面試後超失望

karen2323

等咗咁耐，終於等到面試信，點知2間中學撞晒期，求了好耐終於得到1間肯改期，點知阿囡唔知發生乜事，大失水準，平時同佢已準備充足，知道形式如何，但佢好似突然唔記得晒提點了的事項，原本我諗住那間會有7成機會在面試收的，但佢十問九唔識，現在惟有寄望在難中過六合彩的大抽獎，但第3次呈分仍未考完，又唔知佢會比乜「驚喜」我了？佢又唔嗲唔吊，我仲著緊過佢，唔知仲以為考中學的係自己。

Yanamami

壓力.  壓力會令人失準.  佢越想做得好就俾越多壓力自己, 就越會失準.  我女上年呈分試一樣, 一次差過一次(但佢已好努力), 明明平日識都可以錯, 想死呀~~~~但其實佢自己都唔開心架.  

vincher

仲有一間面試,加油!叫她放鬆心情!

loved

吾好咁。如果你個女係間學校要嗰類，in成點都會收，相反，你in到全場no.1係吾需要就吾收。你有無睇下面有幾版都話面試係一場show，呢個我深深體會到。所以你都無謂放上心，吾係你控制

霖霖B媽咪

過來人話你知，絶對係

bnene

原帖由 karen2323 於 12-03-18 發表
等咗咁耐，終於等到面試信，點知2間中學撞晒期，求了好耐終於得到1間肯改期，點知阿囡唔知發生乜事，大失水 ...

就算之前怎樣練習，到現場都會緊張的，表現也會受影響。既然已經完成了就算數，不要再想了。我們也要帶動子女一起向前看嘛！

一家的太陽

都唔好太期望第一輪收生,
當時就抱著有得面試就算贏的心態(不是報名就有in的學校)..
至少放榜後有個敲門磚在手.

考好呈分試才最實際.

like_travel

karen2323 發表於 12-3-18 09:22
等咗咁耐，終於等到面試信，點知2間中學撞晒期，求了好耐終於得到1間肯改期，點知阿囡唔知發生乜事，大失水 ...

我直 情當正 自己係考生, 重緊張過佢 . 囡囡入去見到校長又係失盡唔記得晒d technique......相信 都無咩機會lor. 平常心再試自行分配lor.
如真係bad luck 入唔到....派去普通d 既學校都唔會死既, 只要肯讀, 比心機 去讀, 一樣可以入U . 將來出人頭 地 !

只要一樣必須緊記 : "永 不 放 棄" !

vincher

回復 bnene 的帖子

態度完全正確，gddddd !
分享我兒0既面試經驗：去年自行2間給他面試！當然此階段，學校通常收成績好+面試醒的！
                                     因2間單獨面試，我看不見他的臨場表現！之後，問他，他只會答「好……好！」沒句真！
                                     結果還是等大抽獎！七月放榜，我倆請假陪他叩門2間直資！
                                     一間給父母陪同面試，聽到他和老師對話，頭頭是道！最令我安慰的是：
                                     老師問他：知否我們學校突出0既地方？從何知道？
                                     剛好面試前一晚，我上網教了他。唸住平日沒心裝載0既他一定啞口無言，
                                     誰料，他答對了！(最後，未踏出校門，已知那間中學收了！個刻，I'm proud of him )
                                     所以不要低估小朋友0既能力！

nc2000

回復 vincher 的帖子

我就同個仔in一間直資，見佢答問題嘅態度懶懶散散又全冇技巧可言，真係問一句答一句，聽到佢答，真係想打巴佢，到我答時就全力同佢

ohnono

就算有家長覺得係做show都好，學校到最後一般揀選200個同學進入最後階段面試，然後排一次取錄先後次序。除了前面那4、5拾個同學會成為正選之外，學校都會另準備一份後備名單。而家每人可以揀兩間學校，即是後備的同學除時有機會補上。有得面試都唔好放過呢個機會。

ANChan59

回復 ohnono 的帖子

Agree, just mindset.... our attitude as parents will affect our kids.
If the kid gets in, everything deserve.
If not, its a show.

Be positive, play by the rule.

煒良媽咪

like_travel 發表於 12-3-18 13:40
我直 情當正 自己係考生, 重緊張過佢 . 囡囡入去見到校長又係失盡唔記得晒d technique......相信 都無咩機 ...

完全同意，永不放棄，總有出頭天

Sherryko9

回復 karen2323 的帖子

"賽翁失馬,焉知非福",可能小朋友就係第2輪大抽奬入到你地心儀果間中學,因為當年囡囡幾個同學就係甘,這是铁一般的事實.

sowasabe

ohnono 發表於 12-3-18 17:04
就算有家長覺得係做show都好，學校到最後一般揀選200個同學進入最後階段面試，然後排一次取錄先後次序。除 ...

ohnono,
想請教,自行都有後備,是不是當正選同時在自行時被2間中學收晒,自然有位放出,則由後備補上.(但應該只有教統局知道) 是不是甘既意思.

sakura65

bnene 發表於 12-3-18 13:14
就算之前怎樣練習，到現場都會緊張的，表現也會受影響。既然已經完成了就算數，不要再想了。我們也要帶動子 ...

完全同意。值得比個LIKE妳呀bnene。大家跟子女一起向前看啦。
得果11歲人仔，邊個識得點去處理壓力呀，大人都未必能處理妥善啦。
路有好多條可以行的，參加大抽獎也好可能有意外驚喜。
“解決方法”一定多過“問題”......一切隨遇而安，不要強求，免為孩子增添太大壓力，佢地將來仲有好多野去面對的.......

santander

band 1 頭想入名校....要讀書叻, 有好多學界獎, 還要不愶場, 應該係"神級"人馬...唔係好多11歲人仔做到

ohnono

sowasabe 發表於 12-3-19 10:20
ohnono,
想請教,自行都有後備,是不是當正選同時在自行時被2間中學收晒,自然有位放出,則由後備補上.(但應該 ...

係。自行收生時被取錄的學生，到最後有幾多人放棄，有幾多人從後補名單補上，只有教局才知。

通常後補的情況出現於：
1.有同學因同時被兩間學校取錄而電腦會優先選擇派往第一志願，因此第二志願原先被取錄的學位將會由其他後補生補上。

2.除此之外，有同學面試之後，直資才放榜，於是出現自行收生和直資註冊時間重疊。當有同學自行面試後被取錄，最後亦要放棄而原有的學位亦會由後補填上。

bnene

sakura65 發表於 12-3-19 11:16
完全同意。值得比個LIKE妳呀bnene。大家跟子女一起向前看啦。
得果11歲人仔，邊個識得點去處理壓力呀，大 ...

謝謝您，sakura65。
或者可以順道分享一下經驗，希望大家能明白放下得失的重要性。兩年前我大兒子升中，他成績也算OK，級1x，我們一心都是想替他考家附近的屋村Band1中的英中，根據前人經驗及師長的估計，他問題是不大的。但結果到派位後，他考不上這個第一志願，在他後面考4x的卻考入了。不幸中之大幸，他仍可以考獲第二志願的Band1尾英中，但我們和他每日的耿耿於懷，卻讓他在整個中一的生活都變得不開心。

他變得更自悲，也不願面對小學同學，上到中一後面對升中的問題，更是提不起勁，又不再相信我們。久而久之，問題擱下置之不理，又沒有得到解決，他終於在中一的所有考試都不如意。自我形象及自信更跌落谷底，更加不願意和同學快樂的相處，只會每天關自己在房內，與外界隔絕。和我們的關係更是惡劣之至。

直至去年暑假，我們再好好的談談，也幸好這一間band 1尾英中的老師都是好老師，她班主任給他的意見，和我們所說的不謀而合，他漸漸地開始相信要在牛角尖裡走出來。在這個時候，他從fb中得悉以前考4x入了Band1中英中的那位同學，原來一直讀得不好，險些兒連班都升不了，所以他就慶幸自己雖然沒有努力，還有中等的成績。於是痛地思痛，在暑假期間重整心情，把自己遇到最困難的學科溫習/預習一次，結果在剛過去的期中試裡，連升50名，中間從沒要我們付錢替他請補習老師，都是他自己努力的成果。而和我們與及同學的關係更緊密了，也很享受學校生活。

試想想如果他如仍不能放下，今天的他仍舊是逃避現實，未來會變成怎樣呢？須知這個階段是他們人生中一個很重要的階段，今天仍是耿耿於懷的話，他未來的四年半都在這個陰霾中成長，我們怎能不心痛。

無論是得或是失，面試派位結果怎様，我們還得向前看，往前走。派得到未必是好事，考不上也未必是壞事。只要有我們的關懷及協助陪伴他們成長，他們才會獲得快樂。

各位也要加油。

leeleelumlum

事實上係自行呢個階段, 考d學校都係會擇d高d架啦, 例如band 1擇band 1頭頭, band 3 擇band 2 .... 咁, 或者報直資top sch, 其實平常心d, 唔好一擊即沉, 要愈戰愈勇才好, 否則點埋尾