小四內向聽話型男仔只喜歡英文，升學點算

HKMumm

小朋友自幼稚園已明顯一聴英文醒神，中文頭暈。我哋冇姐姐，自己帶，家庭一致用廣東話話，冇 video game, 冇愛回家，只有YouTube, 爸爸中文好，我剛相反。我們就係怕佢中文唔好，加上我們也只是小康之家，小朋友又內向。所以入了一間本地小學。小三前還叫勉強可以，排級半後一點。但小朋友人越來越大，越選擇英文看，佢自己要看英文圖書，又自己search 英文YouTube, 現在連去買外賣，自己改用英文order 外套賣，除了學校的功課，習作（專補中文一星期一天），已經每星期都做中文閱讀，但升上小四後情況插水式向下，我發現佢所有中文問的題目（中，數，常）全部都飛字看，或者叫冇心機看。佢自己都知問題，什麼方法都用過了。

Bsc_arch

同上，建議轉英小，因為始終中文喺中小除咗影響中文科，仲會影響數學同常識分。我有個親戚個仔之前讀中小好struggle,轉左英小後如魚得水。我又有一個朋友個仔有中文讀寫障礙，但英文無事，所以轉左IS。當然，官津都有英小選擇。

wongtw

hkpapa852 發表於 21-11-13 17:48
現實係升中先睇整體成績（排名），有排名先有機會面試。

小朋友唔係中文唔夠好，係「抗拒」呀！？要一個年 ...

啱，因為明顯已經出現一面倒，而且小朋友繼續會接觸英文，2/3年內是應該唔得，我小朋友被封殺英文書之後，算是及時保住中文科和避免對中文失去興趣，中文3年來只算是能跟上課程。讀完券幼上小學，如果不是小朋友出現異常舉動，真係無諗過英文咁快就有機會超前母語。好在平日經常上來這裏收料。

hkpapa852

現實係升中先睇整體成績（排名），有排名先有機會面試。

小朋友唔係中文唔夠好，係「抗拒」呀！？要一個年由「抗拒」到接受已唔易，仲話努力吓會有進步？你估要幾耐？2/3年真係得？

emmyfok

其實，一般地區 band 1(非名校) ，英文好，同native 一樣流利，已經足以令面試的老師眼前一亮。而中文成績，要谷到有 A 好難，但要合格，B或C的成績，是做得到的。當年我用睇電視劇嚟教閱讀理解，作文捉題目幫佢作定，文言文譯成英文教，保住大部分考試中文有B，只係其中一次呈分 C咗。

emmyfok

睇晒三頁，由於唔知小朋友讀邊間小學，所以唔知實際上中文有幾差，可以肯定嘅係：
1、中文成績下降
2、小孩愛看英文書

從樓主列出嘅英文書來看，係 age appropriate 嘅選擇，但程度唔高。其實一般中文小學，中文教得深，英文教得淺，小朋友捨難取易，係人之常情，而且從分數看，家長會覺得小朋友英文好過中文，但分數反映出嚟嘅，未必係真相。真係去咗程度高嘅英小，會不會嚇親，驚咗英文？

我當年做法，係繼續培養英文嘅興趣，外籍老師練 oral，小四，就算未睇到 Harry Potter, 至少都要睇到 Land of stories 呢個程度。我女當年，中文差，唔睇書，靠睇電視浸中文，中文得C, 靠英數常一樣抽入band 1 英中。中學遇到好嘅中文老師，加上同學陪温習，中文keep 到中游成績。

Kirin007

如果學習能力係冇問題嘅，又如果我係樓主一定幫小朋友降級考英小，有機會情願將儲定大學嘅錢掉去國際學校！唔識字嘅人講嘢都可以好叻，所以(emoji)清楚係語言問題影響學業定係其他原因。

dingyan

hkpapa852 發表於 21-11-12 18:28
如果只需要用中文溝通, 根本唔需要讀本地學制
就算今日轉到入英小, 唔通真係可以馬上"翻生"?

嗯，我覺得已經決心脫離本地學制的情況可以不做討論啦。。
而在本地學制下，無論中小定英小入英中可能都需要有一定競爭力，大機會也包括不太差的中文成績？入咗英中仍然需要面對dse中文科，一般人都希望可以合格吧？語言好難一蹴而就，細個又有先天優勢，現在開始綢繆希望可以幫第日慳啲功夫。。
其實呢幾日咁啱有外藉本地朋友傾起佢申請英文科pgde，其中要求有識中文，佢自己emi中學時第二語言揀嘅法文，而間學校而家有開普通話已經不再開法文。。咁十年廿年後又會係點呢？每個家庭情況都不一樣，裝備定迴避都可能要諗多啲。。

hkpapa852

dingyan 發表於 21-11-12 18:05
換句話講，如果大機會需要考dse或在大中華地區做普通人，可能要趁早諗下點樣可以幫佢產生興趣增強能力，為 ...

如果只需要用中文溝通, 根本唔需要讀本地學制
就算今日轉到入英小, 唔通真係可以馬上"翻生"?

繼續留係本地學制, 一上中學馬上由6大科變1X科.

中文只係合格水平左右, 除非間小學本身係極弱既學校, 否則基本上無乜可能做到B1學生, 咁即係9成入唔到B1英中 (B2英中都難)

如果入唔到英中, 即係有10科以上用中文教, 到時點頂?

dingyan

YmOra 發表於 21-11-12 18:11
談 何 容 易

我自己嗰個都愁緊中文，梗知不容易啦。。。

YmOra

dingyan 發表於 21-11-12 18:05
換句話講，如果大機會需要考dse或在大中華地區做普通人，可能要趁早諗下點樣可以幫佢產生興趣增強能力，為 ...

談 何 容 易

dingyan

hkpapa852 發表於 21-11-12 09:24
小朋友咁抗拒中文, 如果堅持留係本地學制相信9成無運行
中學既中文科要求係小學既N倍 (即係要考更多無謂嘢) ...

換句話講，如果大機會需要考dse或在大中華地區做普通人，可能要趁早諗下點樣可以幫佢產生興趣增強能力，為中學做準備啦。。

tuelovefei

回覆 yianleen 的帖子

我小朋友同樓主情況一樣, 想問大家有無易入英文小學介紹?

YmOra

b3410 發表於 21-11-12 12:59
對，包括將來大學/工作。如果打算將來外國生活，就簡簡單單轉國際學校，中文隨興趣去發展。
如果不打算將來 ...

我嗰個小學時係睇普通話講故事嘅"四字成語"的由來，睇得津津有味，雖然Ｄ動畫製作一般般，但勝在小學生無咩要求嘛！

wongtw

再說白啲，以我經驗相信其實關鍵在於youtube=語境，成也youtube敗也youtube.......唉，因為它能輕鬆地自然學習，而且英語入面有海量資訊，程度可以自動提升到那個地步，就看小朋友平日是喜歡看甚麼東西和節目了。如果每天看上一小時，再加上六，日的特長時間，家長應要盡力平衡youtube內的中英文時間，返半日學相信會令情況更快出現一面倒向英文，因為中文是象形文字嘛，然後手機和電腦平台亦被變成英文版，如果有打機更衰多二錢重，因為輸入英文字不用學嘛，中文就會卡在讀和寫這兩方面，相對地如果是玩開中文版的打機迷，中文和普通話能力就會較英文好，因為youtube的攻略多數是說普通話嘛。

yianleen

朋友女一樣情形, 唔鐘意中文的小朋友上中小係好痛苦, 因為除英文外全部都係中文, 影響埋數學的理解和解題能力。
結果朋友女轉去英小, 英文程度絕對無問題, 中文淺咗、少咗, 反而無咁討厭, 而且對數學的理解都好咗。一石幾鳥!

所以如果唔考慮國際學校, 可以趁移民潮搏英小。

b3410

hkpapa852 發表於 21-11-12 09:24
小朋友咁抗拒中文, 如果堅持留係本地學制相信9成無運行
中學既中文科要求係小學既N倍 (即係要考更多無謂嘢) ...

對，包括將來大學/工作。如果打算將來外國生活，就簡簡單單轉國際學校，中文隨興趣去發展。
如果不打算將來外國生活，以整體形勢發展來看，只有俾心機學好中文。

語言的背後是文化，其實好多時候學多種語言都是希望了解多一些相關文化。多元化社會就是這樣（唔好意思離題，不過想帶出的信息就係學中文唔係齋學中文字/語言）

如果因為普教中而影響上堂效果，其實可以多看普通話節目，YouTube 唔多，可以試試抖音/小紅書之類。有很多有趣的寵物搞笑視頻，通常小朋友都會有興趣。

多接觸，不僅普通話突飛猛進，潮語都會學多很多。再可以追一下中文劇，例如我d小朋友之前追瑯琊榜，自己再搵書睇，順便學埋歷史

貓頭鷹之家

最近，有位國語老師對我説，所有的語言由說話開始，香港人生活節奏急促，尤其是雙職父母，工作後回家，跟小朋友說話也不多，同時也不夠深入。大家可以以作參考。作為父母，除了鼓勵小朋友看書外，平常還可以作什麼呢？

mcl203

HKMumm 發表於 21-11-11 12:55
小朋友自幼稚園已明顯一聴英文醒神，中文頭暈。我哋冇姐姐，自己帶，家庭一致用廣東話話，冇 video game,  ...

都係果啲意見，睇佢個人性格和取態，如果佢係唔會放棄類型，應該唔使太擔心，要佢認識中文科嘅重要性。如果佢係已經放棄類型，炒中文科嘅機會係極大。中文科並非甚麼殺手，問題係自己是否想生存～～～