我個仔暫時還沒有offer，但我從不擔心

超能爸爸

我係一個爸爸，我係一手一腳幫個仔揀小學同溫習。
三年前，我分享過我入了學券幼稚園。三年後，我個仔性格依然沒有改變，很有好奇心但內向，學術中等。

由於我個仔性格係比較乖和內向，基本上我只報了傳統私校，現在只面試了2間，1個offer也未有，但我相信我個仔，所以從不擔心。

我沒有報讀面試班，基本上N和K1，為了不想他失去學習興趣，學術方面，我放手交畀學校，他媽媽和我只和他看圖書和發掘周邊知識。K2開始每一星期和他重溫學校學過的，K2下學期開始外補英文(因為個仔對Phonics有興趣)。

K2暑假上了中文、畫畫、魔術和科學(前2者是惡補一下，後2者是個仔興趣，每項暑期班其實只有幾堂)。9月開始，用多少少時間同佢溫習中英文和練習一下interview，我個仔就開始interview之旅。

由於我個仔性格內向，我很用心地建立他自信心和引導他把內心想的放膽說出來，結果，一如他幼稚園interview一樣，佢係變咗另一個人，佢會努力表達自己，唔明會舉手發問，盡力說出答案，對錯也嘗試(如他賽後說的沒錯)，我聽到已經覺得他比我勁好多。一個小朋友interivew可以同平時性格唔一樣，雖然對於其他小朋友，佢嘅表現應該只屬正常，但我真係覺得佢好叻喎。

而且很安慰，佢好enjoy interview，成日話想去睇下人地學校有幾靚，證明我沒有給予過份壓力。

我相信好多家長現在已有1至2個offers，但如果你今日手上仍然沒有offer，不要失望，因為我也沒有，但我從不擔心，我還會為我個仔感到自豪。

無論結果如何，他已是我心目中的超能仔仔。正面啲，大家一起享受interview的結果吧!

yvonnedor

回覆 海豚BB 的帖子

其實有音小 offer不用太擔心啦。我本身是音小用家，雖然音小可能較其他學校學術不夠高，又沒有英文語境，但勝咗小朋友讀得輕鬆和可以多時間玩，擴闊眼光。我兩個仔女讀音小，小五才補英文，其餘時間都是玩，上喜歡的興趣班，6年來完全不用跟功課，考試沒壓力。
完全沒參加任何面試班都分別能轉到沙田和觀塘直資中學。
我只想講揾到合適的學校給小朋友便夠，不用太擔心是否一二線學校。
利申：我第三個孩子都考到音小，不過會考考另一龍校，因我女喜歡表演😅

yhchanchan

Amymichelle 發表於 21-11-17 14:54
有冇問過芳姨？佢做九龍線! 不過我都係好多年前問過

芳姨俾我上落車兩站，一個要行出去，另一個要搭車

Amymichelle

yhchanchan 發表於 21-11-17 01:56
我仔都係一面試就成舊木咁，個人一舊木，唔識笑，講野都係一舊舊，好彩學術應該唔錯，都有返啲渣拿
依家係 ...

有冇問過芳姨？佢做九龍線! 不過我都係好多年前問過

hkpapa852

yhchanchan 發表於 21-11-17 01:56
我仔都係一面試就成舊木咁，個人一舊木，唔識笑，講野都係一舊舊，好彩學術應該唔錯，都有返啲渣拿
依家係 ...

你住九龍邊區？
曾係TKO同藍田一帶見過返RC既媬姆車

yhchanchan

szeti 發表於 21-11-16 13:25
我囝真心好多朋友仔同佢FD 同佢玩，佢一返去個個叫佢，學術也可以，但面試果幾分鐘無嘢表現到，上年一間學 ...

我仔都係一面試就成舊木咁，個人一舊木，唔識笑，講野都係一舊舊，好彩學術應該唔錯，都有返啲渣拿
依家係音小，德雅，禮賢，高主教，九龍灣St Jo要留一間


住九龍，高主教問左兩架車都去唔到我屋苑


企左響度。。。

海豚BB

超能爸爸 發表於 21-11-16 21:34
回覆 szeti 的帖子

有啲小朋友性格係唔啱interview, 但遊戲規則係咁都冇計

我仔正是呢種小朋友。

daijuju

我覺得你很正面，加油

超能爸爸

回覆 szeti 的帖子

有啲小朋友性格係唔啱interview, 但遊戲規則係咁都冇計

szeti

我囝真心好多朋友仔同佢FD 同佢玩，佢一返去個個叫佢，學術也可以，但面試果幾分鐘無嘢表現到，上年一間學校都無﹗

Amymichelle

超能爸爸 發表於 21-11-15 09:49
回覆 海豚BB 的帖子

暫時in咗7間 2間rejected, 1個waiting, 3個2線學校offers

恭喜曬你地祝妹妹成功

超能爸爸

回覆 海豚BB 的帖子

暫時in咗7間 2間rejected, 1個waiting, 3個2線學校offers
尋日妹妹突然收到神校K1 second in 所以而家也是見步行步

海豚BB

超能爸爸 發表於 21-10-3 03:44
我係一個爸爸，我係一手一腳幫個仔揀小學同溫習。
三年前，我分享過我入了學券幼稚園。三年後，我個仔性格 ...

超能爸爸 你地有offer未呀

yukijes

我覺得一定有合適你仔仔嘅學校出現，面對以定讀書嘅社會氣氛，私覺得令小朋友建立自信比起所有嘢都更重要，由其父母同孩子既關係係一輩子。真心欣賞及支持你。

我都自己都只幫小朋友報左兩間私小，唔想因為面試面令小朋友太大嘅壓力，有冇offer我已經覺得小朋友盡左最大能力，我當佢已經勝出了！
大家加油

kkcnine

Kumi33 發表於 21-10-5 15:24
我大仔當時都無offer，。而加到細仔。。。5g 會考成點。。
小四插班。。當時你有無操卷？
如果細仔考到心 ...

我大仔無操卷，不過本身學術係唔差，乖乖仔甘既款，呢d當年考小一，又係怕羞，慢熱，俾人感覺無乜自信，郁得來都考完！所以無乜offer！

細仔相對無甘慢熱，但學術就麻麻！

兩種人係小一呢個games ，都唔係出眾的人！唯有繼續努力行下去！

kkcnine

waiwaileung1 發表於 21-10-6 14:56
身同感受。我大過個5年前就音小reject， 嗰陣仲好老定，見呢到bk咁嫌棄音小， 應該最終都冇乜人讀，信曬以 ...

認同！我個陣真係甘諗，當年我大仔音小係waiting ！

一齊努力

happyschooling

monodad 發表於 21-10-4 15:28
其實真係唔駛驚，真實故事：朋友上年考小一，只報2間神校，一心抽12網半山女直津，結果神校唔收，抽獎中寶 ...

Can’t agree more!

AL1987

回覆 kelvinli1000 的帖子

14 間?
有冇需要?  有offer 仲去in 咁多?

最後入神校?

beetle910

YY_2011 發表於 21-10-7 08:19
我仔都無考語文證書，暫時 1 offer, 2 waitings, 2 rejects, 2 second interviews.

我覺得考小學真係難 ...

再到插班/升中….難度幾何級倍增咁

YY_2011

yhchanchan 發表於 21-10-7 02:15
唔知點答你好，其實小朋友算係谷得，性格都係活躍主動，所以學術應該都算中上，都有課外活動獎狀，係無考語 ...

本帖最後由 YY_2011 於 21-10-7 09:15 編輯

我仔都無考語文證書，暫時 1 offer, 2 waiting, 2 rejected, 2 second interviews.

我覺得考小學真係難過考幼稚園。當年幼稚園十一月一出offer, 已經有好幾個很好的offers。而家呢個遊戲真係有排玩。

大家加油！