陳瑞祺 VS 播道 - 小一選校 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小一選校 › 陳瑞祺 VS 播道

發新帖

查看: 25114\|回覆: 42	go 陳瑞祺 VS 播道 [複製鏈接]

Rank: 4


	583

1^#

發表於 21-5-25 12:51 |只看該作者 |正序瀏覽 |打印

本帖最後由 Chacha619 於 21-5-25 16:20 編輯

哥哥在陳瑞祺讀緊，細佬自行已收，播道CALL WAITING...大家會點簡?? 可否比D意見，請多多指教

哥哥已在陳小讀小二，雖然只考到約級30不是太叻，但感覺要每星期都要溫習來應付默書進評測考。所以都考慮細佬讀埋陳小的話...兩兄弟生活模式便只能跟著一樣。

另，播道聽落唔多BAD COMMENT...係咪真係甘好???

Rank: 5 Rank: 5


	3721

43^#

發表於 21-8-10 10:01 |只看該作者

hkpapa852 發表於 21-8-10 09:32
個人意見，直資勝在課程彈性度較高。
不過用播道同CSK直接比較其實唔太合適，因為有龍中既小學，無必要一早 ...

絕對同意

Rank: 14


	122057

42^#

發表於 21-8-10 09:32 |只看該作者

個人意見，直資勝在課程彈性度較高。
不過用播道同CSK直接比較其實唔太合適，因為有龍中既小學，無必要一早好似無中學部既學校咁，頭6年就盡谷成績。

還記得初為父母時，對孩子的期望嗎？我當時只想他/她平平安安，健健康康。
隨著時光飛逝，人的期望慢慢變了，變得越來越有要求。所以要經常提醒自己：毋忘初心！
箴言4:23 - 你要保守你心，勝過保守一切，因為一生的果效是由心發出。
箴言22:6 - 教養孩童，使他走當行的道，就是到老他也不會偏離。

Rank: 4


	846

41^#

發表於 21-8-10 07:34 |只看該作者

keechoi 發表於 21-8-10 03:06
可以講多d準校和直資有咩不同嗎？

謝謝

不可以一概而論，因為真係有津校係做得好好，同樣直資都可以一般，加上每個學生對老師的反應感覺不一樣，接受程度不一！
我自己個區的津一課程較二線淺，老師相對較死板，多抄寫，上堂相對沉悶。

個個家長心態不一樣，我都唔抗拒多功課，小朋友性格能坐定完成就可以；同樣人地話好的學校又未必適合/收自己仔女，選學校都係人夾人，一重緣份……

還了看家庭經濟負擔，小朋友還有興趣班要上，不單單只係入了津一/直私就成功！！

多上家長課程，多聽身邊已經歷過的朋友講，自己分析，適合自己又要適合小朋友。

直資都可以好深，老師教淺考深，家庭不停外補去keep進度，outcome小朋友成績好……真係要睇小朋友能力心力和家庭的協助。

我把了解的同你分享……

Rank: 5 Rank: 5


	1324

40^#

發表於 21-8-10 03:06 |只看該作者

MW148 發表於 21-8-6 07:30
我都同意，如果係2個以上的家長，學校能每星期個個小測俾小朋友，keep住自己温書，中英數IS輪住測，到考試 ...

可以講多d準校和直資有咩不同嗎？

謝謝

Rank: 4


	717

39^#

發表於 21-8-6 15:43 |只看該作者

MW148 發表於 21-8-6 07:30
我都同意，如果係2個以上的家長，學校能每星期個個小測俾小朋友，keep住自己温書，中英數IS輪住測，到考試 ...

只有用家才能分享學校的好(emoji)

Rank: 5 Rank: 5


	2777

38^#

發表於 21-8-6 13:26 |只看該作者

MW148 發表於 21-8-6 07:30
我都同意，如果係2個以上的家長，學校能每星期個個小測俾小朋友，keep住自己温書，中英數IS輪住測，到考試 ...

So happy to hear that you’ve made the choice (emoji)(emoji)

Rank: 4


	846

37^#

發表於 21-8-6 07:30 |只看該作者

蓮蓉包發表於 21-5-28 20:45
本帖最後由蓮蓉包於 21-5-28 20:48 編輯

或者回應多少少讓你參考下。播道冇精英班的。功課初小一個鐘 ...

我都同意，如果係2個以上的家長，學校能每星期個個小測俾小朋友，keep住自己温書，中英數IS輪住測，到考試時又有上年past papers 俾學生做，考試前課堂上又會一齊重温某些未能拿握的科題，所以基本上考試比其他學校輕鬆，原因不是淺，是已經打了一定基礎。

我本身3位小孩子，大女地區一線小學下學期轉到播道，感受過津校＆播道的不同，所以無後悔過轉到播道

本身家住馬鞍山，同車有1x位小朋友一齊反播道，各家長都係最初抱住讀住先心態，希望日後揾近的，可能係升中會走？？但最後，小朋友唔想走，家長又好滿意，所以一直在讀。雖然車程比較長，聽女講校車上大哥哥大姐姐會幫佢溫書，又經常互相交換書睇，這種風氣實在難得

上個星期，收到家附近直龍offer插班, 都考慮了2日，最後決定留在播道，待仔佬落實學校後再決定是否搬

今次的決定令我更了解學校，老師從不放棄每一個同學，不停鼓勵小朋友，令同學之間都常常互相扶持

今年係9月小一生取消呈分，其實對我們無大影響。至今在這的家長轉校的情況不太多，老師同時相對穩定。至於我，暫時好滿意。

我只是普通用家發表意見，用家會更清楚

Thanks

Rank: 6 Rank: 6


	5455

36^#

發表於 21-6-2 10:04 |只看該作者

回覆樓主:

播道活動教學又可上升中。除非不是必收,否則選播道好D。

Rank: 5 Rank: 5


	2777

35^#

發表於 21-5-28 20:45 |只看該作者

Chacha619 發表於 21-5-27 18:23
回覆 Yyt123 的帖子

其實陳小老師都好好...好多愛心...小一班主任非常好....常常來電...好關心小朋友適應. ...

本帖最後由蓮蓉包於 21-5-28 20:48 編輯

或者回應多少少讓你參考下。播道冇精英班的。功課初小一個鐘可做完（如果冇作文功課）。呢兩年學校streamline 佐，同日不會有多個一個quiz /dictation , 通常一星期一至兩個。另外quiz 一般只計best 1/2 or 2/3 , 偶爾失手都唔担心。我覺得可以keep 住學習又唔太大壓力。
另外，作為用家，好似係小一入學講座聽過4+4+4（學校的課程安排）實際運作我唔係好覺得升上小五後好唔同(emoji)

點評

發表於 21-5-29 07:48

發表於 21-5-29 07:47

發表於 21-5-29 07:47

Rank: 5 Rank: 5


	1840

34^#

發表於 21-5-28 09:50 |只看該作者

我兩個孩子自律性強，每日會自動完成所有功課。我是在職媽媽，通常我們晚飯後8:30 開始睇功課，初小我通常半小時已睇完，大的那個因為是高小，我會全精力完成，通過計埋默書10點左右可以收工。補習方面，大那個小五開始，只有星期六上英文作文班及So in 數學，通常星期日是休息，不過會做我的额外補充練習：中、英各一份comprehension。通常做得好，我就放佢地自由活動，打機、煲劇。細的孩子也是小五呈一後才開始補數及英文。老實說，我是魔鬼媽媽，平日功課如果馬虎，我是手起刀落的那類人。所以小朋友不敢hea 我。只要達標，我就放人。不景大家都要休息和玩！

Rank: 5 Rank: 5


	1214

33^#

發表於 21-5-28 09:30 |只看該作者

回覆 MimiCactus 的帖子

請問陳小需要家長花很多時間陪做功課嗎？會否教淺考深? 小朋友多外補嗎？

Rank: 10


	27857

32^#

發表於 21-5-28 09:16 |只看該作者

本帖最後由 rainbowcov 於 21-5-28 10:09 編輯

MimiCactus 發表於 21-5-28 07:46
或者我講下陳小各方面。本人有兩個孩子均是CSK 舊生。最細的是去年畢業生。雖然陳小係行精英制，但我亦不覺 ...

路過 del

Rank: 14


	122057

31^#

發表於 21-5-28 08:25 |只看該作者

Chacha619 發表於 21-5-27 18:48
回覆 hkpapa852 的帖子

在香港讀書...我也明白無以免費的午餐的情況，我不是說要全無壓力的HAPPY SCHOOL, ...

如果係雙職家長們投放不了太多時間係小朋友學業，更應兩兄弟同一學校。

至少有事阿哥可以幫到手。

還記得初為父母時，對孩子的期望嗎？我當時只想他/她平平安安，健健康康。
隨著時光飛逝，人的期望慢慢變了，變得越來越有要求。所以要經常提醒自己：毋忘初心！
箴言4:23 - 你要保守你心，勝過保守一切，因為一生的果效是由心發出。
箴言22:6 - 教養孩童，使他走當行的道，就是到老他也不會偏離。

Rank: 5 Rank: 5


	1840

30^#

發表於 21-5-28 07:46 |只看該作者

或者我講下陳小各方面。本人有兩個孩子均是CSK 舊生。最細的是去年畢業生。雖然陳小係行精英制，但我亦不覺得太辛苦，仍可適應。首先樓主講哥哥排全級三十，我可以講，這個成績仍可保持到去小四，因為大部分成績已定。但入4A 精英班必須是考獲一至三十名內。當然在精英班師資、出外活動及學校服務機會比人多。但一到小五呈分，突然間會有一班人沖上黎，通常三十名會跌多廿名左右，只要保持在級70名內，仍可入小五、小六精英班（分別是B及E班），C班是中間班。A及D班是補底班。升中派位，B1學生從來唔會放陳中在乙一，只有邊緣人及B2生才放陳中。學校去年派位仍不錯，我兩個孩子亦是派入九龍城校網B1B 中學。

老師方面，個別老師好緊張學生功課，但人始終偏心，老師都係偏愛成績叻，考級頭的同學。一般陳小畢業上中學最不能應付到的科目是英文；反而中文是陳小畢業生根基最好的一科。至於陳小數學，大家最好出外補習。

老實講，在初小階段有兄姊的就讀的妹妹弟弟，只要兄姊成績好，係會幫到弟弟妹妹一把，機會比人多。

Rank: 5 Rank: 5


	1490

29^#

發表於 21-5-27 19:01 |只看該作者

本帖最後由Ｍａｃｙ於 21-5-28 18:58 編輯

回覆 Chacha619 的帖子

好明白，身同感受！阿校長是8A出身，佢分享過自己不是學校谷出來，而係喜歡讀書，然後去到公開試，同儕間見賢思齊和有自己奮鬥的目標（希望無聽錯）。

Rank: 4


	583

28^#

發表於 21-5-27 18:53 |只看該作者

回覆Ｍａｃｙ的帖子

聽你的描述，已感受到小朋友在學習上很有興趣去伸延學習，這是非常好的.
我也不想小朋友讀書讀到苦瓜乾既面口，這樣他會失去學習的動力..

請可否再解釋4+4+4是怎樣呢?

Rank: 4


	583

27^#

發表於 21-5-27 18:48 |只看該作者

回覆 hkpapa852 的帖子

在香港讀書...我也明白無以免費的午餐的情況，我不是說要全無壓力的HAPPY SCHOOL, 亦心明段練辛勤同學習態度需要的，成功是必須要努力，沒有不勞而獲。
亦可能過去一年疫情，教學上很多都交了家長協助，復課了就一連寸追課程，太密集的溫習/默書/進評測考追分數...真係有點累。我們是雙職父母，剛巧有幸有這機會...所以就想請教下...行另一條路...小朋友又學到知識又可有分數...但又不是太大壓力...是否又可行呢!

當然我也明白.....無付出又何來收獲...但有兩個小朋友...真係要諗諗HANDLE他們學習上的時間、節奏...等等不同因素...希望從中搵到大家都可行又舒服的道路!

Rank: 5 Rank: 5


	1490

26^#

發表於 21-5-27 18:33 |只看該作者

本帖最後由Ｍａｃｙ於 21-5-27 18:53 編輯

回覆 Chacha619 的帖子

聽到你說，開心呀。小朋友讀得開心、順利、隨性，就好了。有一次無意中聽到阿校長分享，好則重操成績，小朋友學野快，有能力會做到。但係會犧牲小朋友探索、發掘、感受自己和世界、體驗事物的發展。太重谷學術是兩刃劍，要好有智慧，貴乎”中庸之道”。（谷的家長，無論怎樣都會谷的，一切貴乎時間和心力，小朋友的能力。）

Rank: 4


	583

25^#

發表於 21-5-27 18:32 |只看該作者

回覆 kudon 的帖子

多謝你提一提重點...我要再好好思考一下...

升中/DSE都係其中既過程，終點都係想小朋友讀到大學畢業，當然他日讀咩科就係小朋友既選擇。

我很喜歡閱讀所以自小已培養小朋友多閱讀他們亦培養出閱讀興趣，奈何就係覺得功課量/默書/進評太密集每星期都有或者同時幾科一星期都出現…那便要用很多時間溫習，變相小朋友想閱讀都變了很難的事了。

‹ 上一主題|下一主題 ›

發新帖

熱門主題

最高瀏覽主題