你o地好,我係一名幼稚園教師,想問o下大家意見

gracewong1107

你o地好,我係一名幼稚園教師,我第一次o黎呢度,想問o下你地咁多位家長o既意見^^

o係上個星期,咁有一堂唱遊堂,咁我地老師會同o下d小朋友唱o下歌仔,一起做o下一d動作咁玩o下學o下生字咁,咁其中玩到"火車過山洞"咁,我地老師咪用腳o黎做"山洞",俾d小朋友扮火車咁捐過去,d小朋友都覺得好好玩,好開心,但點知俾兩個家長見到,話點解要個仔仔咁樣做...仲話我地咁樣做,d小朋友捐過點唔好...話o左好耐...我想問咁多位家長,俾d小朋友咁捐有咩問題??都係唱遊o者,到底係佢無理取鬧定係點??
咁多位家長又介唔介意俾d仔仔女女捐呢??
thanks....

esskwok

得罪講句, 我好介意囉, 如果畀我知道自己個女要捐老師褲浪底, 我一定同佢退學, 或者我係激左少少, 但呢個做法真係好討厭! 同埋點解你地唔可以係兩個老師舉高手畀小朋友捐過去玩呢? 點解要捐褲浪呀, 實在太過份!

cherriemama

我唔明點樣用腳做山洞,係咪即係"捐褲浪"呀?如果係,我當然唔接收啦!

carrai

我記得我細個果時d miss 都係用手過播，點解用腳？
對不起我個人來說我好介意！   

gracewong1107

係...即係打開雙腳俾佢o地過...咁樣我o地只係認為會似山洞多d..只係咁諗..

唔好意思...想請問你o地介意原因係....?

Prema

I don't mind so much . Of course depend on the whole situation and intention as well... In this situation, it is OK.

timtim-mame

Ms. gracewong,

你聽過"跨下之辱"未呀? 今期電視劇"楚漢驕雄"裏面ge韓信就係受過呢的恥辱, 咁你明白未? 即係呢的動作係有侮辱成份, 你身為老師, 呢的基本知識都無ge? 你教邊間? 等我地的家長考慮下俾唔俾的小朋友讀先 :-|

銘銘媽

老師們,
我想問問你地知唔知中國人'捐'人褲浪係有侮辱既意思, 我有少少鬼佬心態性格, 所以我唔會介意, 我都覺得你地咁做似個山洞多d, 但如果俾一d較傳統既家長見到會覺得你地侮辱緊自己小朋友, 更覺得你地教唔到佢地小朋友點樣尊重自己, 更覺得你地知識水平唔夠高等等, 希望你地唔好介意我咁講, 呢d只係家長心態, 希望你地明白!!

tt2001

esskwok 寫道:
得罪講句, 我好介意囉, 如果畀我知道自己個女要捐老師褲浪底, 我一定同佢退學, 或者我係激左少少, 但呢個做法真係好討厭! 同埋點解你地唔可以係兩個老師舉高手畀小朋友捐過去玩呢? 點解要捐褲浪呀, 實在太過份!

我都係-------好介意！ 家長同你唱遊叫你咁捐你捐吾捐？都係唱遊jer！我會馬上去校長投訴tim。
冇其他野似山洞gar 咩，有冇用過個腦諗先？定有冇腦先？我仔自己係屋企玩捐我腳，我都行開la，你仲覺得好好玩！

mayleung

呀媽成日話中國人的傳統思想覺得女人每個月的月事是不詳和不潔的,不吉利的,所以小朋友捐過就長不大.....
但我個人都覺得是"跨下之辱"成份大些.

cherriemama

太過份喇!真係玩到無野好玩!家長教訓完都唔明,仲好意思上BK問各位意見,而家D幼稚園教師真係.........

叮叮噹噹

嘩...當然介意, 用手唔得咩, 點解要用腳, 俾我見到, 我一定會問個老師lor, 冇野好玩呀?...我唔會比個仔捐任何一個人褲x 的
:evil:  

Almaz

老師:

如果我用兩只腳做一個山洞出來,告訴你爬過來啦,好好玩的.咁你爬唔爬呀?我想問這個玩的方法是誰想出來的?你還是其他老師?校長知道嗎?

HuiTung

極之介意!  我自己都唔比自己小朋友捐我褲浪, 更何況他人?  如果換轉係你仔女會點?  請設身處地想想    :-x

tt2001

cherriemama 寫道:
太過份喇!真係玩到無野好玩!家長教訓完都唔明,仲好意思上BK問各位意見,而家D幼稚園教師真係.........

即係佢仲吾覺得有問題lor，只係家長"無理取鬧"呀！

講真，自細冇人話過比我聽why吾好捐人褲浪架，但大大下會sense到咁樣為之恥辱gar ma！你咁大過都仲未知，有冇sense架？我吾覺得只係Chinese至咁大反應lor，呢樣"禁忌"好universal la!

carrai

可能我真見識得少。我識得d鬼佬鬼婆都知道捐褲浪係受恥辱/好唔禮貌既野！這些不是只有亞洲人覺得，外國人都覺啦！唔好以為外國人任得d小朋友點玩點玩之得架，只不過佢地鐘意遠觀，做錯就會糾正(不過唔會好似中國人噤通街好大聲鬧個小朋友)，其實佢地玩/教小朋友起上黎，規矩多過我地中國人好多架，亦好有原則。
        
你試下搵個哥哥叫個鬼仔過黎爬過褲浪，睇下佢老豆會唔會一"隨"鍋落佢到   

TingTing

That's nothing funny to do this....
呢樣"禁忌" all people know .
No Common Sense..
Very Low B
.           

Uran

嘩...我都好介意呀﹗點解唔可以用手來代替腳做山洞來玩呀？我小朋友嘅時候都係咁玩啦﹗我地個時候得，冇理由您地會唔得喎？教育小朋友要花時間去設計d有創意加上有意義嘅遊戲來啟發小朋友嘅思維。您地做教育嘅要想清楚每一件事後才做，因為您地每做一件事會影響小朋友的。到頭來小朋友會問番您點解會咁做。您地要真真正正去檢討一下。若果想似山洞倒不如把雙手按地，好似跳over咁都可以比小朋友捐山洞。       :evil:  :evil:

pigpig

我曾經都是幼稚園教師，不過，我對你地的做法十分之唔認同囉~~
其實，只要你將心比心的話，就會發覺有問題囉~~
如果我用腳o黎做"山洞",跟住你地D老師扮火車咁捐過去，你自己覺得點呀？有無問題呢？
如果你是一個懂得反思的老師，唔需要別人給你答案吧~相信你自己會找到答案。
利用課餘的時間，反思同學習，做一個專業的幼師吧~~