有無人無學普通話就上小一？

bananaGi

上小學等學校教？ 係咪死梗？

twlo

掉返轉，升小一後已沒有學普通話，祗在學校學。

洋蔥頭媽咪

bananaGi 發表於 17-8-7 23:55
上小學等學校教？ 係咪死梗？

小朋友是普教中？點解會死梗呢？我 2 個仔都冇學過普通話就上小學，一樣冇問題，須然普通話唔算叻，但對答應用問題不大。學習語言要有語景，家長能否對孩子作支援都很重要。

chanwendy

樓主是指自己出外學普通話嗎? 而家應該每間幼稚園都有教普通話喎, 我家孩子冇外出另學普通話, 都係幼稚園教幾多學幾多, 不過小學不是普教中, 但我兩個小朋友普通話都可以的.

bananaGi

洋蔥頭媽咪 發表於 17-8-8 09:10
小朋友是普教中？點解會死梗呢？我 2 個仔都冇學過普通話就上小學，一樣冇問題，須然普通話唔算叻，但對答 ...

我有d唔明。

咁k3上小一，中文字都未識晒， 但轉埋用普通話教， 咁佢認字會唔會好困難？

bananaGi

chanwendy 發表於 17-8-8 09:51
樓主是指自己出外學普通話嗎? 而家應該每間幼稚園都有教普通話喎, 我家孩子冇外出另學普通話, 都係幼稚園教 ...

幼稚園係唱遊咁，無拼音。

pollywong21

我家小朋友的小學是普教中兼有普通話堂。
幼稚園無學過普通話就上小學了，回家無特別溫普通話，係屋企中默都用廣東話，晤見小朋友有咩問題喎，測考亦晤係低分添。
學校大部分同學媽咪都係咁樣情況，我地相信老師同小朋友磨合同適應能力。放心。

bananaGi

pollywong21 發表於 17-8-8 12:32
我家小朋友的小學是普教中兼有普通話堂。
幼稚園無學過普通話就上小學了，回家無特別溫普通話，係屋企中默 ...

啊 咁我用廣東話溫書？

little_yolky

bananaGi 發表於 17-8-8 12:09
我有d唔明。

咁k3上小一，中文字都未識晒， 但轉埋用普通話教， 咁佢認字會唔會好困難？

唔駛唔明, 咪即係好似用外語學中文咁囉。有D學校如果雙非/新移民少, 大部份小朋友D普通話都係煲冬瓜, 開頭會加D廣東話夾雜的。

little_yolky

bananaGi 發表於 17-8-8 12:19
幼稚園係唱遊咁，無拼音。

無拼音唔緊要, 最緊要聽得明白。

lamlamdad2009

如果到小五丶小六的普通話都非常一般（粵教中，無外補普通話），會否影響升中？

pocoyo123

有, 小兒無學, 我們家長又唔識, 小一粵教中, 小二普教中, 學校另有普通話堂, 考試無溫, 平日無補, 只靠自學, 成績由8X-6X都試過, 我覺得無問題

kwokbobo

little_yolky 發表於 17-8-8 16:17
唔駛唔明, 咪即係好似用外語學中文咁囉。有D學校如果雙非/新移民少, 大部份小朋友D普通話都係煲冬瓜, ...

我都有相同疑問，普通話唔好，但又普教中㸃可學好中文，但其他家長又話無問題。其實我覺得本地中文會深d，就算用粵語教，都要下功夫先可學好中文，咁點解會無問題？其實係咪大家期望不一樣呢？

我都好迷茫，如果小朋友在幼稚園階段是粵教中，咁佢所有學過的中文字咪要重新學過（我指讀音）？之後又聽人分享，唔怕架，小朋友好快適應到，我不是怕佢適應唔到，而係學學下粵教中，都未學好，就轉去普教中，變到兩種都半桶水，㸃算？

洋蔥頭媽咪

bananaGi 發表於 17-8-8 12:09
我有d唔明。

咁k3上小一，中文字都未識晒， 但轉埋用普通話教， 咁佢認字會唔會好困難？

即係你小朋友小學係普教中啦。或者咁講，kg 升上小學字都識唔多，好大機會係小朋友睇書不多，字/詞係須要多睇/多寫才能慢慢累積起來，初小不用太緊張，多培養孩子看書已足夠。至於用普通話教中文，書寫文字方面其實都是一樣，只是聽/說方面會不同，初小中文課本亦不會太深，小朋友學習能力強，只要讓孩子多聽、多看普通話故事，一般很容易就能適應，家長平日在家能多些支援小朋友，學習上通常都不會出現太大問題。

little_yolky

kwokbobo 發表於 17-8-8 17:18
我都有相同疑問，普通話唔好，但又普教中㸃可學好中文，但其他家長又話無問題。其實我覺得本地中文會深d， ...

其實來來去去都係同一桶水嚟, 放心。普教中實情就係聽同講有分別而已, 有D學校無咁嚴, 講都唔係咁嚴格。況且, 中文口語, 其中一大部份係用廣東話的, 佔50%。我哋學校聆聽都係廣東話, 所以咪話無乜所謂囉。係開頭默書就麻煩啲, 因為用普通話, 小朋友一下適應唔嚟就會錯, 不過默書都係佔少分啫, 又有D學校最初會普通話讀一次, 廣東話讀一次的。至於最重要既認字、閱讀理解、作文, 乜教中都係一樣的。

洋蔥頭媽咪

kwokbobo 發表於 17-8-8 17:18
我都有相同疑問，普通話唔好，但又普教中㸃可學好中文，但其他家長又話無問題。其實我覺得本地中文會深d， ...

我諗你似乎有啲亂。粵語、普通話甚至英語，其實係不同語言，你學了英語，不等同你就會唔識粵語，同樣你學了普通話，亦不等於你會唔識粵語，你最常用的哪種語言，語景較多，那種語言你就會較優，e.g.你以廣東話為母語，當然廣東話就會最叻，但學了英文亦不會唔識廣東話嘛，除非你日後唔用廣東話才會退步。要明白學好中文同普教中其實係兩回事，普教中不一定能學好中文，你似乎有點誤會，亦有點渾亂。能否學好中文，跟是否用普教中未必有關係，小朋友用普教中能否學得好，就要視乎家長是否能支援孩子。

kwokbobo

洋蔥頭媽咪 發表於 17-8-8 19:05
我諗你似乎有啲亂。粵語、普通話甚至英語，其實係不同語言，你學了英語，不等同你就會唔識粵語，同樣你學了 ...

就是想用自己母語學中文係最好的，所以唔想普教中，但有時唔到自己揀，所以想找方法解決和配合

kwokbobo

little_yolky 發表於 17-8-8 19:04
其實來來去去都係同一桶水嚟, 放心。普教中實情就係聽同講有分別而已, 有D學校無咁嚴, 講都唔係咁嚴格。況 ...

咁你平時同佢睇書，係咪用粵語同佢讀？會唔會出現只識普通話讀音，而唔識粵語讀音？

kwokbobo

little_yolky 發表於 17-8-8 19:04
其實來來去去都係同一桶水嚟, 放心。普教中實情就係聽同講有分別而已, 有D學校無咁嚴, 講都唔係咁嚴格。況 ...

本帖最後由 kwokbobo 於 17-8-8 20:48 編輯

一、二年級會否考普通話oral？係咪仲會考拼音架？通常有冇unseen dictation？咁如果聽和講都一般，咁呢d夾夾埋埋咪會少左好多分？

就係呢度諗唔明，但家長分享都説不影響分數，㸃解呢？