怎樣考到直資小一之意見

超能爸爸

看到有些家長常常問怎樣才可考到直資小一。

我個仔今年考小一，經歷過直私小一面試，自行及統一派位，重叩埋門。我分享一下自己小小看法，給大家參考一下。

我以10分為標準，我覺得個要面試成功的比重是：

1. 小朋友性格(4分)：如果小朋友本身係外向型，能言善辯有禮貌，基本上已贏了一半。

2. 學術(3分)：面試一定考學術，以英文最為重要，中文和數學其次，普通話最少也要略懂。

3. 學校(2分)：讀私幼有一定優勢，佢地可以針對小一面試而調整教學方式和內容，某些小學特別喜歡收某些私幼學生。基本上如果你讀名私幼，而那些小學有幾關面試，第一關通常也pass。

4. 運氣(1分)：做每件事唔多唔少也有運氣成分，如果面試老師對你小朋友合眼緣，機會總會大一點。

重新，以上純粹個人意見，希望幫到大家。

Charlotte_mom

性格好重要，尤其肯試。想像個個老師一日見咁多人，見到老師自己都呆
又分享多次義工家長體驗：我返小學做數學日家長義工，其中一條問題：香港有幾多種流通紙幣。好多學生都好快答到。但最令我印象深刻，係有學生會問，150週年紀念鈔係咪流通貨幣（其實答案佢都唔知）。但果刻全場家長集體叮一聲，係wor! 原來仲有呢種諗法
好多時小學面試，未必想試你識唔識，更想試係當小朋友唔識嘅時候點去面對，有無求知慾，觀察入唔入微，老師講解時佢有無用心聽。呢d真係唔可以一時之間train出嚟，但要由細引導

Rene122

多謝大家分享，原來好有學問

超能爸爸

回覆 msmom 的帖子

當我們說學英文要語境，即係話周邊生活最好也說英語，

同樣地，中文也是語文，也需要語境。

在香港，語境是粵語，所以我認為粵教中比較適合，學習中文更得心應手。

jenny_bbb

多謝詳細分享

msmom

超能爸爸 發表於 22-11-28 23:41
回覆 msmom 的帖子

我個小朋友考過要考普通話的面試不多，所以不能準確答覆，但我考過的主要是對答，學校 ...

多謝你的經驗分享和意見！我見我身邊有幼稚園的家長朋友話要入英普班，在EK也見有說法話讀名幼英普班能幫助考直私，所以我不確定識普通話對考直私是否很重要。我自己的想法都係想小朋友用佢 熟悉的粵語學中文，應該對佢溝通表達的發展會比較好。

celinechan117

每間學校揀人的條件都唔同
外向成熟係幾必勝
學術唔需要太叻
性格同運氣最重要.....
因為有時你練熟個D唔出
有D你唔善長嘅又出左

超能爸爸

回覆 msmom 的帖子

我個小朋友考過要考普通話的面試不多，所以不能準確答覆，但我考過的主要是對答，學校要知道小朋友識聽識講下咁。
至於普教中，我不知道有沒有統計網站，有些高小和初小不同，有些是一年級下學期或二級開始普教中，有些是精英班和非精英班不同，不可一概而論，反而，你應詃去坊間查探一下你心儀的學校是怎樣。

不過，因應小朋友潛能去選學校比較好，如果他天生對普通話很抗拒，就算畀你考到入普教中學校，也會令他很辛苦。找學校最好是順水推舟，最好不要逆水行舟。

msmom

超能爸爸 發表於 22-11-26 12:15
回覆 msmom 的帖子

不同學校也有不同取向。

會考小朋友用普通話會話對答? 還是要用普通話讀中文字或文章? 其實怎樣知道學校係唔係普教中? 教育局有網站列出普教中的學校嗎?

超能爸爸

回覆 msmom 的帖子

不同學校也有不同取向。
如果普教中的直私有機會會考如福小，但要考普通話的學校也不算很多。

msmom

請問直私面試會考普通話嗎？

kitshek

其實最重要係入到關係學校同識人

Vengerov

一線直資要求，表達能力要高，中英能力一定要好，能流暢認字，讀圖書內容，聆聽問題要專心即答，講故事有條理清晰最好有創意；數學多考聆聽文字題，小朋友必須專注，理解問題並能心算；有禮貌有邏輯自理能力要好；日常生活知識多講解，小朋友先識答解難題

eleung123

感謝大家分享~

yin0101

名幼影響性唔可以話好主要, 但一定會有, SC老牌名幼, 傳統名小好鐘意,  新派直小鐘意LH, 如果一心想入直私, 目標為本, 入名幼, 除非已有好心儀既龍幼

foxfoxfoxchan

十分同意！性格佔4分，學術佔3分，有教如何面試的私幼又加分，最後先是運氣，好似見工咁，先裝備好自己，再把握機會

myfaye

好同意上述各位經驗之談，勸各位唔好間間都留位，生人霸死地，日後江湖好相見！

alien_ho

同意 presentable 的重要性，同時學術是入場卷，無入場卷你想present 自己都無機會。（大部分都夠用就得，唔洗勁到上天）

另外，信心唔大既，一定要有backup plan，報多幾間（除非你係佛系，唔係非讀直私不可）當買個mock 經驗又好，當買個back up又好，同埋買個call waiting 機會都好。


頭一輪的確黎黎去去都係個班人手拎好多offer, 但奉勸大家，每人最後都係讀一間學校，唔好間間都留位，生人霸死地，一早做定功課，排好自己心水先後。將機會留比真正心儀既人，咁就大家早日上岸。日後江湖好相見！

kitkit89

我也小小分享

1. 最重要，大女外向型，學術普通也有很多offer , 細佬內向就算識也不敢回答，但性格好難改，內向型就要努力學術，而且近年多左拍片，zoom in

2，學術小一程度，中英閲讀能力好，數學反而正常程度（除了DB ）

3， 名私幼優勢在近兩年多左學校只交portfolio 揀人in