後係自行在家完成功課呢 ?

hw1115

您地小朋友升中一後, 放學到那裡做功課呢 ?

(因學校不可以留校做的話, 所以想問問大家)

自己一個人在家大約 2-3 小時的話, 有無問題呢 ?

alice44

小學(5.6年級)已經自己在家做功課, 中學更改無問題啦!
不過個個人性格唔同, 又未必個個得, 有D見阿爸阿媽唔喺度就唔做嘢.

cy101

無問題!!!遲早都要放手!!!

JustAParent

唔係小朋友自覺不自覺的問題，根據法例，對所看管兒童或少年人忽略，引致其受傷害，是刑事罪行。

hw1115

我阿仔三至六年級都是參加課餘託管;
佢就係不自動自覺才要他去的。

杰杰媽媽

我仔一定會係我返到屋企之前做晒功課,所以冇問題,但你個唔肯郁就一定要叫佢去補習社/托管,唔係收工都未做晒功課,仲邊有時間溫書呀.

hw1115

杰杰媽媽 發表於 12-7-26 22:53
我仔一定會係我返到屋企之前做晒功課,所以冇問題,但你個唔肯郁就一定要叫佢去補習社/托管,唔係收工都未做晒 ...

溫書 ?

He never do it in his primary school life. He  just done the revision before one day of the exam.
However, it cannot remained unchanged after Sep 2012.

wendy_

無問題!!我阿仔1-6年級都係在家做功課，而且做功課係佢應該要做的事。從未擔心這問題

杰杰媽媽

回復 hw1115 的帖子

我由P.2已經同個仔講  (日日哦住,我係好煩GA,煩到佢做到為止)-----------你要自己識分配好時間做晒所有野,如果唔係就由我分配你D時間,你就會死得好慘:;pppp:

Meikin

囝囝由小學到現在初中都是在家做玏課, 當然我會不時由公司致電回家查詢他們的進度.  到我放工回家晚飯後才有時間check他們的功課和給他們讀默(默書的範圍).  其實應該訓練小朋友自律做玏課和温習, 不要太依賴補習/家長.

hw1115

回復 Meikin 的帖子

但我教唔到佢的話, 是否找補習班會好一點呢 ?

BESTMCL

要開始放手了。中一時校長話明要自已做，自己負責任，要自立了。開始會擔心怕成績大跌，要有心理準備，但心想中一唔比佢學，幾時才是最好時候？
我兩個小朋友都係靠自己咋！

142526

回復 BESTMCL 的帖子

個個小朋友都不同, 都是由家長自行判斷吧 , 我仔個校長就話 中一,二最好都是跟下佢,

Meikin

回復 hw1115 的帖子

如果真的教不到, 找補習社也是個方法.  
但要視乎中學的功課和程度.  以我觀察小兒中一, 除了英文科外, 大部份科目只要上堂有聽書及有看課本, 都可以自己完成的.  

orangebb

我小朋友一直都係靠自己, 無記錯係小一、二會同佢對下, 之後都無再理佢, 初頭會錯漏百出架, 要學識忍耐, 沉住氣, 慢慢會改善! 到小五、六全年都無欠功課，最近升中，好多暑期功課都係佢自己攪掂, 一大堆閱讀報告，仲有一大堆中文工作紙，數學練習........

反而溫習就唔夠自覺，要我日哦夜哦!

Meikin

訓練小朋友自理功課及温習是個重要的過程, 不單對於求學, 對他們將來做事做人都一生受用.  視乎小朋友性格和自律能力(尤其是男孩子), 升中首半年我建議不要太早放手, 仍要從旁觀察, 當發覺他慢慢納入正軌, 一步一步把自主導權放回給他.  阿囝常常說我煩, 我同佢講 - "你做得好令媽咪放心, 我咪唔煩你囉!你估我想攞苦嚟辛咩?"

twodaughters

原帖由 hw1115 於 12-07-27 發表
回復 Meikin 的帖子

但我教唔到佢的話, 是否找補習班會好一點呢 ?

我女小六開始自己做功課、project、溫習，佢自己教得到自己便可。我只會留意她測驗成績+行為，有問題時盡早執

kilykilyk

hw1115 發表於 12-7-26 15:58
您地小朋友升中一後, 放學到那裡做功課呢 ?

(因學校不可以留校做的話, 所以想問問大家)

由小一開始訓練呀囝放學番嚟自動做功課,
到現在中學都習慣哂!小學階段係會check佢功課,
中學都間中check下佢手冊,同提下佢執書,怕佢執漏..

Mymaggie

其實根據法例，把16歲以下獨留在家中，是有虐兒成份；當然無事無幹就唔會無端端破起訴啦！我囡囡九月也升中一，她肯自己返學、返屋企、去補習社或興趣班，但就是唔肯自己在家，日後可能要在樓下的快餐店等我放工。

hw1115

Tutor centre said there are many technic to teach students how to answer the question, & also said S.1 cannot keep the school work result, & then S.2 even S.3 will be worse than S.1.

Anyone may share your true experience?