『維也納海外生』交流

家熹媽咪

小兒上年去了維也納升學，當時14歲，Repeat了一年讀Year9，自己一個住，想認識一下有孩子在維也納讀書的家長！無論是中學或是大學～

16-6-24 23:33 上傳

下載附件 (55.71 KB)

家熹媽咪

123BB

請問如何申請維也納寄宿中學? 可以講多d嘛?

家熹媽咪

其實香港冇中介公司做維也納中學生的，上年因為我個仔既同學仔去維也納讀書，我先能夠接觸倒昨！我用緊既中介超差，所以我都5推介比你喇！正因為此，所以想搵家長交流吓😔

123BB

回覆 家熹媽咪 的帖子

可以講下每年要幾多錢嗎? 學費、住宿同埋其他洗費, 唔該。

家熹媽咪

一年駛費係25－28萬，其實好視乎你讀邊間學校，住咩地方，如果慳慳地，其實18至20萬應該都可以的。

我仔仔上年過去讀，原本應該係讀Yeah 10 ,但係因為奧地利母語係德文，我個仔又從來都未讀過德文，所以最後決定重讀一年，再喺果邊搵補習。

奧地利有好多學校都唔使錢，就算5係當地人都好，只要你考得入，而間學校有收你嘅，都可以享有免費教育！

上年四月我同個仔飛過去Interview，我哋見到三間學校，一間係公校（免學費） ，兩間係直置，其中一間係IB學校，學費分別為€2XX及€5XX。

非常幸運，三間學校都收咗小兒！其中一間仲係125年嘅老校添！

123BB

家嘉媽, 你真係叻, 奧地利都俾你搵到學校, 咁你仔仔成績應該都唔錯啦, 我之前曾經叫過我個女學德文, 日後可以去德國讀書,但係佢唔中意, 其實我比較中意歐洲, 但又真係冇乜agecy做歐洲既中學, 請問你仔仔考既入學試係唔係香港考? 使費25-28萬其中學費係幾多錢一年呢? 唔好意思咁多問題, 麻煩你啦。

家熹媽咪

123BB
其實真係啱啱遇着剛剛，天時地利人和三樣嘢同時間出現，所以先做就呢一次過機會！個agecy係我個仔個同學仔媽咪介紹嘅，因為香港冇agecy做奧地利中學留學生，所以輾轉要搵中國大陸嗰啲中介公司，但係呢間中介公司超級唔掂，未過去之前乜嘢都話得得得，過咗去之後，你想搵佢都好難，好在平時自己訓練有功，阿仔一嬲都獨立開，如果唔係真係幾大獲！

語言呢家野真係冇得迫，如果佢自己想嘅話，你唔叫佢自自然然都會去學，最緊要係你同佢溝通嘅時候，唔係逼佢去學，只係分析俾你聽點解要學多個語言，當佢接受左之後，佢就自自然然會死心蹋地去學好語言。

至於學費方便，真係好睇你揀啲咩類型學校讀，公立學校係全免嘅，聽講奧地利有90％嘅公立學校，只要你考得入都係唔使錢嘅（我指嘅係中學），直資學校就由€3000／一年 ～ €30000／一年都有，我個仔因為喺香港讀開lB，雖然三間學校都收咗，但係我哋因為唔想佢讀得太辛苦，所以放棄左間傳統學校，揀返讀lB，阿仔學費上年€6000／一年（交12個月學費），今年升Yeah10 學費都會微調，但係唔會爭太多，一個月都好似係多幾十蚊€！

123BB

家嘉媽, 資料好詳盡啊, 唔該你! 學歐洲語言既重要性我已經解釋俾我女女聽架啦, 依家等緊佢主動開口要求學! 你d資料好有用, 我又了解多樣野啦, 不過, 我認為應該可以自己直接聯絡學校, 唔需要經agency架。

家熹媽咪

原帖由 123BB 於 16-09-09 發表
家嘉媽, 資料好詳盡啊, 唔該你! 學歐洲語言既重要性我已經解釋俾我女女聽架啦, 依家等緊佢主動開口要求學!  ...

或者我咁講，如果係歐洲中學來計，佢哋嘅英文水平唔及英、美、加、澳，因為我個仔Interview果陣，要以全德文對答，加上家長亦都要在場，之所以要搵agent，係因為佢哋會喺中間做溝通同翻譯，當校長問我既時間，我只能夠點頭微笑，然之後靠翻譯幫我，當然呢個問題暫時我只知道係維也納係咁，其他地方我都唔係太清楚。

至於考入學試，嗰邊就冇呢一樣野， interview完之後，有啲學校會即時話比你聽佢哋收唔收你，有啲學校就會過一兩日先通知你，當然係要個人親身飛返去啦！呢一點我覺得比英、美國好，因為佢哋係網上做卷，網上Interview，我個人覺得非常十分之兒戲，卷可以再做，webcams 後面可以有貓紙，我見身邊有好多人去英國讀書，只係填左啲資料，交左啲成績表，係咁以做一份paper ,跟住就話收咗！我冇諗過係咁草草了事～

123BB

回覆 家熹媽咪 的帖子

我女英文已經好好, 所以我想佢學多一門外語, 亦有恐嚇佢只會供佢去歐洲讀書, 英文國家唔考慮,   
我其實有留意德國一間IB寄宿中學, 一年3萬幾歐羅, 可以自己經佢校網申請, 親身過去都冇問題, 其實可以當旅行, 不過因為今年去過德國玩左十幾日, 食唔慣, 佢情願留香港都唔去德國讀書,  當然時機成熟我都鼓勵佢去歐洲既。家嘉媽, 請問你仔仔係自己一個人租屋住? 佢自己洗衫煮飯? 依家德文係唔係已經好流利?

梁媽媽

回覆 家熹媽咪 的帖子

請問你仔仔住在學校? 還是寄宿家庭?

家熹媽咪

123BB 發表於 16-9-12 10:21
回覆 家熹媽咪 的帖子

我女英文已經好好, 所以我想佢學多一門外語, 亦有恐嚇佢只會供佢去歐洲讀書, 英文國 ...

仔仔過去時本來係住大學生宿舍，點知住咗三個月之後，監護人通知唔可以再住，原因係我個仔唔夠16歲（嗰陣佢啱啱足15歲），後來個咁監護人Sale我哋住中學生宿舍，我哋兩公婆同個仔都唔係好想，所以最後決定租屋住，佢而家自己一個人住，洗衫煮飯、吸塵拖地等家務都係自己一個人做，同住宿舍比較，佢會比較鍾意自己搬開住，因為大學生宿舍太熱鬧，樓上樓下，隔離左右D學生成日開P～

我上年陪個仔過去Interview嘅時候，都覺得自己好難適應，啲嘢食好多都係凍冰冰，但係反而我個仔超級鍾意

維也納9月5號出咗直航，你可以考慮吓下次去維也納走一轉，真心講句除左食嘢之外，維也納的而且確係生活指數最好嘅地方，難怪佢連續七年都成為全球生活指數最好嘅地方！

讀左一年德文，而家都算唔錯，可以自己去做護照，攪學生簽證，當然～仲有好大好大嘅進步空間啦

家熹媽咪

梁媽媽 發表於 16-9-12 17:26
回覆 家熹媽咪 的帖子

請問你仔仔住在學校? 還是寄宿家庭?

梁媽媽，家熹依家係自己一個人租屋住的，生活上所有細節都係自己處理！

123BB

回覆 家熹媽咪 的帖子

你個仔真係叻叻! 如有需要我再麻煩你, 家嘉媽, 第日你仔可以做ageny幫手翻譯喎

家嘉媽, 請問你仔仔係唔係音樂好好?

smellycat

家熹媽咪，你仔仔好叻，咁細個就自己獨立租屋住，我18歲時都去咗維也納讀書，不過係讀大學。我想問下你仔仔間IB嘅學校，學校主要語言係英文還是德文？

家熹媽咪

123BB 發表於 16-9-19 09:42
回覆 家熹媽咪 的帖子

你個仔真係叻叻! 如有需要我再麻煩你, 家嘉媽, 第日你仔可以做ageny幫手翻譯喎:happ ...

講真我都有咁同佢講第時喺嗰邊做德語翻譯都幾好！

我仔音樂一般，主要係佢唔係主修音樂，嗰邊有好多華人問我，個仔係咪主修音樂，我一答唔係佢哋都覺得好奇怪

講真，我都唔知點解明明唔係讀音樂，但係又會揀維也納

家熹媽咪

smellycat 發表於 16-9-19 20:40
家熹媽咪，你仔仔好叻，咁細個就自己獨立租屋住，我18歲時都去咗維也納讀書，不過係讀大學。我想問下你仔仔 ...

Smellycat ：

家熹果間學校Year11 之前都係以德語做主語，Year12,13 就半德半英！

但佢D老師好好，知道佢德語5好，都會用英文再講一次比佢聽

可否分享一吓果陣妳讀書所遇呢？妳？係咪主修音樂

smellycat

係，我去讀音樂的。維也納幾適合讀書嘅，冇其他城市例如London, New York 咁多資多彩，學生讀書會專心D. 不過我覺得奧地利人唔係好講英文，會逼住自己好快學識德文。

家熹媽咪

smellycat 發表於 16-9-20 00:22
係，我去讀音樂的。維也納幾適合讀書嘅，冇其他城市例如London, New York 咁多資多彩，學生讀書會專心D. 不 ...

我上年陪個仔去interview時，又覺得OK喎～都好多人講英文。

當初之所以揀呢間學校，係因為我哋唔想個仔讀得太辛苦同埋太大壓力，傳統學校99％係德文教學，人哋未必會停係度逐句逐句教你，所以我選擇俾錢繼續讀ib，點知返咗學之後先至知道原來半德半英，係要等到Year12 (emoji) 但係好好彩嘅係，呢間學校啲師資幾好，老師們都好肯講英文，D土生土長既同學仔又肯教佢，所以佢D德文都進步得好快

咁你係咪讀完書之後就返咗嚟香港呀？仲有冇同嗰邊啲朋友仔或者同我仔聯絡呢？