小二,我可以放手了嗎?

grace_xian

先呻下:
囝由九月升小二到現在, 我要求他自己每天檢查功課, 包括是否全部做完, 跟着手冊上逐項睇, 以及是否做完後自己檢查功課是否正確,如當天功課全部完成及正确, 獲發星星一顆,集齊十顆,獲發獎品。
但是直到今日, 只得到三顆星星。

今日學校中文默書, 平時一得閑, 做完功課我都會同他默, 因為呢二課中文特別多生字及詞語,我都覺得比較難, 中秋國慶放四日假, 我有二日整天同他默,呢二日都係除了做功課就是同他默書, 今早又同他溫下啲詞語, 點知都唔係百分百. 上學前我睇佢的筆袋, 竟然發現啲铅筆没有刨, 枝枝都係秃的, 問他知唔知自己要默書, 要寫字,點解又會搞到文具咁, 小一時原本學校有铅筆刨, 小二之後唔會在課室擺放筆刨, 我真係火都嚟, 見到佢的背影, 真係難掩我深深的…失望。

首先我想講下囝在小一呢我跟成足,由功課到測驗, 考試,他也絶對唔係一個笨小孩,成績在小一都係中上, 但我嬲佢無心機係學習上。

我唔知點講, 我決定由今日起放手,除了溫書小測及測驗,不再檢查他的功課, 任由他錯, 任由他自己改正, 任由他收拾書包時漏嘢,任由他被老師罰

各位媽媽, 我咁樣做對嗎, 好嗎?

晴晴的媽媽

原帖由 grace_xian 於 09-10-9 09:10 發表
先呻下:
囝由九月升小二到現在, 我要求他自己每天檢查功課, 包括是否全部做完, 跟着手冊上逐項睇, 以及是否做完後自己檢查功課是否正確,如當天功課全部完成及正确, 獲發星星一顆,集齊十顆,獲發獎品。
但是直到今日,  ...

Hi grace_xian,
我囡囡都係今年升小二，我都有幫佢睇下功課，不過就要求佢要在我下班返到家前做好，check功課唔係幫佢手做，而是要睇下佢那部份課文不明白，不明白才會做錯，再細心同佢解釋一下，免得錯的知識延續下去。我個人不認為一刀切一定有效，作為家長，我地是在他們背後，幫一幫，提點一下，培養佢地有責任心，最起碼要緊張自己要辦的事。幾時放手，就要睇小朋友的責任心。
好似昨天我囡囡告知我佢唔見了手冊，我沒有很緊張，只是輕描淡寫叫他自己返學校再找一下，佢即刻表現緊張過我！

晴晴的媽媽

grace_xian

晴晴媽媽:

好多謝你的回應

我都想囝緊張過我, 咁我是否應該表現出不那麼緊張就可以做得到呢?
仲有咩嘢方法, 你教下我

原帖由 晴晴的媽媽 於 09-10-9 09:28 發表


Hi grace_xian,
我囡囡都係今年升小二，我都有幫佢睇下功課，不過就要求佢要在我下班返到家前做好，check功課唔係幫佢手做，而是要睇下佢那部份課文不明白，不明白才會做錯，再細心同佢解釋一下，免得錯的知識延續下去。我個人不 ...

HIN2003

原帖由 grace_xian 於 09-10-9 09:43 發表
晴晴媽媽:

好多謝你的回應

我都想囝緊張過我, 咁我是否應該表現出不那麼緊張就可以做得到呢?
仲有咩嘢方法, 你教下我

我囝囝而家p.1, 我都有諗過幾時放手的問題.
拾書包已由他負責. 我只是間中check 下.
手冊&做工課就每天都跟, 佢留空唔識做會教佢, 有d佢自己已做, 有時會check, 有時無睇. 如無睇ge錯左, 老師用紅筆mark 左, 我會再解釋一次, 因我覺得要比返個責任佢, 老師mark一次好過我講10 次.
評估&考試就要同佢溫, 因始終會show 係成績表.
可能小三會放手試下叫佢自己溫, ok就繼續自己溫. 唔ok就要繼續幫佢, 因小五就要呈分.

IRON

我仔仔小三, 老實講, 我都未完全放手. (可能咁講會俾人插!).

諗返起小一, 真係事事跟足; 到小二, 溫習同做功課既模式已成習慣, 我開始放左少少手, 不過, 平時寫中文字詞我見錯都唔會提, 因老師改返黎會印象深刻.

而家小三, 第三週試過成個音樂袋無帶, 我又唔提, 俾老師手冊蓋印仔, 之後佢執書包就見小心左.

佢做功課時, 我會一齊坐, 我做自己野, 查實係時不時"及"下佢, 佢既感覺係好似睇書時父母陪伴一樣, 到做好時就俾我check, 搞掂晒就刨筆執書包執好台, 如有默測就自己溫下, 我再同佢默. 之後洗手彈琴, 睇書.......呢d已成"例行公事"時, 一切就會成為習慣, 當然我覺得父母既鼓勵係好重要, 佢彈琴時我會坐梳化欣賞, 適當時拍下手掌; 玩電腦時我又會一齊玩.

Terry280905

原帖由 grace_xian 於 09-10-9 09:10 發表
先呻下:
囝由九月升小二到現在, 我要求他自己每天檢查功課, 包括是否全部做完, 跟着手冊上逐項睇, 以及是否做完後自己檢查功課是否正確,如當天功課全部完成及正确, 獲發星星一顆,集齊十顆,獲發獎品。
但是直到今日,  ...

您們放到手的就好要放啦!
如果唔係好似我咁到現在P.4, 都要幫佢, 唔知幫到幾時?

grace_xian

iron:

你支持我, 我決定咁做了, 希望多啲媽媽支持我, 我一步一步來達到我的目的

的确老師改番來他印象深好多, 同埋我都有漏眼的時候, 他仲會話媽咪你都没睇到,

再咁落去, 我幾時才可以放下手?

原帖由 IRON 於 09-10-9 10:31 發表
我仔仔小三, 老實講, 我都未完全放手. (可能咁講會俾人插!).

諗返起小一, 真係事事跟足; 到小二, 溫習同做功課既模式已成習慣, 我開始放左少少手, 不過, 平時寫中文字詞我見錯都唔會提, 因老師改返黎會印象深刻.

...

G-Ma

我囡囡小二開始我就已經盡量放手, 因為我好怕我緊佢唔緊, 宜家係佢讀書唔係我讀, 我希望佢盡早明白呢個道理.

執書包 - 自己執, 我唔會幫佢check
功課 - 要盡量自己做, 唔識可以問, 但我唔會幫佢check有無做齊
默書 - 自己溫, 然後錄音自己默, 默完比我改
通告, 手冊 - 要佢自己比我簽, 我唔會自己去搵嚟簽名, 無比我簽就係佢既問題, 比老師罰都係佢自己承擔

測驗考試 - 暫時唔敢完全放手, 不過都係佢自己溫完, 我出卷考下佢咁.

Rattie

我囡嘅進度同你囡差不多.低小時開始試易攪d.

原帖由 G-Ma 於 09-10-9 11:13 發表
我囡囡小二開始我就已經盡量放手, 因為我好怕我緊佢唔緊, 宜家係佢讀書唔係我讀, 我希望佢盡早明白呢個道理.

執書包 - 自己執, 我唔會幫佢check
功課 - 要盡量自己做, 唔識可以問, 但我唔會幫佢check有無做齊
默書  ...

grace_xian

想問問怎樣錄音, 係咪聽一句然後再暫停又默?

多謝分享

原帖由 G-Ma 於 09-10-9 11:13 發表
默書 - 自己溫, 然後錄音自己默, 默完比我改

grace_xian

你是用錄音筆、電腦還是別的?

謝謝~

原帖由 grace_xian 於 09-10-9 12:53 發表
想問問怎樣錄音, 係咪聽一句然後再暫停又默?

多謝分享

grace_xian

我們用現代是有的, 但好像不太方便, 因為家里只有一部電腦, 如用其他的可能更好一些, 所以想知道

原帖由 belle 於 09-10-9 13:04 發表
我個仔本中文書(朗文)在它出版社的網站有每一課的朗讀版, 不用自己錄.  or 你們的中文書可能都有

yovin

一般男孩子會比同年齡的女孩發展較遲。
細B就更加!

所以囡囡會進度較快，樓主不要把仔仔用女孩子的進度去教。:)

Little_cy

我囡囡依加都係小二, 我都未可以放手, 因為我好怕我緊佢唔緊, 不過好似執書包 - 自己執; 功課 - 要自己做, 唔識先至問; 手冊都係要佢自己比我簽, 不過佢有時都會吾記得, 我會提佢今日有咩野要我睇呀;

測驗考試 - 真係完全未可以放手, 試過佢吾話我知, 原來學校做溫習卷, 結果得68分番黎, 平時一定吾會咁, 錯就錯埋吾小心既野.

[ 本帖最後由 Little_cy 於 09-10-9 17:10 編輯 ]

yovin

十分同意!
自己的私人時間已所剩下不多了，工作+兩個仔，好累，但一定要盡力做個盡責的好媽媽!不要讓自己老來後悔!

原帖由 晴晴的媽媽 於 09-10-9 09:28 發表


Hi grace_xian,
我囡囡都係今年升小二，我都有幫佢睇下功課，不過就要求佢要在我下班返到家前做好，check功課唔係幫佢手做，而是要睇下佢那部份課文不明白，不明白才會做錯，再細心同佢解釋一下，免得錯的知識延續下去。我個人不 ...

mandee2621

個個人的特質唔同,才能亦唔同,唔可能比較的, 是要適合自己的孩子 , 別人的教法,都只能夠用來反思自己的教法!

grace_xian

多謝好好的意見
我會試一試 如果没有進步咁自己會收緊啲
如果有進步, 咁就大家開心

原帖由 yovin 於 09-10-9 13:59 發表
一般男孩子會比同年齡的女孩發展較遲。
細B就更加!

所以囡囡會進度較快，樓主不要把仔仔用女孩子的進度去教。:)

G-Ma

開始時用電腦錄, 後來想方便d買左之錄音筆比佢.

係聽一句, 停底再默.  有時佢自己好似老師咁, 每句讀兩, 三次, 咁就唔洗成日停.  仲可以訓練埋佢地"讀"書, 又唔洗自己勞氣, 佢地又覺得好玩d.

原帖由 grace_xian 於 09-10-9 12:53 發表
想問問怎樣錄音, 係咪聽一句然後再暫停又默?

多謝分享

grace_xian

G-Ma:

thx so much~

我想先用現代本身的錄音, 下學期再試錄音筆

原帖由 G-Ma 於 09-10-9 14:38 發表
開始時用電腦錄, 後來想方便d買左之錄音筆比佢.

係聽一句, 停底再默.  有時佢自己好似老師咁, 每句讀兩, 三次, 咁就唔洗成日停.  仲可以訓練埋佢地"讀"書, 又唔洗自己勞氣, 佢地又覺得好玩d.

...