中四選科求意見

serinac

阿女在Band oneA英中就讀，校內成績：
中英文、中西史應該在全級頭15~20%，
Science 、數學、Econ在級平均分或高啲中間徘徊。

阿女就快要決定選課，但她仍然有個別科目在猶豫中……

除中英數通識核心科目外，需要另外揀三科：有Physics 、Chemistry、Bio、中國文學、英國文學、西史、中史、Econ、accounting等可以選修。

選修課揀咗中國文學和Chemistry，剩低一科，仍然在考慮Bio，Econ和西史，未有決定。

她目前比較傾向Bio，但佢覺得要背好多嘢，想轉讀西史，佢曾經提過，如果讀Bio和Econ，將來大學選科或者出路會唔會多啲……

今次全級測驗，她西史的成績，係全級頭五名，好似又加強咗佢讀西嘅信心。

將來職業興趣：沒有明確目標，但唔想做老師、科研等等。

我自己冇讀過西史和Econ比唔到D乜嘢意見佢，我話讀Bio或Econ可能將來大學選科會比較多啲，好睇佢將來的興趣；

而且我同我話人大咗，將來見識多咗，興趣都會改變，而且將來非專業性的工作，對在大學修讀的學科背景並沒有很嚴格要求，一般求職面試，都要視乎個人都要視乎求職者的soft skills,例如個人自信、溝通技巧、語言和應變能力等。

希望各位有過來人的家長俾啲意見和分享一下你地的學習技巧：

1）讀Bio主是不是很難讀，想攞高分有什麼方法？所佔學習時間比重是否很多？我自己A-level 嘅成績麻麻哋，俾唔到好嘅經驗佢⋯⋯(emoji)

2）讀Eco主要讀些什麼，想攞高分是不是也很困難？要花很多時間背書嗎？

3) 讀西史主要讀些什麼，是不是同讀Bio一樣咁多嘢背？邊科容易攞高分？所佔學習時間比重邊個多啲？

4）我同阿囡嘅講法有冇唔妥嘅地方，需要糾正？

不好意思，寫得太多嘢，辛苦晒俾意見的家長(emoji)(emoji)

jaycee_mami

ok_ko 發表於 22-6-13 11:10
入行係咩意思？已經拿了外地的執業律師資格，然後想囘港執業；還是在外國讀法律，畢業後想囘港做律師？假如 ...

明白了，謝謝你的詳細解答，thanks a lot  

ok_ko

jaycee_mami 發表於 22-6-11 09:41
本帖最後由 jaycee_mami 於 22-6-11 09:48 編輯

想請問，中文對入行重要嗎？ 我見有不少人在外國讀Law ...

入行係咩意思？已經拿了外地的執業律師資格，然後想囘港執業；還是在外國讀法律，畢業後想囘港做律師？假如是前者，要考大律師工會的執業試。英文重要過中文得多。假如是後者，先唔好講入行。要入到PCLL先。入到就其實同本地畢業無咩分別。一般PCLL收生看GPA。要求本地的GPA會較低。外地畢業的一般要second upper。這應該不難。難的部分是PCLL説明在大學要修畢11個core subjects，然後再加3個本地課程，即共14個課程。所以一心要回流的，選擇課程就會盡量跟住這14個課程走。假如缺了，就要回來考paper(s)。3個本地課程基本上一定要回來考。11個core subjects，一般都不能在外面全部完成。外國大學有自己的core，你只能在剩下的elective裏運作。所以起碼要回來考6-8張papers。

我認識兩個世侄，都是這樣拿了香港執業律師資格。都要有計劃。考paper不用你已經畢業。就是說你讀緊year 1，你有本事可以係聖誕假囘港考試（open book的）。3個聖誕後，他們都能在畢業前考完欠缺的subjects。拿了second upper，入了香港的PCLL。這情況，中文不重要。

10090

英文好就讀history
唔好就讀econ

jaycee_mami

ok_ko 發表於 22-6-9 14:38
讀完大學4年（即是完成LLB），要再完成1年PCLL 課程，再實習1至兩年才能成爲事務律師或大律師。入唔到PCLL ...

想請問，中文對入行重要嗎？ 我見有不少人在外國讀Law，英文非常好，但中文讀寫方面就麻麻（eg. 我仔表姐考約初中程度的中文alevel有A，無A*），他們將來回流，又難唔難入到行？還是英文一科好已經足夠入行？

serinac

ok_ko 發表於 22-6-9 15:07
Para-legal 即是律師行的師爺。我只是舉個例子而已。當然律師行還是有其他工種。
就我以上所講，假如LLB ...

明白，可以多啲野同阿囡傾下，謝謝(emoji)(emoji)

ok_ko

serinac 發表於 22-6-9 14:47
中英文應該係阿女嘅強項，佢定嘅目標相當高。

恕我無知，我真係冇朋友做律師，請問para-legal 係做什麼工 ...

Para-legal 即是律師行的師爺。我只是舉個例子而已。當然律師行還是有其他工種。

就我以上所講，假如LLB畢業成績不夠好，入不了PCLL。同學們已經不能做律師了。只能做律師以外的工作。

其實一個LLB畢業的大學生，就是經過4年律師訓練的大學生，點都有野做嘅。我見過的例子如銀行，公務員，紀律部門，甚至從商。10A都沒有讀PCLL。做完港姐，一樣做法律顧問（但唔係律師）。

我開始時回答你的主要原因，是提醒你不要想當然的以爲LLB一定很難入。假如你女中英都有5*，兩科已經有12分。以城大爲例，lower quartile 是25分。就是說剩下的4科能取13分已經可以入讀了！

serinac

ok_ko 發表於 22-6-9 14:38
讀完大學4年（即是完成LLB），要再完成1年PCLL 課程，再實習1至兩年才能成爲事務律師或大律師。入唔到PCLL ...

中英文應該係阿女嘅強項，佢定嘅目標相當高。

恕我無知，我真係冇朋友做律師，請問para-legal 係做什麼工作？至於你話轉行，點解要轉？搵唔到工作？或者可以轉啲乜嘢？

不好意思，太多問題

ok_ko

serinac 發表於 22-6-8 11:48
每個網友給出的意見我都有認真考慮，包括以前其他網友回應類似選科的貼子。今次係女全級測驗的成績出咗，P ...最近佢曾經提過話想讀Law ，但我同佢講讀 Law要好高分，要加陪努力才有機會……

讀完大學4年（即是完成LLB），要再完成1年PCLL 課程，再實習1至兩年才能成爲事務律師或大律師。入唔到PCLL的，一般會做para-legal，或者轉行。你不妨認真搞清楚這是否你女的方向。有方向就較容易選科。始終報讀法律，中英文是重點。這兩科一定要好。然後考慮大學的其他入學要求。香港有3所大學教授LLB。2021年lower quartile收生分數約爲 （6科無加權）：

城大 ：25

中大 ：30

港大 ：32

分數當然是王道，但這也要看個別學生的情況。假如情況許可，而你又知道大學選科的方向，現階段應該選擇一些對將來工作更有利，對培訓自己更有效的DSE科目。

BB-Tiger

請問樓主女女讀緊邊間中學呀

BB-Tiger

回覆 saetang 的帖子

我當年數學好，因為有蓋教署印的計算機借左畀個退左校嘅女同學，自己用部無印嘅所以ce被扣分得個B，但chem一啲都唔掂，當時因為全班同學都唔妥個chem老師，無讀過chem, 當然責任都係自己無知身上。

serinac

jacky0579 發表於 22-6-8 10:49
唔係好知而家大學收生情況, 以往理科會睇CHEM + BIO / PHY + MATH, 而家DSE打散哂啲科, 學生可以文理雙修,  ...

每個網友給出的意見我都有認真考慮，包括以前其他網友回應類似選科的貼子。今次係女全級測驗的成績出咗，Phy Chem bio maths 都有進步，有80分以上。可能係今次不是全部測，再觀察一下期末考試怎樣。

目前會選中國文學+Bio，另外一科會揀Chem 或者History。唔知道讀History嘅時間比重係咪好大，睇過以前有一個貼，有一位網友的女女讀Chem Bio History，中5、中6 嗰兩年，晚晚讀到一、兩點……自己都嚇咗一跳

先前有睇到另一位JM,陳sir 係其他貼紙嘅留言：中三選科，大致上應以以報考大學學科、將來職業方向和能力去考慮……

所以稍後會同佢go through 一下兩大的科目，將唔鍾意嘅科目全部刪減，再睇吓佢鍾意嘅科目需要啲乜嘢條件，然後再決定揀Chem 或History

最近佢曾經提過話想讀Law ，但我同佢講讀 Law要好高分，要加陪努力才有機會……

其實讀 Law嘅職業係咪好窄？唔通只係幫人打官司或者簽吓買賣樓嘅文件？我自己真係冇乜概念，俾唔到佢啲乜嘢意見

jacky0579

唔係好知而家大學收生情況, 以往理科會睇CHEM + BIO / PHY + MATH, 而家DSE打散哂啲科, 學生可以文理雙修, 不過大學收生唔知有無跟住改,

如果計數叻既就PHY MATH ECON, 如果鍾意背野就CHEM BIO HIST CULT,
不過見樓主個女想報既配搭就有啲怪, 文學也罷, CHEM + HIST 就真係摸不著頭腦,
兩者範圍完全不同, 重疊地方係零, 如對中文有興趣, 中史加中國文學一齊讀才有疊加功效

以往AL配搭有其用意, 雖然大學係專科, 但部份課程其他科上到大學都會用到,
唔怪得而家工程學院話啲學生無MATH底好難教,

可能我都OUT OUT 地, 或者新世代唔同左, 所以建議不用參考

losoco

其實應用基礎數學的情況，不只PCB三科的，只是機會一定有同比較多，相信Econ同Geog也不少。

我之前說過History卷一有資料題，如果給你一個表列出香港人口在某些年份的變化，你都起碼要能睇得出上升定下降，之後再答原因。

講返Chem，其實佢好多時給你equation連埋幾個數據，但不用你實際計，但要能講出改變條件後甚麼會增加或減少，又或加速減速之類。你要看很出formula裏的某個分子或分母改變對得出的結果有甚麼影響。

如果中一二時，做change of subject of formula都搞唔掂，基本上係PCB,Econ Geog等等都好大機會失唔少計數分。

serinac

skywalker167 發表於 22-6-6 21:51
不過最後提醒一下
理科考得好的人 通常core math對他們來講都是非常容易
通常都是aim最高grade

你的分析非常好，有助我同阿女討論，讓她明白數學理解和運用，跟學習Chem的關係，希望她多啲了解自己的能力，知道怎樣取捨，謝謝！

skywalker167

不過最後提醒一下
理科考得好的人 通常core math對他們來講都是非常容易
通常都是aim最高grade
他們通常都是成份卷都識做
錯的都是不小心錯
而且他們做core math卷是非常快，幾乎不用思考
因為當你要思考就會不夠時間做
這是我的考試經驗
我會考g math同dse math都是在全男生試場考
壓力非常大，d男生做卷非常快，就好似成個考場無人會吾識做，隔離d人翻試卷的速度快過我
所以雖然話高中phy chem只是用core math數學工具
對於一大班男理科生core math絕對不會是影響他們phy chem的因素
反而他們學core math同phy chem等科目時core math是操得好純熟
但如果你core math好差，就不應該讀phy chem，講緊是core math連4都不會考得到

Phy chem除了計數 更需要是理解
Concept 清晰 ，識點用公式計數
呢個先系關鍵
當然有個前提是core math不是很差

再講返數學
Core math好完全不代表有數學天份
數學延伸單元要求有數學天份
好多理科生 core math好好 但延伸單元讀得好辛苦 而且讀得好差
另外亦代表phy chem其實不要求有好的數學天份

最後上面我比你的連結，現階段看不明白是好正常
因為有好多基礎野未學
包括chem的基礎同中4教的core math數學工具 都未學過
但有興趣可以慢慢研究下

serinac

skywalker167 發表於 22-6-6 20:05
無記錯有e，有指數，反應速率有由微積分derive出來的formula同知識
但不需要微積分操作不需要識微積分， ...

好，等我俾阿囡睇吓，睇吓佢有咩感覺。

唔該晒

skywalker167

serinac 發表於 22-6-6 18:37
感謝你詳細的分享，請問DSE Chem嘅計數基本上係用返高中的core 數學？

我嘅年代同而家DSE已經脫晒節，都 ...

無記錯有e，有指數，反應速率有由微積分derive出來的formula同知識
但不需要微積分操作不需要識微積分，不需要使用數學延伸單元教的數學工具來做任何操作
(其實呢方面同DSE physics一樣)
識代公式就可以了


但要識高中core math教的對數、指數、quadratic equation，因為需要使用相關工具做數學操作


如果我無記錯，我覺得我印象中最難的chem數學在kinetics同equiliibrium度
可以試下看看相關topic，我未望以下連結教得容不容易理解.....但可以望下內容先
https://openstax.org/books/chemistry-2e/pages/12-4-integrated-rate-laws

https://openstax.org/books/chemistry-2e/pages/13-2-equilibrium-constants
https://openstax.org/books/chemistry-2e/pages/12-5-collision-theory

不過應該要識看graph
留意x axis/y axis是甚麼
亦要留意單位
要留意是甚麼線(直線/指數/倒數等)

serinac

skywalker167 發表於 22-6-6 18:32
Chem初中最多的計數是計mole數
是非常類似小學高年級的數學應用題
例如2A + B -> 2C

感謝你詳細的分享，請問DSE Chem嘅計數基本上係用返高中的core 數學？

我嘅年代同而家DSE已經脫晒節，都唔記得晒

skywalker167

serinac 發表於 22-6-6 15:36
我冇乜概念，中三數學成績70～80分，究竟是否不好？

我嘅年代，應該算中間吧！我沒有逼阿囡讀C ...

Chem初中最多的計數是計mole數
是非常類似小學高年級的數學應用題
例如2A + B -> 2C
你有20份A 8份B，請問可以產生幾多份C
左手面的反應物A同B，邊個是in excess，邊個是limiting，最後有幾多A或者B剩返
然後有計濃度 同 no. Of mole
你將2mol溶入500毫升的溶劑，請問濃度是幾多 類似野

上到去要計equilibrium 仲有反應速率，反應速率需要中4 core math教的數學工具，equilibrium 需要識中4 core math的quadratic equation
計enthalpy，例如某樣野行完step A同step B會產生product
呢樣野行完step C同step D都會產生同樣product
Step A會放200kJ，step B吸收80kJ, step D放50kJ
請問step C會吸收定放幾多能量出來


Dse有少量AL 有而會考無的syllabus ，但不論內容數量定題目深度都遠不及AL

AL有好難的organic chem synthesis
會考無呢種題型
Dse有synthesis 題型 但是淺的
AL synthesis 題目是難到是考智力，好似我呢d IQ低少少是唸爆頭都唸吾到