- 在線時間
- 9 小時
- 最後登錄
- 17-2-2
- 國民生產力
- 0
- 附加生產力
- 105
- 貢獻生產力
- 0
- 註冊時間
- 09-12-8
- 閱讀權限
- 10
- 帖子
- 37
- 主題
- 0
- 精華
- 0
- 積分
- 142
- UID
- 566725
|
其實我比個女同個仔入啟思係因為我有好多朋友既仔女都係讀趙博士所主理既學校畢業,我見到佢地個個都讀得好開心,好鍾意問野(對任何事物都好有興趣,鍾意去探索答案)。
我都有擔心課程淺升小學後會有問題,但係問過朋友都話無問題(佢地仲要係升傳統學校 - 大坑真光、聖心嘉諾撒、聖保羅男女)。個個升到小學仍然好主動發問(問到我有時都唔想答)、探索答案。我朋友都話啟思課程淺,但係唔係問題,因為自己都會加野比小朋友學(我都有在外面加英文、普通話比個女),但係培養一個正確又開心的學習方法/方向、要小朋友自己找答案先係最重要,因為上到小學小朋友就係要靠這個方向去自我學習喎。我真係好認同我朋友既說話,因為我自己細個係在傳統既幼稚園讀,小學都係,所以由細到大都唔鍾意讀書。可能係咁樣啦,希望我既仔女可以好開心咁去返學。
其實我都有問個女「不如唔好返英文班/普通話班啦」佢次次都答我唔好,我問佢點解,佢就答我「我鍾意上堂上堂好開心」,我自己覺得啟思唔知點解真係培養到小朋友學習既精神,我個女每日放學會自動自覺在書包取一本讀比婆婆聽、又會在屋企書架取另一本書讀比細佬同姐姐聽(其實有些字佢未識,就會望住婆婆,請婆婆聽)。
啟思既老師好似無放工時間咁樣,個女N班既時候班主任會每星期打電話比我話我知個女在學校既情況,但係大部份都係在夜晚八九點既時間。我真係好佩服老師可以咁用心連自己時間都投放在學生身上,我自問如果比我就未必做得到啦。今年K1既班主任就少打左比我,但係都會每一段時間打比我話我知個女在學校既情況。
以上只係我想分享既個人感受。 |
|