細B再讀小一

happyellow

想問問大家,

本人小朋友係超細B, 今年考小一全部唔成功,
大抽獎有小學

想試試黎緊再面試
2627再入學報名直資/私小一,
你地有遇過這些case嗎?
小學(直/私) 會否扣分? 因再報小一

beibei15

識人/聽過小朋友細B本身分別讀緊DBS/SFA小一都考到入SPCCPS repeat 小一

HK-CR7

如果target一線小學或神校 升小係最容易 超大更有優勢 之後插班只會越黎越難 比我就一早K1已經做超大 實在有太多細B家長自信心太強 諗住照考左先 衰左再考 但其實越遲repeat對小朋友越大影響 佢自己會唔開心的

tummypooh

呢個情況，我試過。我女係12月超細B。
幼稚園時期係自由放養型，基本冇操練過佢。
第一年考直私小，完全唔使諗，去到同人地差左成一歲咁滯。

我記得我當年都有出個POST講呢個情況。你有興趣可以搵返黎睇。

絕對唔建議重讀K3，浪費時間。
順其自然讀大抽獎間小一、小二插班心儀學校定重讀小一，個個小朋友性格能力不一，要自己諗下了。

Godark

回覆 毛毛手 的帖子

我都發現我小朋友其實好簡單，佢對自己亦頗有信心同決心，能力似乎也很不錯，所以我決定跟佢行！前幾日，我同佢講唔係我對你冇信心，係我對我冇信心，要考全級第一，佢話佢可以喎。
佢今日途經我的大學，同我講話要入呢間。
拭目以待！

毛毛手

我唔建議重考小一，原因係小朋友已經有思想有記憶。佢會諗自己係咪好差所以要重讀小一，而且呢一年識左d好朋友又斷哂。超細B重讀K1都唔好重讀小一

我女都係細B, 11月出世，小一期終試全級第6/10x，亦有個同學12月30日出世，小一全級前20，冇話細B一定輸。

libra2018

Godark 發表於 25-7-21 21:15
回覆 阿厘爸爸 的帖子

多謝你嘅鼓勵，其實呢個都係我一直對小朋友嘅鼓勵，而佢亦都係做到！

做細B 考小一offer 多唔多 同 做細B 小一（小學）讀得好唔好其實係2回事。

考小一過程係面試為主，小朋友年齡同性格好大影響。
讀小一（小學就係睇考試分啦）係講小朋友專注力、吸收力、自律性…

msnake_mama

shirleyandchu 發表於 25-7-19 15:09
識人係讀緊私立小一， 再報考直資小一

見過有直轉直 （英華/tsl小一去db小一）
津轉直（聖彼得/mcs小一去聖保羅男女小一）
津轉私（天神小一去dg小一）

yauchuchu

spccps每年都有收repeat小一既學生，只要表現好，神校都唔會介意

kpc2015

要讀好小一, 如再考小一直資, 可能會睇成績表. 細b因合乎年齡, 可以考多次小一, 如入到心儀龍校避開呈分試, 我覺得讀多一年值得.

wingfly6688

Godark 發表於 25-7-21 19:43
回覆 wingfly6688 的帖子

另外，佢個小學生涯與同班同學仔相處如何？會唔會唔啱玩 ...

我小朋友都係後補入，入唔到都諗過去私小，但入中學都係6年後既事，唔會話太擔心。你都話小朋友學術運動音樂都唔錯，未讀就無信心？升中亦不如小學派位唔睇成績，只要努力，去B1中學唔難，神校就難講。

細B讀男女校問題小D，同學亦有幾個 9月後細B，讀男校就要諗諗。
建議讀好小一先再考慮係咪要轉都未遲，咪照先申請心儀既直私，有得Interview 照去，到時睇下小朋友進度點再決定，

Godark

回覆 阿厘爸爸 的帖子

多謝你嘅鼓勵，其實呢個都係我一直對小朋友嘅鼓勵，而佢亦都係做到！
係，對佢及未來要有信心，入到好嘅中學都唔代表入好嘅大學，入到入好嘅學科都唔代表做到幸福的人，最緊要自己有信心，過得開心就凡事都會做得好。相信呢個都係學校，同埋我屋企人苦口婆心勸我唔需要人云亦云的原因。

不過話說回頭，點解我唔肯定，係以前做大B係真係會俾人笑，但係而家好似冇咗咁嘅事，反而做細B好似變咗另類。其實我都覺得如果間學校要大B先收，證明佢唔係一間真正的學校，只係想要業績。如果要我叻先收我，我諗我入咗都唔會開心，亦都好難超越到框架之中的叻。

只可以講人望更高處，唔需要局限喺香港普遍名校及家長活在井底的思想。

多謝大家分享。

阿厘爸爸

當年我讀高主教小學，同班有個大我哋9個月嘅同學⋯我哋改佢個花名叫「潘高瘦」（取其某一商品名稱讀音）⋯由小二講呢個花名講到小六

我想講超大B有超大B煩惱⋯超細B亦一樣

既然學校收得你個小朋友（超細B），你都要相信學校老師有處理過相關情況嘅經驗⋯

除非校方要求小朋友留級⋯或老師表示佢跟唔上進度，否則唔好輕易主動要求重讀

小朋友係自己嘅仔女，要對自己仔女有信心，如果對自己仔女無信心，咁呢個世界都唔會有人覺得小朋友「係得嘅！」

做父母要對自己有信心，仔女係睇父母「馬首是瞻」

Godark

回覆 wingfly6688 的帖子

另外，佢個小學生涯與同班同學仔相處如何？會唔會唔啱玩

Godark

回覆 wingfly6688 的帖子

咁請問如果你個小朋友，假設佢唔喺龍小，你有冇信心佢可以考到唔錯嘅中學？小學插班我就真係冇信心，唔係對佢，係對我…

wingfly6688

Godark 發表於 25-7-21 10:35
回覆 阿厘爸爸 的帖子

我俾得佢做細b就係佢ok，但原來班上大部份小朋友係超大b.. 家長一早已安排小朋友遲 ...

基本上細B, 小一到小三比大B都會差小小，超細仔就最蝕底，但到5，6時級已經差距不大，大B女語文上仍有少少優勢。

但上中學後就年齡差異產生既優勢已經唔存在，我個11月細仔，有幸入到入龍校直小，升到中學已經係級前，中二考IELTS已經考到8分，努力比年齡重要好多，唔好睇小自己小朋友，環境配合，家長積積幫助小朋友學習既細B都唔會輸好多！

kpc2015

經大抽獎註冊了小學, 唔可以再抽獎. 但可以考直資或私校. 學校當然會考慮小朋友是重讀. 而且, 小朋友亦未必喜愛重讀. 除非再報是非常心儀或者是龍校, 我認為這樣才值得.

Godark

回覆 阿厘爸爸 的帖子

我俾得佢做細b就係佢ok，但原來班上大部份小朋友係超大b.. 家長一早已安排小朋友遲入學..
他學習上如學術體育音樂等等其實很不錯，我亦都唔理學校點睇，但發現與同學相處時，自信及社交上反而有點壓力，因為係「少數」..

所以想知道有冇過來人（有超大/超小的小朋友現在讀緊小學/中學的）可分享一下，佢哋學校生活狀況係點，以作參考決定需否重讀，謝謝

wingfly6688

happyellow 發表於 25-7-18 14:38
想問問大家,

本人小朋友係超細B, 今年考小一全部唔成功,

咁快考慮重讀咁你點會投入去同小朋友一齊努力去讀好個小一呀？
不如努力呢兩三年，去到三，四年班，大細B 差異減少既時候再去插同級名直/私啦。如果跟得上，無理由去讀多年。

阿厘爸爸

Godark 發表於 25-7-21 05:18
回覆 阿厘爸爸 的帖子

類似情況，但學校同家人（心儀學校聯系幼稚園/家長）都不建議我小朋友這樣做，主要 ...

如果我係家長你呢個情況，我唔會俾小朋友重讀小一，因為去到小三或小四，小朋友自己會覺得奇怪自己點解會比同班同學大一年，亦都會有可能同班同學也會因此覺得奇怪；所以基本上為咗防止呢類情況出現，唔會俾自己小朋友重讀小一 （除非學習進度追不上，才會選擇重讀）