bigxxxx 網站數據真的不可信～

Fatema

話說親戚個囡上年派得唔好，就去了九龍城網某間band2B~C既A校扣門，收了，上年她也有問過我比意見的，因她囡有幾間差不多level 的B和C中學也收了，我當然在bk 爬文及用了資深會員的list 資料比意見親戚(個人覺得數據及可信度較不知名網站高），最後她選了 A 校，因為我意見是在bk 資深會員數據裡A校還是屬 band2的， 其餘B,C 學校沒有在 list 內提及到。
但親戚最近在中學還沒放榜時， 就去 bigxxxx 網度睇下中學資訊，半年前A 校在此網也評為2C 校的， 但最近再看，就變了3A, 咁可能佢地睇到該校上年文憑試成績真係差左既，但大家都知作為家長既，有幾緊張學校 banding 1,2,3 既數字行頭先架！但問題就係成年都唔改，放榜前先改，咁親戚再睇返上年 B,C 都收了她囡的學校， 完全沒數據提供，只顯畢業生升學率， 就由原來的B3A變成了B2B~C, 且B 校沒數據的畢業生升學率較A 校還要低， 所以我又再去bigxxxx 網睇下， 發現佢網真的很奇怪， 好多B1中學又評為2A, band 2A~B 學校又評為 Band1B ,同 level 或成績較好的學校 banding 又會差個間banding 較好 , 返而好個間就評差了，由此可見， 此網準誠度低， 是否含商業途徑來推高某些學校 banding(當然說的band1 學校），親戚的那個問題，只是帶出此網用沒有真實數據的情況下亂去評 banding , (因為多數成績不是那底麼好的學校才不出數據）這樣真的會影響只靠單重網上搜查資料的家長選校方向及參考價值，所以來年升中選校的家長要慎用此網的數據， 都是參考在BK 的幾位資心會數據較可靠～

Ps: 當然某些未到band1水平既中學家長，見到呢個網將自己仔囡中學banding 被評高了，就會很信任此網站啦

PAPA2022

中学排名,只可以参考下.唔好太在意. 反正,自已讀自己書~將來入左3大4大又点???
近半世纪, 年年都大把人U grad, 巳成街都係大学生, 又要去競爭份工作, 升級.............
化啦。

ok3

behappydad 發表於 21-8-3 13:43
根本無足夠資料做ranking, 每間學校公開資料都不同，點比？

基本上就好似去選美時身高體重3圍數字咁，眾佳麗都只會選擇性咁披露3兩個見得人嘅數字，但大會評判又可以將佢地以體型排出名次

behappydad

根本無足夠資料做ranking, 每間學校公開資料都不同，點比？

mcl203

王家爸爸 發表於 21-8-2 17:08
3.5間嗰0.5間係嘜概念？

0.5嘅概念係男仔係，女仔唔係。又或，女仔係，男仔唔係。我估～～～

王家爸爸

Poyau 發表於 21-8-2 17:42
驚輸家長網?

其實亞洲社會都係咁。幾年前我喺大陸做野時，見佢哋啲群組既家長比香港既家長更加直昇機，而且佢哋基本上只睇學校既名氣，唔係好似香港咁考慮埋課外活動、教學質素之類。

Poyau

王家爸爸 發表於 21-8-2 17:29
佢哋只係未見識過更高境界，當佢哋見到新加坡類似網站既討論，我估佢哋一定「傻眼」。 ...

驚輸家長網?

王家爸爸

hkpapa852 發表於 21-8-2 05:55
新會員有為何咁「執著」人地對B1A中學係咪「手緊」呢？

佢哋只係未見識過更高境界，當佢哋見到新加坡類似網站既討論，我估佢哋一定「傻眼」。

王家爸爸

pauljr 發表於 21-7-30 16:18
呢度成日話要揀一間「適合」嘅中學，點解咁執着點樣劃分band 1A？若真如此，邊間又係band 1A還重要嗎？
...

我諗你對「適合」呢個概念有誤解。「適合」呢個概念包含唔同既「適合」，例如程度「適合」、教學方法既「適合」、課外活動既「適合」等等。

以教學方法既「適合」為例，無論成績、地理位置都接近既B1女校，SPSS同MSS教學方法，自由度就好唔同。同樣俾坊間認為係B1A既LSC同林護教學方法，自由度就好唔同。

以程度既「適合」為例，自古以來，唯一判斷程度既方法就係將學校分成三等九品。同等同品就係絕配，同等不同品就所去不遠。點解唔一定需要同等同品既絕配，原因就係程度既「適合」只係最重要既因素，仲有其他考慮因素，例如教學方法、課外活動。

hkpapa852

王家爸爸 發表於 21-8-2 17:08
3.5間嗰0.5間係嘜概念？

或者可以咁去理解:

一間學校以一級4班計, 3.5間即係10班
可以係2間一級5班既學校, 2間一級4班+1間一級兩班 之類既組合

純粹斷估咋!

王家爸爸

hkpapa852 發表於 21-8-2 14:04
B1A (日校考生1/9) ±35間
B1A* (B1A x 40%) ±14間
B1A** (B1A** x 10%) ±3.5間

3.5間嗰0.5間係嘜概念？

王家爸爸

PeterWong2021 發表於 21-8-2 15:55
被滅聲了... 不意外...

假的真不了

hkpapa852

Poyau 發表於 21-8-2 13:55
頭35間考生人數約等如日校考生1/9
假如B1A校為DSE成績前列35間中學
再細分可據不同分法例如以下:

B1A (日校考生1/9) ±35間
B1A* (B1A x 40%) ±14間
B1A** (B1A** x 10%) ±3.5間

嗱! 呢種分法按足考評局劃分DSE成績等級咁去分, 咁就政治正確嘛!

Poyau

gracelam 發表於 21-8-2 10:42
手緊有手緊好! 否則一個唔覺意就有一堆量化寬鬆咗嘅B1A中學  

到時可能就會出現有B1AAA, B1AA中學 ...

頭35間考生人數約等如日校考生1/9
假如B1A校為DSE成績前列35間中學
再細分可據不同分法例如以下:

B1A (日校考生1/9) ±35間
B1AA (日校考生1/27) ±10間
B1AAA (日校考生 1/81) ±4間

B1A (日校考生1/9) ±35間
B1A* (B1A x 40%) ±14間
B1A** (B1A** x 10%) ±3.5間

B.B.BaBa

gracelam 發表於 21-8-2 10:42
手緊有手緊好! 否則一個唔覺意就有一堆量化寬鬆咗嘅B1A中學  

到時可能就會出現有B1AAA, B1AA中學 ...

好似已經有人講緊 B1A頭、中、尾

gracelam

AI1 發表於 21-8-1 13:30
還有的是，口講唔執著，其實就最執著。見好資深那位網友
B1A咁手緊
...

手緊有手緊好! 否則一個唔覺意就有一堆量化寬鬆咗嘅B1A中學

到時可能就會出現有B1AAA, B1AA中學了

hkpapa852

AI1 發表於 21-8-1 13:30
還有的是，口講唔執著，其實就最執著。見好資深那位網友
B1A咁手緊
...

新會員有為何咁「執著」人地對B1A中學係咪「手緊」呢？