協恩 vs 培道

carmenkmc

虛心求意見
我們打算讀完小學去外國，冇咗升中壓力，所以一直冇打算催谷小朋友學術，諗住留返個愉快童年俾佢地。

囡囡喺培道幼稚園讀緊，讀得都好開心，因為全部老師都好有愛心。原本都疊埋心水原校直升小一，不過見自己係協恩舊生有20分，所以都有試吓報協恩自行收生碰吓運氣。

剛剛幸運地自行協恩收咗，現在糾結中。協恩岀名係好學校，又不用學費，其實入到係好好彩冇理由放棄。不過我聽咗好多意見話協恩好谷，初小已經要搵定外補，有點兒擔心。因為本身自己理念係唔希望小朋友要花太多時間外補學術，情願多留時間培養興趣同玩。但怕讀協恩如果唔外補會跟唔上，會打擊小朋友自信心？(唔駛佢高分，中游份子已經滿足)

培道俾我感覺雖然學術上不及協恩，但感覺好似人性化好多，好欣賞學校咁有心思起新的教育樓，同埋都好認同校長理念，成日同學生打成一片，小朋友應該會讀得好開心。不過一年要5萬學費 (2個小朋友要10幾萬，有妹妹跟尾) 又好似唔知值不值得。

請問有冇協恩用家，係咪真係好谷？好多功課測考要晚晚搞到好夜或要犧牲週末親子時光/破壞親子關係先讀得上？定應該留喺培道用錢買返個歡樂輕鬆嘅童年？

大家有冇意見我應該點取捨？

tammylo88

如果入到協小就梗係協小 呢幾年谷下佢 到佢出國讀書無追得咁辛苦

蚊蚊mosquito

既然都收左，讀左協恩先，預左有內部競爭，但家長冇壓力可順其自然。如果最後讀得唔開心，才轉校也不遲。

monkichiii

carmenkmc 發表於 21-12-1 14:11
回覆 yatyat_baby 的帖子

多謝你意見，我想請問追得辛苦？小朋友有冇work life balance? 😅 ...

work life balance,  depends 你小朋友。 有朋友女讀得好easy 也有讀到喊。

我自己本身唔明教快半年一年所為何事，所以之前放棄協恩。

carmenkmc

回覆 yatyat_baby 的帖子

多謝你意見，我想請問追得辛苦？小朋友有冇work life balance? 😅

yatyat_baby

回覆 fufu17 的帖子

係呀，無補習但家長有幫手跟
其實咩情況都會有

當年聽人講讀得唔好會被勸退，我都擔心咗好耐，最尾都揀讀咗先，試咗先

crysta2l

fufu17 發表於 21-11-30 12:24
請問轉到協小後, 是否也不用外補都可去到名次較高的位置

很難一概而論的, 有人日補夜補都要入輔導班, 有人百足咁多爪, 又樂團又運動校隊, 又冇補習都可以級頭
學校是十分主張自律及自理, 不要寄望學校會分享家課册給家長

fufu17

yatyat_baby 發表於 21-11-30 11:16
過來人分享
培幼上協小
小朋友無谷開，咩學術班都無上，亦都唔清楚小朋友受唔受谷

請問轉到協小後, 是否也不用外補都可去到名次較高的位置

yatyat_baby

過來人分享
培幼上協小
小朋友無谷開，咩學術班都無上，亦都唔清楚小朋友受唔受谷
由咩都唔識去到頭批
凡事有可能！

支持讀協小

Poyau

Azzurro 發表於 21-11-29 01:43
感覺不少學校變成直資後排名急升。。

轉直資可自選100%學生選 擇優而取

Azzurro

Poyau 發表於 21-11-24 22:59
協恩 據khmama 2010年 B1A #28

2010全港中學排位

感覺不少學校變成直資後排名急升。。

luplupb

想問有人自行成功了協小嗎？

koala_emily

carmenkmc 發表於 21-11-24 13:49
回覆 tkinwong 的帖子

其實我仲未好識分辨小朋友受唔受谷，現在囡囡K3, 有咩方法觀察？ ...

香港讀書以中英數為主，小朋友對語文或者數學有冇天份?

語文以讀寫聽講為主，K3唔係好識寫字，你同佢傾計佢發音清楚嗎? 可唔可以表達或理解抽象嘅情況? 詞彙運用豐富嗎? 如果以上都ok，佢語文發展唔錯，如果小朋友肯多做閱讀和grammar練習，咁中英文科都可以谷

數學主要講處理數字和邏輯思考，K3黎講，留意小朋友喜歡數數嗎? 個位甚至10位加減佢哋喜歡做嗎？因為我同我囡對數學興趣有限，比較難詳細解釋，簡單d，K3識做小二數未? 如果小朋友喜歡數學又接受多做練習來提升速度，咁數學科就可以谷

最後小朋友做事唔專注，坐唔定，粗枝大葉，遇到問題傾向發脾氣，寫字慢，都可能難谷d

wonderfulsmile

如果升中在外國，唔同人地爭上協中，可以揀協小

因為斷龍，D家長為左要穩入協中先至自谷6年

所以你唔要求入一定協中都可以輕輕鬆鬆讀協小，而且仲有妹妹跟尾，揀協小好D

有朋友個女上年協小都係升唔返原校中學，都要預左有6、7 成機會升其他中學

koala_emily

有協小同學仔天性愛自由，不愛走克苦耐勞路線，父母又唔想阿囡辛苦，小四轉校去培道好開心，成績由谷底回升。

不過即使培道名列前茅亦不可能插班協恩，始終程度有距離。

b3410

piglover 發表於 21-11-24 13:32
(emoji)(emoji) 你放協恩，應該好多人感謝你。

我會支持你選協恩，免費。至於你話驚好谷。其實，父母心態 ...

協小可能唔使補習，因為學校已經好谷。朋友囡讀協中，話無時間出去補習，因為學校俾的已經足夠。我估小學應該一樣風格。
儘力跟足學校要求，已經有不錯的效果。不過如果打算“唔谷”可能連學校要求都達唔到，就比較麻煩。

免費而且優質，已經優勝好多。



免費，優質，又唔谷，可能有難度。

Kisskeni

kingfisher677 發表於 21-11-24 13:41
但好多讀國際學校都補習呢(emoji)

Ckm0425

Poyau 發表於 21-11-24 23:31
據EK分享 40%

謝謝解答。我見坊間有d文章寫87%學生可協中，所以好疑惑。

Poyau

Ckm0425 發表於 21-11-24 23:01
想問脫龍後每年大概有幾多人可以上返協中？

據EK分享 40%

Ckm0425

Poyau 發表於 21-11-24 22:59
協恩 據khmama 2010年 B1A #28

2010全港中學排位

想問脫龍後每年大概有幾多人可以上返協中？