關於集團
集團品牌
presslogic-logo
廣告查詢
工作機會
用戶登入
用戶名稱:
密      碼:
搜索
教育王國 討論區 小一選校 用家分享-APS 九宣小
查看: 19386|回覆: 34
go

用家分享-APS 九宣小 [複製鏈接]

Rank: 2


90
1#
發表於 21-8-27 19:08 |只看該作者 |正序瀏覽 |打印
我仔當年都係waiting筆試考入去。仔話份卷其實唔難佢好快做完,中間老師會逐個叫出去傾吓計,問吓佢家庭狀況咁。我相信嗰份卷每年都會重用,因為後來有份功課係同嗰份卷係一模一樣(我仔講)我見都係單位加減數寫中英文生字咁⋯幼稚園一定學過晒。

以下係用chur既程度去逐科解構:

音樂:未返學就會叫你選樂器,最終學校音樂老師會決定你學邊一樣。有弦樂、管樂同敲擊樂選擇。似乎係根據你身高手指長短等等決定。學校會安排導師比你學,學校會強烈建議用返學校嘅指定導師,佢哋通常都係演奏級。大部份讀完小一嘅同學都會入到初級樂團(導師係咁同我講)

音樂科主任會勁叫人盡快考晒五六級樂器!!

會出通告叫你地參加形形色色嘅音樂節比賽。

要考試,用樂器玩一首歌,弦樂係咁其他類型唔清楚。

數學:會教快半個學期,因為小一已經買埋二上嘅書。測驗考試會有10分8分嘅挑戰題係書冇教嘅,堅難既,睇明題目都要幾分鐘。

會出通告叫你地參加校外有認授性嘅數學比賽。有得獎既畢業禮會頒發。

英文:有教科書,但主力教學校自己出嘅workbook。要串/識好多生字但常用既,例如十幾種衣服款式嘅生字,教你看圖作文點樣豐富你哋寫法。有unseen dictation。有Phonics堂,據講係用能力分班上,能力低嘅會有外籍老師教。

考試會有Listening同Oral。

中文:正正常常,鼓勵做閱讀報告,應該一年要做十幾本,但因為疫情做少咗。有普通話堂要考試但唔難。

考試會有Listening同Oral。

常識/科學/電腦:有機會用英文上堂。

視藝:應該係最開心,TA教唔太理秩序,傾偈玩呀自己幾個朋友坐埋一枱。

體育:因為疫情都冇咩點上堂,要做簡單文字報告。聽聞以前係行去牛津道上堂。

小一完咗有得參加校隊選拔,基本上主流嘅球類、田徑同游泳都有男女子校隊,入選嘅有暑期訓練班參加,由專業嘅體育會教練訓練。大部份要自費嘅。

其他:有教導家長點樣養育小朋友嘅講座。來唔時有通告叫你買教育商品,買唔買自己決定,始終係私校嘛。

個人覺得早熟、獨立既小朋友會讀得輕鬆D。其實好多宣幼直升上去都讀得好好,好多地區名校比九宣仲谷/深好多。雖然面試筆試冇考體育,但目測好多小一仔本身都有唔錯嘅體育底,如果係鍾意玩運動都幾適合。
   17    0    0    1

Rank: 5Rank: 5


3017
35#
發表於 21-9-7 17:13 |只看該作者
dupbu 發表於 21-9-7 12:54
想問下如果小朋友喺出面已經學緊小提琴,唔跟學校學會唔會影響入樂團嘅機會?同埋係咪一樣樂器就足夠? ...
無影響入樂團嘅機會. 基本上你想入樂團, 就會入到, 只不過是高中初團的分別.不過小朋友一起跟學校推薦的老師學track record 係好些. 坦白講有幾多小朋友有音樂天份和願意自動自覺學樂器. 一起學會有個伴, 小朋友見到隔離同學做到, 自己都有動力做些. 現在團體賽停晒. 否則大家同一個老師, 玩團體賽些老師在訓練上安排容易些.

宣小學生音樂水平高絕不是因為學生是音樂奇才, 只是學校音樂學習氣氛濃厚, 從小接觸高水平的音樂, 人玩我玩的心態, 樂團每年有在校在外表演機會, 願意玩樂器樂團, 音樂都不會是太差. 當然唔係個個玩樂器, 有人轉玩運動.

一樣樂器能夠專已很好. 學校除了小一時科主任推一推, 其他時候學校無人理過小朋友學成點. 始終讀好書最緊要.

Rank: 3Rank: 3


120
34#
發表於 21-9-7 12:54 |只看該作者
本帖最後由 dupbu 於 21-9-7 12:56 編輯

想問下如果小朋友喺出面已經學緊小提琴,唔跟學校學會唔會影響入樂團嘅機會?同埋係咪一樣樂器就足夠?

Rank: 14Rank: 14Rank: 14Rank: 14


122071
33#
發表於 21-9-7 12:13 |只看該作者
manutd71 發表於 21-9-6 20:16
感謝長期用家分享(emoji)(emoji)每個小朋友能力不同所以感受也未必相同。

音樂方面,因為舊年科主任有個 ...
唔好睇小音樂同視藝兩科係呈分既影響
還記得初為父母時,對孩子的期望嗎?我當時只想他/她平平安安,健健康康。
隨著時光飛逝,人的期望慢慢變了,變得越來越有要求。所以要經常提醒自己:毋忘初心
箴言4:23 - 你要保守你心,勝過保守一切,因為一生的果效是由心發出。
箴言22:6 - 教養孩童,使他走當行的道,就是到老他也不會偏離。

Rank: 5Rank: 5


3017
32#
發表於 21-9-7 12:01 |只看該作者
畢業前考完8級的大有人在, 中途放棄亦有, 老師唔會管亦唔會問. 只是學校提供了好師資, 好環境, 從而令小朋友音樂有好成績. 你選擇玩運動或只讀書. 無人會比壓力你.
不過到你搵中學時, 你便知小朋友有無體藝在手的分別有幾大.

為何90%畢業生入BAND 1, 頭50可 入神學是有原因的

Rank: 6Rank: 6


9047
31#
發表於 21-9-7 11:49 |只看該作者
係, 我對嗰個powerpoint都好深印象...
我個小朋友係小二插入去, 所以係小二先開始學樂器(本身學開鋼琴), 自知唔會跟得到呢個powerpoint, 所以自問盡咗力就算.

Rank: 2


90
30#
發表於 21-9-6 20:16 |只看該作者
義氣仔女 發表於 21-9-6 13:49
我2個小朋友喺宣小畢業左已經幾年,當年仲係舊校長,對樓主解構宣小既狀況,我以當年用家身份去回應,部份 ...

感謝長期用家分享(emoji)(emoji)每個小朋友能力不同所以感受也未必相同。

音樂方面,因為舊年科主任有個講座出晒powerpoint話幾多年級應該考到咩級,所以比較深印象。當然冇考/考唔到學校都管唔到,音樂呈分佔小部份。

Rank: 5Rank: 5


2139
29#
發表於 21-9-6 13:49 |只看該作者

回覆樓主:

我2個小朋友喺宣小畢業左已經幾年,當年仲係舊校長,對樓主解構宣小既狀況,我以當年用家身份去回應,部份岩,部份唔認同,宣小係重視音樂,但我從來唔覺校方有迫同學盡考哂五六級樂器,其實學校唔會理學生考到幾多級,你鍾意報比學校咪報囉,唔報既話,學校唔會理你考到幾多級,至於形形色色既音樂比賽,除左校際音樂節,我記得我無收過校方通知有那些音樂比賽

學業方面,我只可以概括講,能力好跟得上既同學,就唔會覺得谷,相反,平庸d既同學,係會覺得有點谷

Rank: 3Rank: 3


334
28#
發表於 21-9-5 11:07 |只看該作者
dupbuu 發表於 21-9-1 19:28
請問下有無人知九宣嘅女子籃球練得多唔多?同埋多唔多比賽?

未有疫情都好多練習同比賽!疫情就差唔多停頓了!校隊練習每星期都要出去出面啲體育館練習,有請出面啲教練陪訓!有好多比賽參加!所以一定要有心理準備會用好多時間接送!不過啲小朋友係開心練習

Rank: 3Rank: 3


334
27#
發表於 21-9-5 11:02 |只看該作者
waihk 發表於 21-9-1 17:02
請問音樂導師學費大概幾多錢? THANKS

睇你學咩樂器,$400-$600半小時都有,通常初1-5級上半小時就夠!啲導師師資好高

Rank: 3Rank: 3


435
26#
發表於 21-9-2 18:20 |只看該作者
我都係用家,我覺得宣小的小朋友係真心叻嘅。

Rank: 2


90
25#
發表於 21-9-1 19:44 |只看該作者
Raleigh 發表於 21-8-31 23:57
自己約導師上,小一多以小組形式上(3-4)個左右,小二開始可以同導師商量單對單
...

舊年疫情下學期已經要1-1又不能回學校練。

Rank: 5Rank: 5


1482
24#
發表於 21-9-1 19:28 |只看該作者
請問下有無人知九宣嘅女子籃球練得多唔多?同埋多唔多比賽?

Rank: 4


930
23#
發表於 21-9-1 17:02 |只看該作者
本帖最後由 waihk 於 21-9-3 10:47 編輯
Raleigh 發表於 21-8-31 23:57
自己約導師上,小一多以小組形式上(3-4)個左右,小二開始可以同導師商量單對單
...

請問音樂導師學費大概幾多錢? THANKS

Rank: 3Rank: 3


334
22#
發表於 21-8-31 23:57 |只看該作者
Amandamamachan 發表於 21-8-30 19:43
想問學樂器係音樂堂上,還是自己約導師上堂?

自己約導師上,小一多以小組形式上(3-4)個左右,小二開始可以同導師商量單對單

Rank: 1


11
21#
發表於 21-8-30 19:43 |只看該作者
manutd71 發表於 21-8-27 19:08
我仔當年都係waiting筆試考入去。仔話份卷其實唔難佢好快做完,中間老師會逐個叫出去傾吓計,問吓佢家庭狀 ...

想問學樂器係音樂堂上,還是自己約導師上堂?

Rank: 5Rank: 5


3017
20#
發表於 21-8-30 15:10 |只看該作者
宣小P1-P3唔算谷. 好多時間可用來玩體藝.P1-P2, 從考試範圍, 絕對比SFA, HY, 一些一線津校小.
沒什麼抄寫功課
不過高小是深. 若小朋友可handle 到, 絕對是叻仔叻女.
no pain no gain. 若有這麼好的升中成績, 就要有相對的付出.

Rank: 2


90
19#
發表於 21-8-29 22:23 |只看該作者
BERNICEJUNE 發表於 21-8-29 00:34
點解今時今日仲有家長會認為多功課就代表谷呢?!
宣小教淺考深,小一仍算係蜜月期,遲d就會知。
...

如果你係高小用家,歡迎分享

Rank: 2


90
18#
發表於 21-8-29 22:19 |只看該作者
Poon509702 發表於 21-8-28 18:36
回覆 manutd71 的帖子

今年升小一如果學開鋼琴

冇聽過話可用鋼琴考試,只有弦,管同敲三賞。

Rank: 6Rank: 6


5593
17#
發表於 21-8-29 14:24 |只看該作者

回覆樓主:

今個暑假剛剛見返阿女以前幼稚園同學,依家佢係APS準備升高小,佢媽媽都話功課唔多程度適中。暫時只有級頭三名先知名次,音樂考級比隔離另一九龍塘私小的同學仔快咗一年左右。我覺得佢讀得開心同輕鬆,家長壓力都不算大。
‹ 上一主題|下一主題
返回列表
發新帖