老師話好大影響 想考過小嘅大家幫幫手

csyk

小朋友性格係怕陌生人但唔怕上新興趣班 甚至可以同新老師有傾有講唯獨學校show and tell / performance 需要面對一大班人時會怯場

老師兩次打黎話咁對考小好大影響
想問有考小經驗嘅家長問下要點正視？
已經有上面試班 但情況都一樣 可以點？

Adiezz

怯係指完全唔肯出去講？定講得好差？
佢呢個年紀如果可以表達點解驚，就試吓從那方向協助佢

我無乜特別既方法，對內向、易焦慮既小朋友，都係要慢慢累積自信心和成功感，日常創造多啲機會，多啲正面鼓勵讚賞。過程可能會好慢，仲有一段時間先面試，相信會逐步改善

家長一定緊張面試，就算他日未解決到，都唔好俾壓力小朋友，佢而家係學校和興趣班無問題，盡量俾佢輕鬆面對，正常發揮等老師睇到佢性格和優點

Adiezz

另外，面試班都有好多類型，有啲老師比較嚴同谷，都要留意會唔會影響小朋友自信心。

或者試下搵啲短期1對1、1對2既面試/presentation/story telling，按佢進度教

HK-CR7

其實考小好少會面對一大班人講野, 最多FINAL IN時一打三..... 佢如果單獨同一個陌生人會唔會都驚?

chingchub

講野弱永遠都係人生既好大挑戰，升小、升中、升大、搵工呢啲都會有困難，襯早持續訓練表達能力、膽量同邏輯思維，會有機會慢慢改善

Azzurro

大人面對一般人講話都會緊張
好多野都係一步一步逼出黎

父母多和小朋友溝通，聆聽小朋友的表達，係第一步
父母係第一個老師，幼稚園老師係第二個，第三個先係興趣班老師
係遊樂場嘅其他人都係訓練好幫手

事實上好多家長根本沒溝通聆聽
所以小朋友由於父母嘅差異，表現也差天共地

Baymax

過來人, 我小孩以前都是, 性格天生. 多參加人多的活動有幫坐, 但不能期望一兩個月有大改善, 看你還有多少時間, 狂上面試班也只是浪費時間金錢. 我以前小孩幾次面試都怕, 但是特然有一間他第三面試對校長對答如流, 就被收了. 你永遠預計不到你的孩子那一次特然神勇, 惟有多嘗試.

ccc_connie

獨生子女嗎？約同年紀小朋友玩多d可以嗎

cookietin

要慢慢習慣，可以試吓小司儀嗰類，通常會大膽啲表達自己

Anne_Hall

其實性格係咁好難改變。我小朋友都係好怕醜，幫盡佢比好多機會佢表現自己，發現佢準備充足既話表現唔差，但考急才就好怯。最後都由佢了。

Baymax

大人有時間可以帶小朋友去1）公園, 有滑梯, 迷宮玩個的, 同其他佰生兒童及大人互動, 佢見人地一堆人玩會受感染走埋去入
2）商場有兒童遊戲場果的, 作用同公園一樣, 好處係不受天氣影响
3）玩具xx城, 裏面有好多野試玩, 多人玩要排隊又可以同其他小朋友互動
4）最後可以參加街坊會的遊戲班, 有的係免費, 但好快入

呢的活動最好每星期2至3次
2至3個月見效

aaa_m

我大仔試過考直資，一到集體遊戲就睇得出班小朋友既分別，有d小朋友大膽又醒目，玩都玩得好進取投入，我覺得首先性格要夠主動，再加後天培養，如果本身細膽，就算練多人幾倍都未必得，但千祈唔好令小朋友覺得父母都認為佢唔得

RainyRice

又或者試吓朗誦比賽，英文廣東話普通話話一樣覺得舒服便參加那一種。先試錄音的朗誦比賽，之後可漸漸試現場的朗誦比賽。小朋友見到比賽成績(尤其是錄音比賽，其實有張證書小朋友已經覺得是獎勵），家長多些鼓勵說話例如說評判覺得他雖然聲線比較細有些緊張，但很勇敢沒有哭之類。小朋友受到鼓勵希望可以更加大膽嘗試其他public speaking.

Carolinewongc

如果已經有係出面學過都一樣，就唔好再強迫佢，唔好俾咁大壓力佢，順其自然

happymeme

有邊間小學面試要小朋友一個企出嚟show and tell? 冇囉！放心啦，要show and tell, 講故事的都係拍片

RainyRice

csyk 發表於 23-6-7 16:08
小朋友性格係怕陌生人但唔怕上新興趣班 甚至可以同新老師有傾有講唯獨學校show and tell / performance 需 ...

其實每個小朋友性格不同，發展的時間線都不同，適合的學校都不同，或者家長可以做的是選擇適合現在小朋友性格的，不催谷的學校。例如一些比較輕鬆而又不是最受追捧的B1龍小；又或一些有口碑而不太谷的學校。這些學校都要家長多花時間去找去研究。
如果你在某些出名催谷/要求高的幼稚園，不知道老師在這方面可不可以幫到你太多。自己都可以多多研究。加油！