其實明白, 但可以點繼續行呢?

哈利媽

如果明知小朋友資質係80+, 但佢偏偏表現出嚟係65+, 其實知道同明白佢每次失分主要係大意同臨場緊張, 見佢都知道自己嘅問題亦都會溫習(不過自律能力好低, 成日要叫), 但又仍然每次都KEEP住發生, 今年將會升小五啦 (想轉校, 但真係難, 諗深一層又唔知係咪治本嘅方法), 嚟緊嘅暑假同來年, 我真係唔知用咩方法同佢改善 (加強補習? 小四時只有數學), 又唔想迫得佢咁緊, 如果由佢繼續呢個成績, 應該係B2-B3 (我又實在擔心), 各位有咩建議呢

Jane1983

大意失分的只是數學，還是中英文都有？

shadeslayer

唔好聽D講。小學就係鬥小心，鬥紀律，咁即係正確的材料是65分。

santakit

吾好意思，我小朋友小一
我想問下樓主呢個情況，是否同初小時候底打得吾好有關?
初小時有冇發現，當時點樣應對?
如果係底吾好，有什麼野應在初小時要做定?
和有咩跡像可以及早發現?

santakit

樓主好似是九龍名校喎，成績中游都不至於band2-3 麻?

Yanamami

santakit 發表於 17-6-14 22:32
吾好意思，我小朋友小一
我想問下樓主呢個情況，是否同初小時候底打得吾好有關?
初小時有冇發現，當時點樣 ...

小唔小心似关性格多过个底打得好唔好?

brother4

名校因考得刁鑽，所以難掌握，試吓請 學校舊的畢業生私補

哈利媽

回覆 Jane1983 的帖子

其實各科都大意, 不過最弱係數學囉, 其餘中英就睇佢狀態啦, 由70-8X不等, 好飄忽

哈利媽

回覆 IloveJJ 的帖子

我都係咁諗, 所以都唔知點攪好??

哈利媽

回覆 santakit 的帖子

初小佢都係中游啦, 不過我哋又實在HEA HEA地, 見佢有8X都覺可以啦, 冇謂大家咁辛苦 (我知佢啲同學家長應該都好緊張同谷), 所以佢嘅成績係成正比嘅. 問題應該真係由佢嘅性格而引起多, 其實佢係屬於敏感,大意同缺乏自律型, 但佢又想成績好對自己又有啲要求, 其實佢都唔知自己想點), 比較明顯成績嘅問題係出現响4年級下學期

哈利媽

回覆 santakit 的帖子

都唔係咩名校呀, 其實我都唔知佢學校係咪真係深啲??我都有諗過如果佢五,六年級真係好差, 會唔會用返沙田網好啲.

哈利媽

我打算重點攪攪佢嘅自律同自信心, 希望來年幫到佢嘅臨場表現, 其實大家知唔知有咩方法同訓練可以做呢?

Jane1983

回覆 哈利媽 的帖子

數學測考表現唔及平日，一般有幾個可能，1）學識咗，但明得唔夠透徹，題目轉少少或者換個角度問，就容易答錯。2）專注力唔夠，份卷個半鐘，做到後期集中力弱，所以容易出錯。3）態度唔夠認真，無睇清楚題目，解錯題。做完晒，亦無認真check 卷。
以上幾點都唔係無得救的，你仔對自己有要求，應該有機會改善。

哈利媽

回覆 Jane1983 的帖子

多謝你, 分析得好好呀, 佢真係樣樣都有啲關事呀... 希望真係有得補救啦, 咁嘅情況補習有用嗎?

20091113

其實你都幾矛盾, 又話唔想迫, 但你個仔而家成績係中規中矩,
你又唔滿意, 又怕佢係B2-B3, 又話之前見個仔有80幾分, 就
由佢, 老實講, 你都話其他家長係好緊張, 咁人地付出幾多心機
同時間就當然成績會進步啦, 你個仔而家又唔係唔合格, 同埋你
話你個仔對自己都有要求, 咁佢其實都唔係一, 二年級, 你所講
嘅唔小心, 只有佢自己先幫到自己

哈利媽

回覆 IloveJJ 的帖子

某程度上佢真係唔夠自信, 原本一向最弱係數學 (一向數感比較弱同大意), 但下學期有一次英默好低分後, 之後好幾次連埋今次考默都變得好差 (4X - 6X), 分數係一落千丈咁 (之前英默一向都8X, 就算4上考默都有8X分), 佢依家好似逢見英默同考數學都好驚好緊張咁, 所以我覺得有啲關自信問題囉...

哈利媽

回覆 20091113 的帖子

你又講得啱呀, 我真係好矛盾, 就係唔知應該點做, 所以咪問吓大家嘅意見囉

YolandaTam

Jane1983 發表於 17-6-15 09:55
回覆 哈利媽 的帖子

數學測考表現唔及平日，一般有幾個可能，1）學識咗，但明得唔夠透徹，題目轉少少或者 ...

可唔可以加多一項：發卷瘟，即係自信不足，臨場緊張。