2010 朱昌幼稚園畢業生家長討論區

schulung

大家講下對小一有用的information啦

schulung

我個女就讀仁立, 你小朋友黎緊讀邊間?

mickey_ip

我之前都為了小一叩門而十分煩惱,因為頭三位都抽唔到,搞到屋企人都覺得我好燥!!!

schulung

Mickey,

你小朋友會讀邊間呀,一齊分析下呀

mickey_ip

我個小朋友讀荃灣浸信會聯會小學,可能比較少人會講.

schulung

不錯的小學呀,我朋友的女女讀得好OK

mickey_ip

我選呢間學校都希望小朋友讀得開心,因為我知道呢間學校係活動式教學,唔係咁死板,我都希望佢每日都開心返學,開心放學

mickey_ip

十分贊成,就算少左一方面都會無咁好,但係做家長既責任就重大啦!!我而家都係度學習緊,同小朋友一齊學習,因為有時自己以為好"口岩", 點知從小朋友個角度諗番就完全兩回事啦!
你個小朋友暑假係咪都好忙呢??暑期班應該開始啦卦??

mickey_ip

嘩!!你兩個囡囡都好忙吖!我個囡囡就報咗星期一至五返荃灣間明愛,(其實個課程都係以玩為主,仲有d手工藝,音樂等)
佢上年都有參加,覺得好開心,所以今年都想再參加囉,星期一佢學琴,星期二學普通話(呢兩樣都係老師上門),星期六就返英文,以前佢學phonics,但學咗二年而家轉咗Cambridge,因為學英文都學咗成三年几,所以我一路都keep住比佢讀,學你話齋,多d接觸,等佢無咁陌生,當然都係要佢自己鍾意先至得,始終上堂係佢,如果無心机,就算我再比佢學埋其他,都係白費心机!!

mickey_ip

我係荃灣愉景新城 Applause (A+)讀,因為以前Phonics都係呢間讀,都讀得几好,所以就繼續報讀呢間,而且學費方便比起其他中心較為适中,其實我之前都想報讀Oxford Reading
但亦都想睇吓囡囡吸收到几多有關Cambridge課程,所以等佢考左Starter 先再決定囉!!

lydia.S

朱昌幼稚園真是一間好學校，回想當初我個小朋友選學校時，真不知找那間才好，剛剛經過見老師親切，又多東西學，所以決定入這學校，之後，每當經過學校他都想走入去，想不到不之不覺巳三年啦！我自己都吾舍得，何況我個小朋友呢？
我無法忘記班主任和老師對各小朋友那種悉心指導、循循善誘和盡心盡力的教導，令我銘感五內。 有幾次晚上經過學校，學校的燈還是開住，第二天問老師，老師說他們有時要做學校的東西到十一／二點，我說你們辛苦啦！ 他們說為小朋友作的是值得。 所以我時常和我個小朋友講：做人不能忘本，老師花這麼多心血去栽培你，令你學到知識，一定要多謝他們。
回看過去很多開心的片段，我很喜歡去學校親子大旅行，那些地點很好，有些是可以放風箏、看動物、看植物；有些去拾貝殼和燒烤；有些是去沙灘，還有堆沙比賽，真是回復童真。學校還舉行很多親子比賽，我就志在參與，因我巳贏取我和我孩子的關係（用錢都買唔到）。還有家教會舉行的活動，真是有聲有色，我穫得的比我作義工還要多，所以話家校合作是很重要。
最後，多謝校長和主任在他們的領導下給孩子們一個五星級的幼稚園，你們取得優質幼稚園，實為實至名歸。

祝願校長、主任、各位老師身體安康！桃李滿門！

[ 本帖最後由 lydia.S 於 10-7-21 15:52 編輯 ]

lydia.S

有幾次老師到晚上十時才致電給我，真是辛苦，人工又吾算多，工時又長，教導小朋友又要用很多心力，有時還要讀書,將心比心，自己也不一定做到，為甚麼我們不能與以認同？認同老師的身份，認同她們的付出。所以我說家校合作是很重要。