想請教5歲小朋友學數學...

tattc

小兒5歲，喺屋企自己教小朋友單位加數，但係學極都唔識，想幫佢報數學班，想請教下報邊類好呢？KUMON，Enopi Maths, 學林，Jei Maths, 珠心算，奧數......

smellycat

相信你小朋友可能同我小朋友有少少似-數學邏輯差少少,佢都係剛剛5. 佢由3歲半開始先後試過兩間ENOPI, 結果失敗, 我後來先發覺原來老師系晤教0既, 一班晤同程度0既小朋友0係度做練習而已. 後來停佐半年, 到4歲半就JOIN佐Thinking Academy0既思維數學, 呢次好好多, 佢地0既syllabus會循序漸進, 同埋真係會教咩係加, 咩係減,又晤會悶,我覺得對數口比較差少少0既小朋友有幫助.

tattc

smellycat 發表於 12-7-1 21:50
相信你小朋友可能同我小朋友有少少似-數學邏輯差少少,佢都係剛剛5. 佢由3歲半開始先後試過兩間ENOPI, 結果 …

Thx…咁你小朋友返咗幾耐？

ohmygosh

回復 tattc 的帖子

我比阿仔三歲半開始學enopi， so far 都好滿意。

tattc

原帖由 ohmygosh 於 12-07-03 發表
回復 tattc 的帖子

我比阿仔三歲半開始學enopi， so far 都好滿意。

其實我自己比較prefere Enopi有啲 Logic 加 算術，但係咪好似上面果位家長所講，無人教呢？淨係自己做練習？同埋想問一個月幾錢？

smellycat

回復 tattc 的帖子

小朋友返咗半年,不過其實佢幼稚園都有教，佢呢半年真係進步好多。

tattc

smellycat 發表於 12-7-3 18:11
回復 tattc 的帖子

小朋友返咗半年,不過其實佢幼稚園都有教，佢呢半年真係進步好多。 …

你果間幼稚園教緊咩數學？thx!

smellycat

加减數，單數雙數，同埋少少類似enopi critical thinking 果D.

小伊

孩子仲細，無需心急，假如單位加數都未掂，相信系counting未穩固。試下多D玩飛行棋，Ok的話用兩粒骰玩，讓他自行加起骰上的點數，寓學習於遊戲，是最有效的方法。

lillymarie

係呀，玩多D康樂棋或飛行棋之類，俾多D時間小朋友，讓他自己慢慢數。

平時生活上亦不停叫佢數，例如開飯前叫佢數下枱上有幾多隻碗，幾多對筷子等，咁張枱每邊有幾多張椅子，兩邊加埋有幾多張？

玩具車每邊有幾多個車輪？加埋有幾多個？兩架車又有幾多個車輪？三架？

一包餅裏共有幾塊餅？一家人分，每人可以分到幾塊餅？佢地當然唔識答，我就同佢地一塊一塊餅咁派，最後再問佢地每人可以分到幾多塊。

我以前就係咁每日不停地教兩個囝，佢地細細個學咗乘數和分數的概念都唔知。去到小學時佢地就唔明白點解有些同學老師教極都唔明白。

tattc

smellycat 發表於 12-7-3 23:31
加减數，單數雙數，同埋少少類似enopi critical thinking 果D.

我哋學校都仲未教加減數。。。。

tattc

其實我哋有玩康樂棋、飛行棋，仲有大富翁都有玩，佢數呢啲就無問題，但一去到加數，佢就唔得啦！

lillymarie

用兩粒骰仔玩啦，等佢慢慢計要行幾多步。另外，若不抗拒玩啤牌，可以同佢玩釣魚，即係揭到兩張咭加埋等於十。又或者玩21點，都係做加數的遊戲。不過，要耐心等佢慢慢數。初初唔識計加數，可以數點點。講真，玩得夠多，佢數兩粒骰仔4＋3 ＝7，數夠20次，必然會記得！好過叫佢用紙筆做。
但過程需要做旁述： 呢粒有4點，個粒有3點，加埋等於幾多啊？

torunpoland

[size=15.454545021057129px]我個女升K3但K2學校已教小一的數 --> 認真泯滅人的天性, 完全不順應小孩發展的軌跡!

ohmygosh

回復 tattc 的帖子

兒子的導師係有方法教他們計算﹐並非只派發作業要他們完成﹔加上英語教材和授課﹐又同時著重critical thinking﹐所以我們才讓他繼續返enopi。

tattc

唔該哂各位。。。各位既意見都好有用！