(新手一問 )請問直資小學優點?(甚麼比津校吸引)

暴龍Daddy

(新手一問 )請問大家選擇直資小學除部份為一條龍外 ,還有甚麼直資比津校吸引?

ok3

hha 發表於 22-8-27 10:01
英國政府中小學就係就近入學，咁係咪冇名校區？你嘅假設係認為學校唔會為小朋友增值，依家香港官津小學七 ...

其實去返問題嘅核心，咪就係家長囉。如果大家要追名校，莫講話7成，就算10成就近入學又如何，家長一樣會搬去該區。不過你講出個重點，就係九龍塘啲學生比起天水圍嘅點解會叻啲醒目啲，咪就係因為住九龍塘嘅人普遍較富有，多資源培育個小朋友囉。

hha

ok3 發表於 22-8-26 21:22
咁幾時都係有錢就多選擇啦，外國你有錢一樣可以讀私校或IS. 如果可以做到全部就近入學，久而久之每間學校嘅 ...

英國政府中小學就係就近入學，咁係咪冇名校區？你嘅假設係認為學校唔會為小朋友增值，依家香港官津小學七成學位都係同區就學，跟random次序優先入讀，以你理論應該全部官津小六學生都係一樣水平，結果呢？！點解有一二三線學校分咗出嚟？！家長自己有冇分名校區？！

另外，九龍塘比起天水圍上水d學生未必聰明d，但我相信普遍會醒目d叻d，係因為家長背景/成長環境質素/朋輩等一定有影響，唔係單單住入去就聰明d。

lot888

我有唔同睇法，這只會增加搬屋率，大家衝去名校區入讀當區名小。益咗地産經紀。這假設其實跟政府政策類似，希望各區有私樓公屋，拉近各區財富距離，但成果不理想。現實是有錢都想住半山，追求優悅感。

ok3

hha 發表於 22-8-26 18:05
咁就會變咗有錢有得揀，有錢嘅人可以隨時搬屋貼近心儀名校入學。

咁幾時都係有錢就多選擇啦，外國你有錢一樣可以讀私校或IS. 如果可以做到全部就近入學，久而久之每間學校嘅成績就會拉返平均啦。到時何來有名校/名校區？你估住九龍塘嘅學生真係會聰明啲咩？！

lopoto

Gud567567 發表於 22-8-26 15:16
津小最差就係個呈分試, 好大壓力!

呈分試唔係津小先要考喎，無一條龍的直私咪一樣要考

e.g. 油尖旺區，讀 油天 同 讀陳守仁 都一樣要考呈分試，壓力其實差唔多

fwstides

Gud567567 發表於 22-8-26 15:16
津小最差就係個呈分試, 好大壓力!

也有不少龍津，如不是band3基本上都可直升
壓力不是那麼大

hha

ok3 發表於 22-8-26 15:34
其實除左自己考直私外，官津中小應該全部採取就近入學，取消所有小1計分同制同小6分banding先派學校嘅做法 ...

咁就會變咗有錢有得揀，有錢嘅人可以隨時搬屋貼近心儀名校入學。

lot888

有一個疑問，冇壓力學習是否對小朋友最有利？早點學習，早點習慣，跌低也較容易服完，重新上路，可能更好。也可讓小朋友多明白自己。是成長必經階段。

ok3

其實除左自己考直私外，官津中小應該全部採取就近入學，取消所有小1計分同制同小6分banding先派學校嘅做法。咁就大家都冇壓力，長遠亦可拉近各校水平，大家唔需再為爭入名校而辛苦。

Gud567567

津小最差就係個呈分試, 好大壓力!

Sing13

如果冇一間直上既中學，無疑小學既主要目標就是要考上心儀既中學。
入了中學也不是終點，是否與小學銜接呢？名校中一留級唔少人，好多人系自己既小學都是名列前茅。小學既操練可能只是圍繞學校份卷。 小朋友既中文英文水平用學校份卷嚟反映是否真實？

如果確保有直上既中學，家長可以根據自己小朋友既興趣樹立目標，可以是自修中學課程，可以是參加奧數比賽，甚至可以是打機，睇抖音，可以將小朋友興趣引導至寫程式，拍短片。

香港小學教學大綱程度不難，甚至中文，數學程度仲低過內地，小學階段如果冇時間發展興趣方面未免可惜. 如果抹殺了小朋友學習既興趣更加是得不償失。

至於虎爸虎媽驚學校競爭氣氛不足，不如自己操刀，讓小朋友直接去校際賽見真章吧.

renaya

個人認為，一條龍嘅直資學校性價比較高，當然大前提係要認同佢哋嘅教學理念，都要滿意直上嘅中學啦。

當初我哋都有直私offers，而官津制度下可以保障埋siblings，考慮埋家庭因素後，覺得津校對我哋嚟講係好嘅backup。

其實官津小學冇大家想像中咁不濟，教學課程都有與時並進，一樣會遇到好老師。就算欠缺運氣，如果有嘗試叩門、插班等，一樣有機會入讀心儀且免費嘅學校。

fwstides

cat20203 發表於 22-8-26 01:32
老實講，現在嘅一線官津，考得級十以內，除了學術，體/藝發展一樣全面。
Peer group, 精英班入面幫你group ...

一線津小也有活動教學，加上移民潮，一班可能只得<25人。高小跟程度分班，有家長想要的peer group。津小大家住得近，平日容易約玩做功課，而直私多來自跨區….

體藝可參考校際比賽成績，直私是否一面倒。如港島西，st jo/ 軒小/聖提女vs spc/ spccps/ 聖私

凡事無絕對

piglover

lot888 發表於 22-8-25 21:19
如果選直資，有幾個問題要考慮。首先這直資是否你及你小朋友喜歡？如以為可以發展其他專項，不須追成績是不 ...

嗱，EK金句，收得你入直資，小朋友一定讀得上㗎。

但而家移民潮，係唔係所有學生都一定係合資格呢？
仲有，考小太多變數，有時係小朋友乖巧，咁啱合眼緣就收。乖巧又係唔係代表能力夠呢？

cat20203

老實講，現在嘅一線官津，考得級十以內，除了學術，體/藝發展一樣全面。
Peer group, 精英班入面幫你group咗，唔需要太擔心
以前也有直資vs官津嘅迷思，睇完今年派位，放心曬
條條大路通羅馬，最後都會中學見。


同埋中學有更好更多選擇，咁早決定，其實又係限制進步空間。

lot888

如果選直資，有幾個問題要考慮。首先這直資是否你及你小朋友喜歡？如以為可以發展其他專項，不須追成績是不正確。如成績差，學校一樣會叫你走，可從小一收生人數及小六昇中人數多作分折。有些直資中學已或計劃断龍，需多留意。如一些直資冇呈分試更要小心，無論外出挑戰或未能升讀原校張會更麻煩。明白很多EK（家長)很喜歡直資，可能忽略一些實際問題。準用家必要獨立思巧。

C9Ma

Jean1769 發表於 22-8-23 18:25
直私一條龍或一條龍津小（唔熟，唔知有無）可以免卻學生跑業績（呈分試，課外活動考級考證書參加比賽拎獎 ...

同意！入咗一條龍學校，可以向興趣發展。唔需要迫去學同考唔同嘅證書傍身。

Raccch

回覆 imokifurhapi 的帖子

能考入直資，感覺都係資源較多，肯投入培養小朋友的家庭，應該多數都比較chur。就算唔係chur學術，都會chur體藝。