有冇細B成功入PN班例可以分享下

scaar

我個女9月頭生日，個個話細B難收/唔收。有冇細B成功入出名啲嘅PN/名幼例子可以分享下？

xiao.ying.ying

我小朋友有SJC offer, 嚟緊12月先開始入讀。另外大仔經驗，sc都收10月超大。

Dordorbat

8月唔細la , 名幼n 唔收，k1都會收
我女11月k1 sc , 12月都有

supervi

請問8 月算唔算細B呀?

快樂火雞

見過12月細B入靈糧堂，當然唔係HKLLC

i_love_leibb

scaar 發表於 21-8-17 08:36
我個女9月頭生日，個個話細B難收/唔收。有冇細B成功入出名啲嘅PN/名幼例子可以分享下？
...

我女10月2x號生日細b，考pn時唔識咁多，報左10間左右幼稚園(大部分係區內券幼，除左明慧，而且個時我對名幼係零認識)最後得4間有得見，去到面見覺得同大b差異好大結果要到call waiting 先得明慧同另一村幼全日班收，經歷完pn之後，k1面試我早左好多準備、係ek勁爬文，我覺得係好有用，可以請教過來人，亦可以了解之後條路點行，又順便了解小學大抽獎、面試流程，k1因為驚好似pn咁，所以報左一共16間幼稚園(唔好笑我怪獸，因pn太失落，所以想多d機會試)到pn開學，因為疫情，只番左10日左右面授，之後就zoom上堂，我女係好活潑好動坐唔定，k1面試有唔同形式，拍片、zoom,面見，我女都有失準或失控)嘅時候，不過最後好幸運，正取加後備都有十幾間收左而家係LH讀緊。
總結經驗，學術我地無特別操，但我好鐘意比小朋友感受唔同體驗，盡可能地去多d唔同地方，至少令佢唔好一見人就喊，我有朋友女女好叻，而且好乖，但佢好怕生，一見陌生人就驚同喊，好影響表現，同埋拍片唔好只放小朋友有幾叻，識幾多嘢嘅片，親子活動、關係都好重要！另外，家長真係要好好做功課邊間學校適合自己小朋友，去到求位階段，誠意都好重要，唔好覺得個個都寫信邊有用，我相信誠意係有用，用心去寫，唔需要例文，我自己心態係我起碼盡力做自己可以做到嘅嘢，唔好後悔！

唔好意思，寫得太長，但我好想鼓勵細b家長，加油，努力準備，一定有所得著，k1只係開始，升小又會係我另一功課，多謝同路人一直以黎嘅分享同指點！

hugub

其實K1 interview多數在10-12月進行，讀pn只可以令小朋友冇咁怕人，都叫有d幫助既

我女8月返pn，11月interview K1，佢返左3個月都叫做醒目左

scaar

我諗住報Think PN, 只係驚細B讀完對考K1都係冇改變。。 但聽完大家分享有番少少希望 😄

hugub

我諗你打去問下好d，唔好估估下，我有經驗阿女9月出世，心諗細B有d難度，一於試下交表，我記得有一欄係填對學校教學有什麼看法？我就填左對學校教學特色的睇法，結果interview前一個月收到電話提我出席interview，我當時唔知對方係校長只知佢係x小姐，於是我順帶問下係咪9月出生冇機會，點知x小姐好nice話呢d只係傳聞，我地有收10月份出生既學生，後來我睇返資料至知x小姐原來係校長，最後阿女真係成功入到呢間有小學backup及band 1 聯繫中學既幼稚園

我仔都係9月出生，佢考到Victoria PN 及 SC K1

有朋友女女11月出世考到HY

Nutcraker

我見St cath PN 有收七月尾

lfnewgirl

Tutor time 同 新一代 算唔算？
朋友的八月b有這兩間offer

Cacameister

我女當年都係細b9月頭生日，pn基本上都唔使target名幼，最穩陣都係揀d會收細b嘅幼稚園，eg明慧，Think etc
K1大多少少先考名幼，都有細b考到嘅例子，不過比例一定細