原來放學做兩個小時功課是正常?

abioole

係唔係正常呢?
每日返8小時學, 放3點鐘到, 再補習到5點, 食飯, 洗澡, 加搭車上上落落, 課外活動等等, 我估起碼可能攪到7點, 跟住再做2個小時功課,可能仲要上吓網, search資料, 做吓project咁.  小朋友咁既生活究竟係為咗咩呢?  

究竟d學校辨學理念係咪轉哂呢?究竟佢地係咪想收一個社交手腕好叻, 再加入到學校唔洗佢地教就已經有高一班既質數,  跟住又可以為學校攞獎, 幫學校爭光.  

面試趣事:
(一)
老師問: 小朋友, 如果你有三個願望, 你會點樣用呢?
小朋友答:  第一:我想入拔萃!  因為daddy mami鍾意.  第二:我想要好多玩具, 第三: 我想可以講大話.
老師問: 小朋友, 但係我地依到唔係拔萃學校喎?
小朋友答: 所以我第三個願望咪想可以講大話囉!

結果點?  緊係唔收啦!

(二)
老師問: 小朋友, 如果有小朋友搶咗你手上既玩具, 你會點做呢?
小朋友諗一諗: 老師, 我會搶返囉.  因為果個玩具係我既.  
老師問: 小朋友, 你無學過分享咩?
小朋友諗一諗: 老師,但係如果有人搶妳銀包, 妳會唔會搶返? 玩具就好似係我既財產一樣, 我緊係要保護佢啦.

結果點?  緊係唔收啦!

<capture from on.cc>
「搞到下一代咁辛苦為乜」
湯續稱，兒子日常功課很忙，根本無時間休息玩耍，稍後將向家教會反映，並說：「我教仔要求唔高，就算考試考得唔好，都唔敢畀壓力佢，只會教佢積極面對，始終人生仲有好多考試。」他得悉有學童自殺感到很不開心，慨嘆：「講真小朋友咁細個，處理壓力嘅能力有幾大？現行教育制度只重視成績令人好心淡，搞到下一代咁辛苦為乜呢？」

另一名家長董太指，該校大部分學生放學後都會到補習社做功課，坦言：「好似我個女咁，每日放學去補習，返到屋企食完飯就繼續溫習，無辦法啦，大勢所趨，我怕萬一放鬆咗追唔上呀！」該校校長劉惠明回應時稱，該校功課不算多，通常每天約有四科共八項功課，若學生專心做功課，兩小時便可以完成。

http://the-sun.on.cc/cnt/news/20111115/00407_002.html

YolandaTam

我囡(名津校二年級)都係用1個鐘頭做功課咋喎!佢話緊三年級以上ar???

daisy17772

2 hrs for 8 pieces of homework provided that they're not been done in the school, normal la.

patrickBB

專心都要做兩個小時功課, 緊係多. 唔專心咪死, 等如你叫我放工再做三個小時OT, 重要日日OT, 我都唔知生活為咩.